جاڭا حابارلار

حۋاڭما كوتەرىلىسىنىڭ باسشىسى ـــ ساۋ شۋەكاي

    كەلۋ قاينارى: شينجياڭ حالىق راديو ىستانسياسى    2018-08-02 10:48:47  

 ساۋ شۋەكاي ـــ حۋاڭما كوتەرىلىسىنىڭ باسشىسى، حۋبي-حىنان شەكاراسى قىزىل ارمياسى مەن سوۆەت رايونىن قۇرۋشى. 1898- جىلى حۋبەي ولكەسىنىڭ حۋاڭ-ءان اۋدانىندا (قازىرگى حۇڭ-ءان اۋدانىندا) دۇنيە ەسىگىن اشقان. 1918- جىلى، ۋ-چاڭ جۇڭحۋا داشۋەسىنە قاراستى ورتا مەكتەپكە ءوتىپ وقيدى، 1923-جىلى ۋ-حان ورتا مەكتەبىندە وقىپ، وقۋشىلاردىڭ وتانشىلدىق قيمىلىنا قاتىناسادى. 1925-جىلى قىستا جۇڭگو كوممۋنيستىك پارتياسىنىڭ جاستار وداعىنا مۇشە بولىپ، كەلەسى جىلى جۇڭگو كوممۋنيستىك پارتياسىنا مۇشە بولادى. 1926- جىلى 8- ايدا، ساۋ شۋەكاي اتا مەكەنىنە قايتىپ، بۇقارانى ۇيىمداستىرىپ جانە ولاردى اتتانىسقا كەلتىرىپ، جۇڭگو كوممۋنيستىك پارتياسىنىڭ نەگىزگى ساتى ۇيىمىن جانە ديحاندار قوعامىن قۇرىپ، جۇڭگو كوممۋنيستىك پارتياسى چي-لي-پيڭ رايوندىق كوميتەتىنىڭ شۋجيى مىندەتىنە تاعايىندالدى، حۋاڭ-ءان اۋداندىق ديحاندار قوعامنىڭ نەگىزگى جاۋاپتىسى بولىپ، ديحانداردىڭ ەرىكتىلەر ارمياسى مەن قورعاۋشى ارمياسىنا جەتەكشىلىك ەتىپ، جەرگىلىكتى ورىنداعى زورەكەرلەرمەن شايقاسادى. 1927- جىلى 11- ايدا، حۋاڭما كوتەرىلىسىنە قاتىناسادى  ءارى باسشىلىق ەتەدى، كوتەرىلىس جەڭىسكە جەتكەننەن كەيىن قۇرىلعان حۋاڭ-ءان اۋداندىق ديحاندار ۇكىمەتىنىڭ ءتوراعاسى بولدى. 1928- جىلدىڭ باس شەنىندە، شىعىس حۋبەي ارمياسى جۇڭگو جۇمىسشى-ديحان توڭكەرىستىك ارمياسىنىڭ 7-ارمياسىنا وزگەردى، ساۋ شۋەكاي اسكەري ىستەر كوميتەتىنىڭ مۇشەسى بولدى. 1928- جىلى 5- ايدان باستاپ، چاي-شان-باۋ سوۆەت رايونىن اشۋعا قاتىناسادى جانە وعان باسشىلىق ەتەدى. ول نەگىزىنەن جەرگىلىكتى ورىننىڭ قىزمەتىنە جاۋاپتى بولىپ، بۇقارانى اتتانىسقا كەلتىرىپ، جەر توڭكەرىسىن ورىستەتىپ، الدىڭعى جاقتاعى سوعىس جۇرگىزۋگە كومەكتەسەدى. ول ءىس جۇزىندىك جاعدايدى شىعار ءتۇيىن ەتىپ، جەرگىلىكتى جاعدايعا ۇيلەسەتىن ءبىرسىپىرا ساياساتتار مەن تاكتيكالاردى العا قويادى. مىسالى، جاۋمەن شايقاسۋ بارىسىندا، باس قىلمىستىلاردى، ءسوزسىز، ءبىر جايلى ەتۋدەن سىرت، جۇرتتىڭ نارازىلىعى تىم كۇشتى ەمەس جوعارى ساتىداعىلارعا بەيتاراپ ساياسات قولدانىپ، سوققى بەرۋ كولەمىن شامانىڭ كەلىسىنشە كىشىرەيتتى؛ ورتا، شاعىن جەر يەلەرىنە ماي اقىنى، ءوسىمدى ۋاقىتتىق كەمەيتىپ، جەردى بولۋگە اسىقپادى؛ جەرگىلىكتى قىزىل مىلتىق قوعامىنان، جەرگىلىكتى قارۋلىلاردان جانە ميليتاريستەردىڭ قايشىلىعىنان تولىق پايدالانىپ، ولاردى بولشەكتەۋ، ىدىراتۋ جانە ولارعا قول جەتكىزۋ قىزمەتىن ىستەدى. وسى ساياساتتار مەن تاكتيكا بويىنشا، ول كادرلاردى باستاپ، بۇقارا اراسىنا ىشكەرلەي بارىپ، ۇگىتتەۋ، اتتانىسقا كەلتىرۋ قىزمەتىن كەڭ كولەمدە ورىستەتىپ، كورنەكتى ناتيجەگە قول جەتكىزىپ، چاي-شان-باۋدى وزەك ەتكەن حۋبەي-حىنان شەكارا سوۆەت رايونىن قۇرۋدا ماڭىزدى رول اتقاردى.1928- جىلى 7- ايدان كەيىن، ساۋ شۋەكاي جۇڭگو جۇمىسشى-ديحان قىزىل ارمياسىنىڭ 11- ارمياسى 31-شىسىنىڭ سانمۋجاڭى، جۇڭگو كوممۋنيستىك پارتياسى شىعىس حۋبەي (قازىرگى حۋبەيدىڭ شىعىس سولتۇستىگى) ەرەكشە كوميتەتىنىڭ مۇشەسى، حۋبەي-حىنان شەكارا توڭكەرىستىك كوميتەتىنىڭ ءتوراعاسى، حۋبەي-حىنان شەكارا قىزىل ارمياسى باس دايىندىق اترەتىنىڭ ساياسي كوميسسارى، جۇڭگو كوممۋنيستىك پارتياسى 1- ارمياسى الدىڭعى شەپ كوميتەتىنىڭ مۇشەسى، 4- ارميا 11- شىسى ساياسي ءبولىمىنىڭ مەڭگەرۋشىسى، 13- شىنىڭ ساياسي كوميسسارى سياقتى مىندەتتەردى اتقارىپ، اسكەري ءبولىمىن باستاپ، حۋبەي-حىنان-ءانحۇي سوۆەت رايونىنداعى 1-، 2- رەتكى «قورشاپ جويۋعا» قارسى تۇرۋ شايقاسىنا قاتىناسادى.    1931- جىلى 10- ايدا، «توڭكەرىسكە قارسى تۇرۋشىلاردى الاستاۋدا» ساۋ شۋەكاي حىنان ولكەسى گۋاڭشان اۋدانى بايچۋەيۋان باقشاسىندا اعات ولتىرىلەدى. 1945- جىلى، جۇڭگو كوممۋنيستىك پارتياسىنىڭ 7- قۇرىلتايىندا ول توڭكەرىستىك قاھارمان دەپ مويىندالدى


بەرىپ كەت ورامالىڭدى

دوستار

الىستاعى اق ەركە