جاڭا حابارلار

رايونىمىز بارلىق ايماق، وبلىس، قالاعا جوعارى قارقىندى تاس جول تۇتاستىرۋ نىساناسىن جۇزەگە اسىردى

    كەلۋ قاينارى: شينجياڭ حالىق راديو ىستانسياسى    2018-08-02 18:50:33  

8-ايدىڭ 1-كۇنى، ليانيۇنگاڭ-قورعاس جوعارى قارقىندى تاس جولىنا تۇتاسقان تۇرپان-حوتان جوعارى قارقىندى تاس جولىنىڭ قاراقاشتان-حوتانعا دەيىنگى بولەگىنىڭ قۇرىلىسى ءبىتىپ، اۆتوموبيل قاتىناپ، رايونىمىز بارلىق ايماق-وبلىس-قالاعا جوعارى قارقىندى تاس جول جەتكىزۋ نىساناسىن ورىندادى. سالەمەتسىز بە، قاتىناۋ بەلەتىڭىزدى الىڭىز...............
تۇسكى ساعات 12 دە، قاراقاش-حوتان جوعارى قارقىندى تاس جولىندا اۆتوموبيل رەسمي قاتىنادى. حوتان قالاسىنا جۇمىس ىستەۋگە اتتانعان قاراقاش اۋدانى اقساراي اۋىلى الۋارىق قىستاعىنىڭ تۇرعىنى توحتىمامەت ءماتتۇرسىن جوعارى قارقىندى تاس جولدىڭ قولايلىلىعىن سەزىندى. ول:« قازىر اۆتوموبيل ورنىقتى دا تەز، بۇرىنعىدان كوپ قولايلى، پارتيا مەن ۇكىمەتتىڭ بىزگە جاراتقان شارت-جاعدايىنا العىس ايتامىن، ءبىز قۇلشىنىس جاساپ، باقىتقا قول جەتكىزەمىز»،-دەدى.
قاراقاش اۋدانى مەن لوپ اۋدانى اراسىندا ۇنەمى قاتىنايتىن جۇك اۆتوموبيل شوفەرى لۋ سۇڭگاۋ وسى جوعارى قارقىندى تاس جولدىڭ اشىلۋىن كۇتكەنىنە ۇزاق بولعان ەدى، ول : « بۇرىن جول دەرلىكتەي جاقسى ەمەس، ويلى-شۇڭقىر جولدا تەز ءجۇرۋ قيىن، قازىر ۋاقىت ۇنەمدەلىپ، بۇرىن ءۇش تە ءتورت ساعات جۇرەتىن جولدى، قازىر ەكى ساعاتتا باساتىن بولدىم»،-دەدى.
ۇعىسۋعا قاراعاندا، قاراقاش-حوتان جوعارى قارقىندى تاس جولىنىڭ جالپى ۇزىندىعى 74 كيلومەتر، ول قاراقاش اۋدانىنىڭ وڭتۇستىگىنەن باستالىپ، قاعىلىق پەن قاراقاشقا دەيىنگى تاس جولمەن تۇتاسىپ، حوتان قالاسىن، حوتان اۋدانىن باسىپ ءوتىپ، لوپ اۋدانىنا بارىپ، مەملەكەت تاس جولى 315-لەنياسىمەن تۇتاسادى ەكەن. وسىدان بۇرىنعى مەملەكەت تاس جولى 315-لەنياسىندا قاتىناۋمەن سالىستىرعاندا، ارالىعى 17 كيلومەتر قىسقارعان. شينجياڭ قاتىناس قۇرىلىسىن باسقارۋ مەكەمەسى پارتكومىنىڭ ورىنباسار شۋجيى، مەكەمە باستىعى ليۋ يۇيجى: « حوتان ايماعىنا تاريحتاعى تۇڭعىش جوعارى قارقىندى تاس جول جاسالدى. بۇل جوعارى قارقىندى تاس جولدىڭ شينجياڭنىڭ بارلىق ايماق-وبلىس-قالاسىنا جەتكەندىگىن اڭعارتادى»،-دەدى. شينجياڭ حوتان گوجىچۋ ازىق-تۇلىك شەكتى جارنا سەرىكتەستىگىنىڭ ورىنباسار باس مەڭگەرۋشىسى گۋان ميڭ تىلىشگە، ەندىگارى جولدا تەڭسەلىپ اۆتوموبيل سوعىپ شارشاۋ، تاسىمال ۋاقىتى ۇزاق بولۋ سىندى شەكتەمەگە ۇشىراماي، جاس جەمىستىڭ ساۋداسىن الاڭسىز دامىتا الاتىندىقتارىن ايتىپ :« كاسىپورىن الاڭنان ارىلدى، ەندى جاس جەمىس ءوندىرۋ، مانەرلەۋ ءوندىرىس لەنياسىن ۇستەمەلەپ قوسۋدى دا جەبەپ، جەرگىلىكتى ەڭبەككۇشتەردى جالعاستى قابىلدايدى، ەكونوميكانىڭ دامۋى جانە كەدەيلەردى سۇيەمەلدەۋدەن قامال الۋ شايقاسىندا كاسىپورىنىمىز تيەسىلى كۇش تە قوسا الادى»،-دەدى.
حوتان ايماقتىق دامۋ-رەفورما كوميتەتىنىڭ ورىنباسار مەڭگەرۋشىسى زوۋ رۇڭ، قاراقاش-حوتان جوعارى قارقىندى تاس جولىندا اۆتوموبيل قاتىناۋدىڭ حوتان ايماعىنىڭ كەدەيلىكتەن قۇتىلدىرۋدان قامال الۋ شايقاسىندا جەڭىسكە جەتۋىنە بەرىك نەگىز دە قالاعانىن ايتىپ: «قولايلى قاتىناس-تاسىمال شارت-جاعدايىنان پايدالانىپ، لەنيا بويىنداعى ساۋدا، مادەنيەت، ساياحات كاسىپتەرىنىڭ دامۋىن جەبەپ، حوتان-قاراقاش-لوپ وزەكتى ەكونوميكالىق رايونىن ءبىر تۇلعالاندىرىپ دامۋ اياق الىسىن تەزدەتىپ، قالا-قالاشىقتاندىرۋ اياق الىسىن ىلگەرلەتىپ، كەدەيلەردى كومەك بەرىپ سۇيەمەلدەۋدى دامىتۋ سيپاتتى سۇيەمەلدەۋگە وزگەرتىپ، كەدەي وڭىرلەردىڭ ءوزىن-ءوزى دامىتۋ قابىلەتىن ارتتىرىپ، باياندى جەدەل دامىتىپ، تۇتاس شينجياڭ، بۇكىل ەلىمىزبەن بىرگە دوڭگەلەك داۋلەتتى قوعامعا قادام تاستاۋعا ۇمتىلامىز»،-دەدى. اۆتونوميالى رايوندىق پارتكوم پارتيا مەكتەبىنىڭ پروفەسسورى جوۋ بين: «بۇل جول تەك حالىق تىلەگى جولى، اۋقاتتانۋ جولى عانا ەمەس، ونىڭ ۇستىنە چيڭحايدى باسىپ ءوتىپ، باتىس وڭتۇستىكپەن جانە وڭتۇستىك جۇڭگومەن تۇتاساتىن كەڭ ارنانىڭ قۇرامداس بولەگى، سونىمەن بىرگە ەركەشتام مەن قۇنجيراپ شەكارا وتكەلى ارقىلى ورتا ازيامەن جانە وڭتۇستىك ازيامەن تۇتاساتىن ماڭىزدى قاتىناس ارناسى. بۇل ەلىمىزبەن كورشى ەلدەردىڭ قاتىناس نەگىزگى قۇرىلىعىسىنىڭ ءوزارا تۇتاسۋىن جەدەلدەتۋدە، ەلىمىزدىڭ باتىسقا ەسىك اشۋىن ىلگەرلەتۋدە بەلسەندى جەبەۋ رولىن اتقارادى»،-دەدى.


بەرىپ كەت ورامالىڭدى

دوستار

الىستاعى اق ەركە