جاڭا حابارلار

جوعارى مەكتەپتەر قىزىل گەندى جالعاستىرىپ، سوتسياليزمنىڭ قۇرىلىسشىلارى مەن ءىزباسارلارىن باۋلۋى كەرەك دەپ باسا دارىپتەدى

    كەلۋ قاينارى: شينجياڭ گازەتى    2018-08-02 22:04:13  

لي پىڭشين شينجياڭ اسكەري رايونى بەلگىلى قىزىل ارميا شىسىن ەكسكۋرسيالادى

  ءتىلشىمىز چىن چياڭۋي 7 - ايدىڭ 31 - كۇنى ۇرىمجىدەن حابارلايدى. 7 - ايدىڭ 30 - كۇنى اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەتى كوميتەتىنىڭ شۋجيى لي پىڭشين ءىشىنارا جوعارى مەكتەپ پارتكومدارىنىڭ شۋجيلەرىن، مەكتەپ باستىقتارىن باستاپ شينجياڭ اسكەري رايونى بەلگىلى قىزىل ارميا شىسىنا كەلىپ، «اۋەلگى ماقساتتى ۇمىتپاۋ، بورىشتى ەسكە بەرىك ساقتاۋ، قىزىل گەندى جالعاستىرۋ، حالىق رازى بولاتىن وقۋ - اعارتۋدى جولعا قويۋ» تاقىرىبىنداعى تاربيە قيمىلىنا قاتىناستى. لي پىڭشين مىنانى باسا دارىپتەدى: جوعارى مەكتەپتەر شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ويداعىداي ۇيرەنىپ، دايەكتىلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ويداعىداي دايەكتىلەندىرىپ، تياناقتاندىرىپ، قىزىل گەندى جالعاستىرىپ، قىزمەت مىندەتىن ادالدىقپەن وتەپ، جاۋاپكەرشىلىكتى ادا ەتىپ، سوتسياليزمنىڭ قۇرىلىسشىلارى مەن ءىزباسارلارىن باۋلۋعا ۇلەس قوسۋ كەرەك.
  شينجياڭ اسكەري رايونى بەلگىلى قىزىل ارميا شىسىنىڭ ارعى تەگى − سانشي - گانسۋ شەكارا رايونى توڭكەرىستىك بازاسىندا قۇرىلعان قىزىل ارميا قوسىنى، قوسىن «ءبىرىنشى جاپادان، ەكىنشى ولىمنەن قورىقپاۋداي» توڭكەرىستىك قاھارماندىق رۋحتى باستان - اياق امالياتتا ايگىلەپ، توڭكەرىستىك سوعىس جىلدارى مەن سوتسياليستىك قۇرىلىس كەزەڭىندە ءۇرتىس ەڭبەك ءسىڭىرىپ كەلدى. لي پىڭشين مەن ونىڭ ساپارلاستارى شى تاريح مۇراجايى، «ءتوراعا حيكايا باقشاسى»، پاكتىك، مادەنيەت، تىنىش تولعانۋ باعى، قىزىل ارميا شىسى رۋحى ءمۇسىنى سياقتى ورىنداردى ەكسكۋرتسيالادى. ول بىلاي دەدى: شينجياڭ اسكەري رايونىنىڭ بەلگىلى قىزىل ارميا شىسى قىزىل گەندى كوماندير - جاۋىنگەرلەردىڭ قانىنا ءسىڭىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن اسكەري يىڭدا جالپىلاستىرۋدى جەبەۋ جاعىندا وتە جاقسى جۇمىس ىستەدى، جوعارى مەكتەپتەر مۇقيات ۇيرەنۋى جانە ودان ۇلگى الۋى كەرەك.
  لي پىڭشين مىنانى باسا دارىپتەدى: پارتيانىڭ جوعارى مەكتەپ قىزمەتىنە باسشىلىعىنا اۋىتقىماي تاباندى بولۋ جانە كۇشەيتۋ كەرەك، جوعارى مەكتەپ پارتكومدارى تۋى ايقىن تۇردە ساياسيدى دارىپتەپ، «ءتورت تانىمدى» بەرىك ورناتىپ، ساياسي ءتارتىپ پەن ساياسي قاعيداعا قاتاڭ بويسۇنىپ، باس شۋجي شي جينپيڭنىڭ ۇيتقىلىق ورنىن باتىل قورعاپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، شينجياڭ استانا بەيجيڭنەن شالعاي بولعانىمەن، اۆتونوميالى رايوندىق پارتكومنىڭ، تۇتاس رايونىمىزداعى ءار دارەجەلى پارتيا ۇيىمدارىنىڭ، قالىڭ پارتيا مۇشەلەرى مەن كادرلاردىڭ جانە ءار ۇلت بۇقاراسىنىڭ تىلەگىن قاشاندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن بىتە قايناستىرۋ، تىعىز توعىستىرۋ كەرەك. وقۋ - اعارتۋدى پارتيا باسقارۋ، جوعارى مەكتەپ رەفورماسى مەن دامۋىن پارتيا باسقارۋ، كادرلاردى پارتيا باسقارۋ پرينسيبىنەن جازباي، نەگىزگى ساتى پارتيا ۇيىمى قۇرىلىسىن شىن مانىندە كۇشەيتىپ، پارتيا تۋىن قاشاندا جوعارى مەكتەپ شەبىندە بيىك جەلبىرەتۋ كەرەك. وقىتۋشىلار قوسىنى قۇرىلىسىن مىقتى يگەرىپ، مىندەتتى ادالدىقپەن ارقالايتىن، ساياسي ساپاسى جوعارى، كاسىپكە شوگەل، ادام تاربيەلەۋ ورەسى ۇستەم جوعارى ساپالى وقىتۋشىلار قوسىنىن كۇش سالا قۇرۋ كەرەك. قىزمەت جاۋاپكەرشىلىگىن ادالدىقپەن وتەپ، وقىتۋ جۇيەسى قۇرىلىسىن ارناعا ءتۇسىرىپ، ءپان جۇيەسى قۇرىلىسىن كەمەلدەندىرىپ، وقىتۋ ماتەريالى جۇيەسىن باسقارۋدى قاتايتىپ، باسقارۋ جۇيەسى رەفورماسىن تەرەڭدەتىپ، ونى يدەيالىق ساياسي قىزمەت جۇيەسى قۇرىلىسىمەن ۇلاستىرىپ، جوعارى ورەلى دارىندىلاردى باۋلۋ جۇيەسىن قالىپتاستىرۋ كەرەك.
  لي پىڭشين مىنانى باسا دارىپتەدى: جوعارى مەكتەپتەر مەكتەپ اۋلاسى مادەنيەت قۇرىلىسىن كۇشەيتىپ، اسكەري يىڭنىڭ مادەنيەت قۇرىلىسى تاجىريبەلەرىنەن ۇيرەنىپ، ۇلگى الىپ، قىزىل بايلىقتى تەرەڭ قازىپ، سول جەردىڭ وزىندە ەكسكۋرتسيادا، ۇيرەنۋدە بولۋ، تەرەزەلىك ورىندار ارقىلى ايگىلەۋ، تاقىرىپتىق ۇگىت جۇرگىزۋ، مەكتەپ اۋلاسى كورىنىس تۇيىندەرى قۇرىلىسى سياقتىلار ارقىلى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ساباقحانالارعا، وقىتۋ ماتەريالدارىنا، وقىتۋشى - وقۋشىلاردىڭ وي - ساناسىنا ەنگىزىپ، شينجياڭداعى جوعارى مەكتەپتەردى ماركسيزم يدەياسىن تاراتاتىن بەرىك شەپ ەتىپ قۇرىپ شىعۋ كەرەك.


بەرىپ كەت ورامالىڭدى

دوستار

الىستاعى اق ەركە