جاڭا حابارلار

حالىق ءۇشىن  اقتىق دەمى تاۋسىلعانشا كۇرەسكەن ــ زىڭ شى- ى

    كەلۋ قاينارى: شينجياڭ حالىق راديو ىستانسياسى    2018-07-31 10:46:35  

 زىڭ شى- ى، 1904 - جىلى دۇنيە ەسىگىن اشقان، حۋنان ولكەسىنىڭ ي- ياڭ دەگەن جەرىنىڭ ادامى. 1923 - جىلى ي - ياڭ  شين-ي  داشۋەسىنە ءتۇسىپ وقىپ، العاباسار يدەيانى قابىلداي باستايدى. 1925- جىلى حۋاڭپۋ اسكەري مەكتەبىنىڭ چاڭشا 3- بولىمشە مەكتەبىنە ەمتيحان بەرىپ قابىلدانادى، سول جىلى جۇڭگو كوممۋنيستىك جاستار وداعىنا مۇشە بولادى. 1926- جىلى گومين توڭكەرىستىك ارميا 8- ارمياسى دەربەس 1- شىسىنىڭ وقۋشىلار قوسىنىنا قابىلدانادى، سول جىلى جۇڭگو كوممۋنيستىك پارتياسىنا مۇشە بولادى. سولتۇستىككە جورىق شايقاسىنا قاتىناسىپ، گومين توڭكەرىستىك ارمياسى  4- ارميا توبى باس قولباسشىلىق شتابى قورعاۋشىلار تۋانىندا ليان باستىعى مىندەتىن اتقارادى. سولتۇستىككە جورىق ۋحانعا كەلگەننەن كەيىن، كوممۋنيستىك پارتيانىڭ مەڭگەرۋىندەگى 2 - باعىتتاعى ارميانىڭ باس قولباسشىلىق شتابى قورعاۋشىلار تۋانىنە اۋىسادى. 1927- جىلى 9- ايدا، قورعاۋشىلار تۋانىنا ىلەسىپ، ماۋ زىدۇڭ باسشىلىق ەتكەن حۋنان مەن جياڭشيدىڭ شەكاراسىنداعى كۇزگى جيىن- تەرىن كوتەرىلىسىنە قاتىناسپ، يڭنىڭ شتاپ باستىعى مندەتىن اتقارادى. سانۋان قىستاعى قايتا قۇرىلعاننان كەيىن جۇمىسشى- ديقان توڭكەرىستىك ارمياسى (كەيىن جۇمىسشى - ديقان قىزىل ارمياسى دەپ اتالعان) 1- شى 1- تۋان ەرەكشە مىندەت اتقارۋ ليانىنىڭ باستىعى بولادى، 1928- جىلى 5- ايدا قىزىل 4- ارميا 31- تۋانى 3- ليانىنىڭ باستىعى مىندەتىن اتقارىپ، اسكەري ءبولىمدى باستاپ، لۇڭيۋانكۋ سوعىسى مەن حۋاڭياڭجيەنى قورعاۋ شايقاسىنا قاتىناسىپ، سوعىستا ەڭبەك ءسىڭىرىپ، جيڭگاڭشان توڭكەرىستىك بازاسىن قۇرۋ، بەكەمدەۋ جانە دامىتۋ ءۇشىن ۇلەس قوسادى. 1929- جىلى 1- ايدا 31- تۋان 1- يڭىنىڭ باستىعى، 3- ايدا قىزىل 4 - ارميا 3- قوسىن 7- تارماق اتىرەتىنىڭ باستىعى مىندەتىن اتقارادى، كوپ وتپەي 3- قوسىننىڭ شتاپ باستىعى بولادى. ول اسكەري قوسىندى باستاپ، دابايدي، چاڭليڭجاي، بايشا، شاڭحاڭ سياقتى جەرلەردەگى سوعىسقا قاتىناسىپ، ەرلىكپەن شايقاس جاساپ ، ءوزى اتويلاپ الدا جۇرەدى.  1930- جىلى كوكتەمدە زىڭ شى- ى قىزىل 4 - ارميا 2- قوسىنىنىڭ قولباسشىسى، سول جىلى جازدا قىزىل 4 - ارميانىڭ شتاپ باستىعى  قوسىمشا 2 - قوسىننىڭ قولباسشىسى، قىزىل 4 - ارميا 11- شىسىنىڭ باستىعى بولادى. ول اسكەري قوسىندى باستاپ ورتالىق توڭكەرىستىك رايونداعى 1- ، 2 - رەتكى «قورشاپ جويۋعا» قارسى تۇرۋ ارەكەتىنە قاتىناسادى. 1931- جىلى 8- ايدا، 3- رەتكى «قورشاپ جويۋعا» قارسى تۇرۋ شايقاسىندا، اسكەري قوسىندى باستاپ ليانتاڭ، لياڭسۇن، حۋاڭپو شايقاستارىنا قاتىناسىپ، سوعىستا ەلەۋلى ناتيجەلەرگە قول جەتكىزەدى. گاۋشيڭۋي شايقاسىندا،  قوسىندى باستاپ جۋگاۋ تاۋى شەبىن قورعاۋ ءۇشىن، مۇزداي قارۋلانعان جاۋمەن قايسارلىقپەن شايقاسادى. 9- ايدىڭ 8 - كۇنى، جاۋلار قىزىل 4- ارميانىڭ قولباسشىلىق ورنىنا تاياعان قاتەرلى ساتتە، ول شىداعى پارتيا مۇشەلەرى مەن پايدەن جوعارى كادرلاردى ۇيتقى ەتكەن ەرجۇرەكتەر قوسىنعا باسشىلق ەتىپ، جاۋ شەبىنە اتويلاپ ۇمتىلعان ساتتە، 27 جاسىندا  ەرلىكپەن قۇربان بولادى. سول كەزدە ماۋ زىدۇڭ جولداس تەرەڭ سەزىممەن: «زىڭ شى - ى جولداس ەرلىكپەن قۇربان بولدى. ول ەڭ ماڭىزدى ساتتە جان ءۇزدى. ول قوسىندى باستاپ، اتويلاپ العا شىعىپ، سوعىس جاعدايىن وزگەرتتى» ــ دەيدى. قىزىل ارميا باس ساياسي ءبولىمى بۇكىل ارميادا زىڭ شى- ىدان ۇيرەنۋ بۇيرىعىن تۇسىرەدى.   


بەرىپ كەت ورامالىڭدى

دوستار

الىستاعى اق ەركە