جاڭا حابارلار

شي جينپيڭ بەيجيڭگە قايتىپ كەلدى

    كەلۋ قاينارى: شينجياڭ گازەتى    2018-08-01 11:49:32  

اراب بىرىككەن امىرلىگىندەگى، سەنەگال رەسپۋبليكاسىنداعى، رۋاندا رەسپۋبليكاسىنداعى، وڭتۇستىك افريكا رەسپۋبليكاسىنداعى مەملەكەتتىك ساپارىن اياقتاتتى، بريكس ەلدەرى باسشىلارىنىڭ 10-رەتكى كەزدەسۋىنە قاتىناستى، قايتار جولىندا ماۋريتيۋس رەسپۋبليكاسىندا ايالدادى ءارى دوستىق ساپاردا بولدى

 شينحۋا اگەنتتىگىنىڭ 7 - ايدىڭ 29 - كۇنى بەيجيڭنەن بەرگەن حابارى. 7 - ايدىڭ 29 - كۇنى اراب بىرىككەن امىرلىگىندەگى، سەنەگال رەسپۋبليكاسىنداعى، رۋاندا رەسپۋبليكاسىنداعى، وڭتۇستىك افريكا رەسپۋبليكاسىنداعى مەملەكەتتىك ساپارىن اياقتاتىپ، وڭتۇستىك افريكانىڭ يوحاننەسبۋرگ قالاسىندا وتكىزىلگەن بريكس ەلدەرى باسشىلارىنىڭ 10 - رەتكى كەزدەسۋىنە قاتىناسىپ، ەلگە قايتار جولىندا ماۋريتيۋس رەسپۋبليكاسىندا ايالداپ ءارى دوستىق ساپاردا بولعاننان كەيىن، مەملەكەت ءتوراعاسى شي جينپيڭ بەيجيڭگە قايتىپ كەلدى.
  ءتوراعا شي جينپيڭنىڭ حانىمى پىڭ لييۋان، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت كەڭسەسىنىڭ مەڭگەرۋشىسى ديڭ شۋەشياڭ، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق سىرتقى ىستەر قىزمەتى كوميتەتى كەڭسەسىنىڭ مەڭگەرۋشىسى ياڭ جيەچى، مەملەكەتتىك كەڭەستىڭ مۇشەسى ءارى سىرتقى ىستەر مينيسترى ۋاڭ ي، مەملەكەتتىك ساياسي كەڭەستىڭ ورىنباسار ءتوراعاسى، مەملەكەتتىك دامۋ جانە رەفورما كوميتەتىنىڭ مەڭگەرۋشىسى حى ليفىڭ قاتارلى ساپارلاستارى سول ۇشاقتا بىرگە كەلدى.
  جەرگىلىكتى ۋاقىت 7 - ايدىڭ 28 - كۇنى كەشتە شي جينپيڭ ماۋريتيۋستان اتتانىپ، ەلگە قايتۋعا جول الدى. ماۋريتيۋستىڭ زۇڭليى جاگنات پەن حانىمى كوبيتا بيلىك كەڭسەسىنىڭ مۇشەلەرىن باستاپ اۋەجايعا بارىپ، اتتاندىرىپ سالدى.
  ەكى ەل باسشىلارى، حانىمدارى ۇشاق باسپالداعىنىڭ جانىندا ىقىلاسپەن قوش ايتىستى. شي جينپيڭ ماۋريتيۋس جاقتىڭ ىقىلاسپەن كۇتىپ العاندىعىنا جانە كوڭىلدەگىدەي ورنالاستىرۋ جاساعاندىعىنا العىس ايتتى. شي جينپيڭ مىنالاردى ءبىلدىردى: ماۋريتيۋسقا دوستىق ساپارىم وسى جولعى ازيا، افريكا ەلدەرىندەگى ساپارىما ءساتتى نۇكتە قويدى. وسى رەتكى ساپارىمنىڭ ۋاقىتى قىسقا بولعانىمەن، جەمىسى مول، ءمانى زور بولدى، جۇڭگو مەن ماۋريتيۋستىڭ دوستىق قاتىناسىن بەكەمدەيتىنى، كۇشەيتەتىنى داۋسىز. جاگنات ءتوراعا شي جينپيڭنىڭ ماۋريتيۋستاعى ساپارىنىڭ تابىستى بولعاندىعىن قۇتتىقتادى، جۇڭگونىڭ ۇزاق ۋاقىتتان بەرى ماۋريتيۋسقا كومەكتەسكەندىگىنە جانە قولداۋ كورسەتكەندىگىنە العىس ايتتى، جۇڭگو - افريكا سەلبەستىگى تالقى مىنبەرىنىڭ بەيجيڭدەگى باسشىلار باس قوسۋىنا قاتىناسقان كەزدە ءتوراعا شي جينپيڭمەن تاعى دا كەزدەسۋدى كۇتەتىندىگىن ءبىلدىردى.


بەرىپ كەت ورامالىڭدى

دوستار

الىستاعى اق ەركە