جاڭا حابارلار

ج ك پ ورتالىق كوميتەتىنىڭ ساياسي بيۋروسى ءماجىلىس اشتى

    كەلۋ قاينارى: شينجياڭ گازەتى    2018-08-02 22:22:06  

كەزەكتەگى ەكونوميكالىق جاعدايعا جانە ەكونوميكالىق قىزمەتكە تالداۋ جاسادى، زەرتتەۋ جۇرگىزدى
«جۇڭگو كوممۋنيستىك پارتياسىنىڭ ءتارتىپ جازاسى ەرەجەسىن» قارادى
 ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى

  شينحۋا اگەنتتىگىنىڭ 7 - ايدىڭ 31 - كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ ساياسي بيۋروسى 7 - ايدىڭ 31 - كۇنى ءماجىلىس اشىپ، كەزەكتەگى ەكونوميكالىق جاعدايعا تالداۋ جاساپ، زەرتتەۋ جۇرگىزىپ، سوڭعى جارتى جىلداعى ەكونوميكالىق قىزمەتتى ورنالاستىردى، «جۇڭگو كوممۋنيستىك پارتياسىنىڭ ءتارتىپ جازاسى ەرەجەسىن» قارادى. ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.
  ءماجىلىس بىلاي دەپ قارادى: بيىل جىل باسىنان بەرى، جەر - جەر، تاراۋلار پارتيا ورتالىق كوميتەتىنىڭ ورنالاستىرۋى بويىنشا، ورنىقتىلىق بارىسىندا ىلگەرىلەۋ سىندى قىزمەتتىڭ جالپى ارناسىنا تاباندى بولىپ، جاڭا دامۋ ۇستانىمدارىن دايەكتىلەندىرىپ، ساپالى دامۋ تالابىن تياناقتاندىرىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، ەلەۋلى حاۋىپ - قاتەردەن ساقتانۋ جانە ارىلتۋ، كەدەيلىكتەن دالمە - ءدال قۇتىلدىرۋ، لاستانۋدان ساقتانۋ جانە ونى جونگە سالۋ سىندى «ءۇش ءىرى قامال الۋ شايقاسىن» ويداعىداي جۇرگىزۋگە كۇش سالىپ، رەفورما جاساۋ، ەسىك اشۋ اياق الىسىن جەدەلدەتتى، الدىڭعى جارتى جىلدا ەكونوميكا جالپى جاقتان ورنىقتى بولۋ، ورنىقتىلىق بارىسىندا جاقسارۋ بەتالىسىن ساقتادى. نەگىزگى ماكرولىق رەتتەۋ - مەڭگەرۋ كورسەتكىشتەرى لايىقتى ارالىقتا تۇرىپ، ەكونوميكالىق قۇرىلىم ۇزدىكسىز ساپالىلانىپ، فينانس حاۋىپ - قاتەرىنەن ساقتانۋ جانە ارىلتۋ العاشقى قادامداعى ونىمدىلىككە قول جەتكىزىپ، ەكولوگيالىق ورتا جاقسارىپ، حالىق بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى كۇشەيدى.
  ءماجىلىس مىنالاردى اتاپ كورسەتتى: كەزەكتەگى ەكونوميكالىق اينالىمدا ورنىقتىلىق بارىسىندا وزگەرۋ بار، ول كەيبىر جاڭا ماسەلەلەرگە، جاڭا سىن - سايىستارعا ءدوپ كەلدى، سىرتقى ورتادا كورنەكتى وزگەرىس تۋىلدى. باستى قايشىلىقتى مىقتى يگەرىپ، ونى باعىتتامالىلىعى كۇشتى شارالار قولدانىپ شەشۋ كەرەك. سوڭعى جارتى جىلدا، ەكونوميكالىق، قوعامدىق جالپى جاعدايدىڭ ورنىقتىلىعىن ساقتاۋ، قامداۋ جاعىنداعى قۇرىلىمدىق رەفورمانى ىشكەرىلەي ىلگەرىلەتۋ، «ءۇش ءىرى قامال الۋ شايقاسىن» ويداعىداي جۇرگىزۋ، وسىزاماندانعان ەكونوميكالىق جۇيە ورناتۋدى جەدەلدەتۋ، ساپالى دامۋدى جەبەۋ كەرەك، مىندەت ماشاقاتتى، اۋىر، كۇردەلى. ورنىقتىلىق بارىسىندا ىلگەرىلۋ سىندى قىزمەتتىڭ جالپى ارناسىنا تاباندى بولىپ، ەكونوميكانىڭ لايىقتى ارالىقتا اينالىم جاساۋىن ساقتاپ، ءبىر تۇتاس سايكەستىرۋدى كۇشەيتىپ، ساياساتتاردىڭ بىرىككەن كۇشىن قالىپتاستىرىپ، دالمە - ءدال شارا قولدانىپ، تىڭعىلىقتى، شوگەل قىزمەت ەتۋ كەرەك.
  ءماجىلىس مىنالاردى تالاپ ەتتى: ءبىرىنشى، ەكونوميكانىڭ ورنىقتى، اقاۋسىز دامۋىن ساقتاپ، بەلسەندى قازىنا ساياساتىن جانە بايسالدى اقشا ساياساتىن جۇرگىزۋگە تاباندى بولىپ، ساياساتتىڭ بولجامپازدىعىن، يكەمدىلىگىن، ونىمدىلىگىن جوعارىلاتۋ كەرەك. قازىنا ساياساتى ىشكى سۇرانىستى كەڭەيتۋدە جانە قۇرىلىمدى رەتتەۋدە اناعۇرلىم ۇلكەن رول اتقارۋى كەرەك. اقشامەن قامداۋدىڭ باس تەتىگىن مىقتى يگەرىپ، وتىمدىلىكتىڭ لايىقتى، جەتكىلىكتى بولۋىن ساقتاۋ كەرەك. جۇمىسقا ورنالاستىرۋدى ورنىقتىرۋ، فينانستى ورنىقتىرۋ، سىرتقى ساۋدانى ورنىقتىرۋ، شەتەل قارجىسىن ورنىقتىرۋ، قارجى سالۋدى ورنىقتىرۋ، مەجەنى ورنىقتىرۋ قىزمەتىن ويداعىداي ىستەۋ كەرەك. جۇڭگوداعى شەتەل قارجىلاندىرعان كاسىپورىنداردىڭ زاڭدى ۇقىق - مۇددەسىن قورعاۋ كەرەك. ەكىنشى، ولقىلىقتى تولىقتاۋدى كەزەكتەگى قامداۋ جاعىنداعى قۇرىلىمدىق رەفورمانى تەرەڭدەتۋدىڭ ماڭىزدى مىندەتى ەتىپ، نەگىزدىك قۇرىلعى قۇرىلىسى سالاسىنداعى ولقىلىقتاردى تولىقتاۋ سەرپىنىن ارتتىرىپ، جاڭالىق اشۋ قۋاتىن، دامۋدىڭ جاڭا دەمەۋشى قۋاتىن كۇشەيتىپ، قاجەتتەن اسىپ قالعان ءوندىرىس قۋاتىن ازايتۋداعى تۇزىمدىك كەدەرگىلەردى تالقانداپ، كاسىپورىننىڭ وزىندىك قۇنىن تومەندەتۋ كەرەك. اۋىل - قىستاقتى گۇلدەندىرۋ ستراتەگياسىن ويداعىداي اتقارۋ كەرەك. ءۇشىنشى، فينانس حاۋىپ - قاتەرىنەن ساقتانۋدى جانە ارىلتۋدى ناقتى ەكونوميكاعا قىزمەت كورسەتۋمەن اناعۇرلىم ويداعىداي بىرلەستىرىپ، سۇيمەندى ازايتۋ قىزمەتىن تاباندىلىقپەن ويداعىداي ىستەپ، سەرپىن مەن ريتىمدى مىقتاپ يگەرىپ، ءتۇرلى ساياساتتاردىڭ شىعارىلۋ ءساتىن ويداعىداي سايكەستىرۋ كەرەك. مەحانيزمدە جاڭالىق اشۋ ارقىلى فينانستىڭ ناقتى ەكونوميكاعا قىزمەت كورسەتۋ قابىلەتى مەن تىلەگىن جوعارىلاتۋ كەرەك. ءتورتىنشى، رەفورما جاساۋدى، ەسىك اشۋدى ىلگەرىلەتىپ، جارامدى، ناتيجەلى، ەلەۋلى رەفورما شارالارىنان ءبىر توبىن ۇزدىكسىز زەرتتەۋ، ورتاعا قويۋ كەرەك. ەسىك اشۋدى كەڭەيتۋ، بازارعا كىرۋ رۇقساتىن زور مولشەردە جەڭىلدەتۋ جونىندەگى ماڭىزدى شارالاردى تياناقتاندىرىپ، «ءبىر بەلدەۋ، ءبىر جولدى» بىرگە قۇرۋدىڭ ىشكەرىلەي دامۋىن جەبەپ، تۇڭعىش كەزەكتى جۇڭگو حالىقارالىق يمپورت كورمەسىن دەن قويا جاقسى وتكىزۋ كەرەك. بەسىنشى، قورا - جاي بازارى ماسەلەسىن بەلدى بەكەم بۋا وتىرىپ ويداعىداي شەشىپ، قالا جاعدايىنا قاراي شارا قولدانۋعا تاباندى بولىپ، قامداۋ مەن سۇرانىستىڭ تەپە - تەڭدىگىن جەبەپ، مەجەگە لايىقتى جەتەكشىلىك ەتىپ، بازار ءتارتىبىن رەتتەپ، جونگە سالىپ، ءۇي باعاسىنىڭ ءوسۋىن باتىل تەجەۋ كەرەك. قورا - جاي بازارىنىڭ ورنىقتى، اقاۋسىز دامۋىن جەبەيتىن باياندى مەحانيزم ورناتۋدى جەدەلدەتۋ كەرەك. التىنشى، حالىق تۇرمىسىن قامتاماسىزداندىرۋ جانە قوعام ورنىقتىلىعى قىزمەتىن ويداعىداي ىستەپ، جۇمىسقا ورنالاستىرۋدى ورنىقتىرۋدى اناعۇرلىم كورنەكتى ورىنعا قويىپ، ەڭبەكاقى، وقۋ - اعارتۋ، قوعامدىق قامسىزداندىرۋ سياقتى نەگىزگى حالىق تۇرمىسى شىعىستارىنا كەپىلدىك ەتىپ، اۋىر كەدەي وڭىرلەردەگى كەدەيلىكتەن قۇتىلدىرۋدان قامال الۋ قىزمەتىن كۇشەيتىپ، قوعام ورنىقتىلىعى قىزمەتىن ناقتى، ەگجەي - تەگجەيلى، ىشكەرىلەي ىستەۋ كەرەك.
  ءماجىلىس مىنالاردى باسا دارىپتەدى: جەر - جەر، تاراۋلار «ءتورت تانىمدى» شىنايى كۇشەيتىپ، «ءتورت سەنىمدى» شىنايى بەكەمدەپ، پارتيا 19 - قۇرىلتايىندا جاسالعان ءتۇرلى ستراتەگيالىق ورنالاستىرۋلاردى بۇلجىماستان دايەكتىلەندىرىپ، ءتۇرلى قىزمەتتەردى دەن قويا، جاۋاپكەرلىكپەن ويداعىداي ىستەپ، ەكونوميكالىق، قوعامدىق دامۋ نىسانا - مىندەتتەرىنىڭ جۇزەگە اسۋىنا كەپىلدىك ەتۋ كەرەك.
  ءماجىلىس مىنالاردى اتاپ كورسەتتى: جۇڭگوشا سوتسياليزم جاڭا داۋىرگە ءوتتى، پارتيادا جاڭا بەينە، جاڭا ىسكەرلىك بولۋى كەرەك، وعان، ءسوز جوق، قاتاڭ تارتىپكە سۇيەنىپ كەپىلدىك ەتۋ كەرەك. پارتيا 19 - قۇرىلتايى ءتارتىپ قۇرىلىسىن پارتيا قۇرىلىسىنىڭ جالپىلىق ورنالاستىرۋىنا قامتىپ، پارتيا ۋستاۆىنداعى ءتارتىپ قۇرىلىسىنا قاتىستى مازمۇنداردى تولىقتادى، كەمەلدەندىردى، پارتيا 18 - قۇرىلتايىنان بەرگى ءتارتىپ قۇرىلىسىنىڭ نازاريالىق، امالياتتىق، تۇزىمدىك جاڭالىق اشۋ جەمىستەرىن پارتيا قاعيداسى، پارتيا ءتارتىبى ەتىپ قورىتىندىلاۋ، جيناقتاۋ كەرەك. ەرەجە شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، پارتيا ۋستاۆىن ءتۇبىرلى ولشەم ەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋدى شىعار ءتۇيىن جانە تياناق ەتىپ، پارتيا ۋستاۆى جانە جاڭا جاعدايداعى پارتيانىڭ ىشكى ساياسي تۇرمىسى جونىندەگى ولشەمدەر سياقتى پارتيا ىشىندەگى زاڭدىق ەرەجەلەردىڭ تالابىن اشالاپ، ناقتىلاپ، ماسەلەنى نىشان ەتۋگە تاباندى بولىپ، پارتيانى باسقارۋدا، پارتيانى جونگە سالۋدا ورىن تەپكەن كورنەكتى ماسەلەلەرگە مەڭزەس، ءتۇزىم تورىن مىقتاپ توقىپ، ءتۇزىمنىڭ داۋىرمەن بىرگە العا باسۋىن جۇزەگە اسىرۋ كەرەك.
  ءماجىلىس مىنالاردى باسا دارىپتەدى: پارتيانىڭ ءتارتىپ قۇرىلىسىنىڭ ساياسي سيپاتىن، داۋىرلىك سيپاتىن، باعىتتامالىلىق سيپاتىن كۇش سالا جوعارىلاتىپ، بورىش ارقىلى جەتەكتەۋ مەن ماسەلەنى باعدار ەتۋدى ءوزارا بىرلەستىرۋگە تاباندى بولىپ، قاتاڭ تارتىپپەن بۇكىل پارتيانى باسقارۋ، بۇكىل پارتيانى جونگە سالۋ كەرەك. پارتيا تارتىبىندە ساياسي ءتارتىپ ەڭ ماڭىزدى، ەڭ ءتۇبىرلى، ەڭ شەشۋشى ءتارتىپ بولىپ تابىلادى. «ءتورت تانىمدى» مىقتاپ ورناتۋ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋدى كورنەكتىلەندىرۋ، ساياسي ءتارتىپ پەن ساياسي قاعيدانى قاتايتۋ، پارتيانىڭ العاباسارلىق سيپاتى مەن كىرشىكسىزدىك سيپاتىن ءارقاشان ساقتاۋ، پارتيانىڭ بيلىك جۇرگىزۋدەگى ساياسي نەگىزىن ۇزدىكسىز بەكەمدەۋ كەرەك. ءتارتىپ اتقارۋ مەن زاڭ اتقارۋدى ساباقتاستىرۋ، قاتاڭ تۇردە ءتارتىپ پەن زاڭنىڭ ولشەمىن نەگىز ەتىپ، ءتارتىپتىڭ زاڭنان قاتاڭ بولۋىنا، ءتارتىپ پەن زاڭنىڭ سايكەسۋىنە تاباندى بولۋ، كۇندەلىكتى باسقارۋ مەن باقىلاۋدى كۇشەيتۋ، ەرتەباستان، كىشكەنەدەن مىقتى ۇستاۋ، قىلپى كورىنگەندە - اق قىرقىپ وتىرۋ كەرەك. ءتارتىپتى مىقتى ۇستاۋ ارقىلى پارتيالى كادرلاردىڭ اناعۇرلىم ۇلكەن قاتەلىك وتكىزۋىنەن ساقتانۋ كەرەك. بۇل كادرلارعا دەگەن ەڭ ۇلكەن ايالاۋ بولىپ تابىلادى، ءتارتىپتى قاتاڭ اتقارۋ پارتيالى باسشى كادرلاردىڭ ادالدىعى مەن جاۋاپكەرلىگىن سىنايدى. ءتارتىپتى، ءسوز جوق، قاتاڭ اتقارۋدى، ءتارتىپتى بۇزسا، ءسوز جوق، قۋزاستىرۋدى ۇدايىلاندىرۋ جەمىسىن بەكەمدەۋ جانە دامىتۋ، ءتۇزىم ورناتۋعا، قاعيدا بەلگىلەۋگە، تياناقتاندىرۋدى مىقتى ۇستاۋعا، اتقارۋعا ءمان بەرۋگە كۇش سالۋ، ءتۇزىمنىڭ «ازۋلى»، ءتارتىپتىڭ «زاريادتى» بولۋىنا مۇمكىندىك جاساپ، ءتارتىپ قۇرىلىسىنىڭ تۇبىرىنەن وڭاۋ مەن ۇستىنەن وڭاۋدى قاتار يگەرەتىن وتكىر قارۋ رولىن تولىق ساۋلەلەندىرىپ، تەمىردەي ءتارتىپتى پارتيالى كادرلاردىڭ كۇندەلىكتى ادەتى مەن سانالى بويسۇناتىن ولشەمىنە شىنايى اينالدىرىپ، پارتيانى جاپپاي قاتاڭ جونگە سالۋدىڭ ىشكەرىلەي دامۋىن جەبەۋ كەرەك.
  ءماجىلىس باسقا دا ىستەردى اقىلداستى.


بەرىپ كەت ورامالىڭدى

دوستار

الىستاعى اق ەركە