جاڭا حابارلار

سانجى وبلىسى الەۋمەتتىك قاتىناس قۇرىلىسىن كۇشەيتتى

    كەلۋ قاينارى: شينجياڭ حالىق راديو ىستانسياسى    2018-08-02 18:35:55  

سوڭعى جىلداردان بەرى، سانجى وبلىسى قالا مەن اۋىل تاس جول نەگىزگى قۇرىلعى قۇرىلىسىن كۇش سالا ىلگەرىلەتىپ، قالا مەن اۋىلدىڭ كوشە اۆتوبوزى لەنياسى تورابى جۇيەسىن بەلسەنە ابزالداندىرىپ، ءار ۇلت بۇقاراسىنا ءجايلى، قولايلى ساپارعا شىعۋ شارت-جاعدايىن ازىرلەدى. بىرنەشە كۇننەن بەرى، جەمسارى اۋدانى شيندي اۋىلىنىڭ ديحانى تيان جيانۋىن كارتوپ اتىزىنداعى ارام ءشوپتى وتادى، جاقسى ءوسىپ كەلە جاتقان كارتوپتى كورگەن تيان جيانۋىن قاباعات قۋاندى. ونىڭ 25 مۋ جەردەگى كارتوبى وتكەن جىلى اۆتوكولىك قاتىناعان سانجى وبلىسىنىڭ نانشان تاۋىنىڭ باتىس بولەگىنە قاتارلاسقان تاس جولدىڭ ماڭىنا ەگىلگەن، وتكەن جىلى، جەمسارى اۋدانىنان شيندي اۋىلىنا دەيىنگى تاس جولدى كەڭەيتىپ سالۋ ينجەنەرياسىنىڭ قۇرىلىسى دا ءبىر ۋاقىتتا اياقتاپ، بۇرىنعى 8 مەترلىك جول بەتى 12 مەترگە كەڭەيتىلدى. ەسىگىنىڭ الدىنداعى قايشالىسقان اۆتوكولىكتەرگە كوز تاستاعان تيان جيانۋىن تىلشىگە بىلاي دەدى: « بۇرىن جول جاسالماعان كەزدە، جۇك اۆتوموبيلدەرى كىرە المايتىن، ورتا تۇرپاتتى جۇك اۆتوموبيلىمەن تاسىلاتىن، بۇل كارتوپتىڭ ساتىلىمىنا اۋىر ىقپال جاسايتىن، باعاسى دا جاقسى بولمايتىن. قازىر جول جاسالىپ بولدى، كارتوپ تا تەز ساتىلادى، ءىرى جۇك اۆتوموبيلىمەن ءبىر جولدا تاسۋعا بولادى».
قىستاقتارعا تۇتاستىرىلعان اسفاليت جولدىڭ تۇرعىنداردىڭ ءۇيىنىڭ الدىنا دەيىن كەلۋىنە بايلانىستى، كوشە اۆتوبوزى دا ءۇيدىڭ الدىنا كەلەتىن بولدى. بيىل 61 جاستاعى سانجى قالاسى ىرليۋگۇڭ قالاشىعىنىڭ تۇرعىنى ابىلەز اۋىل-قىستاق تاس جولىنداعى وزگەرىستەن ەرەكشە اسەر الدى. ول بىلاي دەدى: « بۇرىن اۋىل-قىستاقتا ءار كۇنى تاڭەرتەڭ ءبىر اۆتوبوز، كەشتە ءبىر اۆتوبوز قاتىنايتىن، بىرنەشە مينۋتتا ءبىر اۆتوبوز كەلەتىن جاعداي جوق بولاتىن، ال قازىر بىرنەشە مينۋتتا ءبىر اۆتوبوز كەلەدى، كەز-كەلگەن ۋاقىتتا بار، بارلىق جاعى جاقساردى».سانجى وبلىسىندا اۋىل - قىستاق جولاۋشى تاسىمال كەزەكشى لەنياسىنان 375ى بار، اكىمشىلىك قىستاقتارعا اۆتوبوز قاتىناۋ مولشەرى %100 كە جەتىپ، اۋدان، اۋىل-قىستاقتىڭ قۇرىلعىسى كەمەلدى، ساپارعا شىعۋعا قولايلى جولاۋشى تاسىمال تورابى قالىپتاستى.
اۋىل - قىستاق تاس جولدارى تۇتاستىرىلدى ءارى شار-تاراپقا كەتىپ جاتقان قاتىناس قاڭقاسى دا قالىپتاستى. قازىر،سانجى وبلىسىنداعى مەملەكەتتىك، ولكەلىك نەگىزگى تاس جول 2 مىڭ 180 كيلومەتر، مەملەكەتتىك تاس جولدىڭ 30 - لەنياسىنداعى ءۇرىمجى-كۇيتۇن جوعارى قارقىندى تاس جولى، مەملەكەتتىك تاس جول 7-لەنياسىنىڭ بەيجيڭ- شينجياڭ جوعارى قارقىندى تاس جولى، مەملەكەتتىك تاس جول 216 - لەنياسىنىڭ تۇرپان - ءۇرىمجى - داحۋاڭشان جوعارى دارەجەلى تاس جولى سانجىنى كەسىپ ءوتىپ، بارلىق اۋدانعا جوعارى قارقىندى تاس جول تۇتاستى. قولايلى قاتىناسىنا سۇيەنگەن شونجى اۋدانى سانجى وبلىسىنىڭ شىعسىنداعى ەڭ ءىرى جولاۋشى تاسىمالى جاعىنداعى جيناۋ - جونەلتۋ بازاسىنا جانە زات اينالىمى بازاسىنا اينالىپ، 100 دەن ارتىق كاسىپورىن تاسىمال كاسىبىمەن شۇعىلداندى. چين حۋ شونجى اۋداندىق حۇيتۇڭ سەرىكتەستىگىنىڭ شوفەرى، جۇك تاسىمالىمەن شۇعىلدانعانىنا 20 جىلعا تايادى، ۇنەمى ءۇرىمجى قالاسى مەن شونجى اۋدانى اراسىندا شاپقىلايدى. ول بىلاي دەدى: « قازىر وزگەرىس توتەنشە زور، بۇرىن ۇرىمجىگە اۆتوكولىكپەن 8 - 9 ساعاتتا باراتىنبىز، جول دا جاقسى ەمەس، ويلى - شۇڭقىر بولاتىن، قازىر جوعارى قارقىندى تاس جول جاسالىپ، اۆتوكولىك قاتىنادى، ولكەلىك تاس جولدىڭ 303- لەنياسى تەپ - تەگىس، قازىر ۇرىمجىگە 3 - 4 ساعاتتا جەتىپ بارامىز. بۇل وزگەرىستىڭ بولعانى وتە جاقسى بولدى». سانجى وبلىستىق قاتىناس - تاسىمال مەكەمەسى جان-جاقتىلى جوسپارلاۋ ءبولىمىنىڭ باستىعى لين دۇڭميڭ بىلاي دەدى: « تاس جول شار - تاراپقا تارالىپ، ىركىلىسسىز، قولايلى بولدى، جوعارى قارقىندى تاس جولدى نەگىزگى قاڭقا، مەملەكەت، ولكە تاس جولىن نەگىزگى ارنا ەتكەن، اۋدان، اۋىل - قىستاقتاردىڭ تارماق جولدارى جالعاسقان، شىعىس پەن باتىستى، وڭتۇستىك پەن سولتۇستىكتى تۇتاستىرعان، بۇكىل وبلىستى شارپىعان تاس جول تورابى جۇلگەسى قالىپتاسىپ، اۆتونوميالى رايونىمىز ەكونوميكاسىنىڭ، قوعامىنىڭ سايكەستى، ءۇرتىس دامۋىن قاتىناس جاعىندا پارمەندى قامتاماسىزداندىرىپ، قاتىناس-تاسىمال جاعىنداعى جەتىستىك تۇتاس وبلىستاعى ءبىر ميلليون 600 مىڭ ءار ۇلت بۇقاراسىنا تيىمدىلىك اكەلدى».


بەرىپ كەت ورامالىڭدى

دوستار

الىستاعى اق ەركە