جاڭا حابارلار

رايونىمىزداعى تەحنيكالىق جۇمىسشىلاردىڭ مامىلەسىن جاپپاي جوعارىلاتتى

    كەلۋ قاينارى: شينجياڭ حالىق راديو ىستانسياسى    2018-08-02 19:13:32  

جاقىندا، اۆتونوميالى رايونىمىز «تەحنيكالىق جۇمىسشىلاردىڭ مامىلەسىن جوعارىلاتۋ جونىندەگى اتقارۋ پىكىرىن» باسىپ تاراتىپ، رايونىمىزداعى تەحنيكالىق جۇمىسشىلاردىڭ مامىلەسىن جاپپاي جوعارىلاتتى. «اتقارۋ پىكىرىندە» تەحنيكالىق جۇمىسشىلاردىڭ، سونداي-اق جوعارى تەحنيكالىق دارىندىلاردىڭ مامىلە دەڭگەيىن جوعارىلاتۋ جونىندە ەگجەي-تەگجەيلى بەلگىلەمە شىعارىلدى. مۇندا دارىندىلارعا قىزمەت ەتۋدى قامتاماسىزداندىرۋدى كۇشەيتىپ، ساياسي، ەكونوميكالىق، قوعامدىق مامىلەنى جوعارىلاتۋ جاقتارى قامتىلدى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى كاسىپتىك قابىلەت قۇرىلىسى باسقارماسىنىڭ ورىنباسار باستىعى سۇڭ جۇنچياڭ بىلاي دەدى: جوعارى تەحنيكالىق دارىندىلار پارتكومنىڭ قارىم-قاتىناس جاسايتىن ماماندارى كولەمىنە كىرەدى؛ كاسىپورىنداردى جوعارى تەحنيكالىق دارىندىلاردىڭ كاسىپتى دامىتۋ جوباسىن جانە جىلدىق ەڭبەكاقى ءتۇزىمىن بەلگىلەۋگە شابىتتاندىرىپ، جوعارى تەحنيكالىق دارىندىلاردىڭ جىلدىق ەڭبەكاقى ءتۇزىمىن جانە جارنا ۇقىعىن كەسىكتى ساۋدا ۇقىعىن سىناق رەتىندە اتقارىپ، قىزمەت ورنىنىڭ قۇنىنا، قابىلەت دەڭگەيىنە، كاسىپ ناتيجەسىنە، قوسقان ۇلەسىنە قاراي ەڭبەكاقى ءبولۋ مەحانيزىمىن ورناتۋعا دەم بەردى؛ ەنگىزىلگەن جوعارى تەحنيكالىق دارىندىلاردىڭ ناقتىلى تۇراتىن نەمەسە قىزمەت ىستەيتىن ورنىن تاڭداۋىنا، وتباسىنداعىلاردى كوشىرىپ اكەلىپ بىرگە تۇرمىس كەشىرۋىنە بولادى.
مۇنان سىرت، اۆتونوميالى رايونىمىز وزىق جاساۋ كاسىبىن، ستراتەگيالىق جاڭادان كوركەيگەن كاسىپتى، وسىزامانعى قىزمەت وتەۋ كاسىبىن دامىتۋ قاجەتىمەن تىعىز ۇشتاستىرىپ، جوعارى تەحنيكالىق دارىندىلاردى باۋلۋدى كۇشەيتەدى. سۇڭ جۇنچياڭ بىلاي دەدى: 2020-جىلعا بارعاندا، اۆتونوميالى رايونىمىز كاسىپكە شۇعىل قاجەتتى جوعارى تەحنيكالىق دارىندىلاردى تاربيەلەۋ بازاسىنان 30 ىن، تەحنيكتەردىڭ قىزمەت ءۇيى مەن كاسىپتىك تەحنيكتەردىڭ الەۋمەتتىك ناقتىلى جاتتىعۋ بازاسىنان 100 ىن قۇرادى. كاسىپورىننىڭ كاسىپتىك مەكتەپ اشۋىن قولداۋ، كاسىپورىننىڭ جارنا قوسۋىن قولداۋ سياقتى فورمامەن كاسىپتىك مەكتەپتەرمەن سەلبەسىپ، مەكتەپ اشىپ، كاسىپتىك مەكتەپتەردى جانە جوعارى مەكتەپتىڭ تولىق كۋرسىن جەبەۋ جاعىندا كاسىپورىندارمەن تولىق سەلبەستىك جاسايدى، مەكتەپ پەن كاسىپورىننىڭ سەلبەسۋى ارقىلى تەحنيك جۇمىسشىلاردى باۋلۋ تەبىنىن ارتتىرادى.
ۇعىسۋعا قاراعاندا، اۆتونوميالى رايونىمىز تاعى تەحنيكالىق جۇمىسشىلاردى باعالاپ ءوسىرۋ ءتۇزىمىن كەمەلدەندىرىپ، جاس شاماسى، وقۋ ماعۇلىماتى، سالاۋاتى سياقتى جاقتاعى شەكتى تالقانداپ، تاڭداۋلى تەحنيكالىق جۇمىسشىلاردىڭ اعالاپ العا شىعۋىن ىلگەرىلەتۋمەن بىرگە، تەحنيكالىق دارىندىلاردىڭ دەڭگەيىن باعالاۋ ءادىسىن بەلگىلەپ، كاسىپورىندى تەحنيكتەردىڭ دەڭگەيىن دەربەس باعالاۋعا جانە مامىلەنى تۇراقتاندىرۋعا باستايدى جانە ونى قولدايدى ەكەن.


بەرىپ كەت ورامالىڭدى

دوستار

الىستاعى اق ەركە