جاڭا حابارلار

اناعۇرلىم كوپ ادامدى الەۋمەتتىك يگىلىك ىستەرىنە قاتىناسۋعا باستادى

    كەلۋ قاينارى: شينجياڭ حالىق راديو ىستانسياسى    2018-08-02 14:16:32  

بۇراتالا قالالىق راديو -تەلەۆيزياسىنىڭ تىلشىلەرى جاڭ شياۋحۇي مەن گۇلسىنايدىڭ حابارى: بۇراتالا قالالىق رىن-اي شيپاحاناسىنىڭ سەستراسى گۇزال تۇرداحۇن الەۋمەتتىك يگىلىك ىستەرىنە بار ىنتاسىمەن ارالاستى، ول ەرىكتىلەردىڭ قىزمەت وتەۋ اترەتىن قۇرۋعا قاتىناسقاننان كەيىن، ونىڭ ىقپالىندا الەۋمەتتىك يگىلىك قيمىلىنا ات سالىسقان جاستار بارعان سايىن كوبەيدى.
«ءبىز بۇل جەرگە ۇنەمى كەلىپ تۇرامىز، ءار ايدا كەلىپ، تۋعان كۇندەرىڭىزدى وتكىزىپ بەرەمىز....» بۇراتالا قالالىق قوعامدىق يگىلىك ورنىندا، بۇراتالا وبلىستىق يۇي-ءاي تۇڭشيڭ قىزىل كرەست ەرىكتىلەردىڭ قىزمەت وتەۋ اترەتى وسى جەردەگى كاريالاردىڭ تۋعان كۇنىن وتكىزىپ بەرىپ جاتتى، كوپشىلىك قيمىلدىڭ جاۋاپتىسى گۇزال تۇرداحۇننىڭ جەتەكشىلىگىندە، كاريالارعا بالكۇلشە كەسىپ، تۋعان كۇن ءانىن شىرقاپ، ويىن نومىرلەرىن ورىندادى. گۇزال تۇرداحۇن بىلاي دەدى: «كىشكەنە كەزىمنەن باستاپ وتباسىمداعىلار باسقالارعا سۇيىسپەنشىلىك ارناۋدى، باسقالارعا كوڭىل ءبولىپ، كومەكتەسىپ تۇرۋدى ۇيرەتتى، ولاردىڭ تالىمىندە، الەۋمەتتىك يگىلىك ىستەرىنە ارالاسىپ، باسقالارعا كومەكتەسكىم كەلىپ تۇراتىن بولدى، سۇيىسپەنشىلىگىم ارقىلى قوعامعا العىس ايتىپ، قوعامنىڭ ءۇمىتىن اقتاعىم كەلدى».
بۇراتالا وبلىستىق يۇي-ءاي تۇڭشيڭ قىزىل كرەست ەرىكتىلەردىڭ قىزمەت وتەۋ اترەتى 2014-جىلى 5-ايدا قۇرىلعان، گۇزال تۇرداحۇن العاشقى قۇرۋشىلاردىڭ ءبىرى، وعان وسى ويدى سالعان ونىڭ تالاي رەتكى مەيىر باعىشتاۋ الەۋمەتتىك قيمىلىنان العان تەبىرەنىستەرى بولدى.
ول بىلاي دەدى: «ءبىر جولى ءبىر وتباسىنا باردىق، وتە كەدەي ەكەن، كيىم-كەشەك، تۇرمىستىق بۇيىمداردى الىپ، سالەمدەسە بارعاندا، ولار جىلاپ جىبەردى. سول كەزدە مەن،ءسوز جوق، الەۋمەتتىك يگىلىك ىستەرىنە ات سالىسامىن دەپ بەكىدىم، بۇل جۇمىستى ىستەي بەرەمىن، اناعۇرلىم كوپ ادامعا كومەكتەسىپ، ولارعا قوعامنىڭ قامقورلىعىن سەزىندىرەمىن».
بۇراتالا وبلىستىق يۇي-ءاي تۇڭشيڭ قىزىل كرەست ەرىكتىلەردىڭ قىزمەت وتەۋ اترەتىن قۇرعاننان كەيىن، گۇزال تۇرداحۇننىڭ ارەكەتى ماڭىنداعى اناعۇرلىم كوپ ادامدى اسەرلەندىرىپ، كوپشىلىك الەۋمەتتىك يگىلىك قيمىلىنا بەلسەنە ات سالىستى. ەرىكتىلەردىڭ قىزمەت وتەۋ اترەتى قۇرىلعان 4 جىلدان بەرى، مۇشەلەرى باستابىنداعى 5 ادامنان قازىر 225 ادامعا كوبەيدى، ولار ءتۇرلى ەرىكتى قىزمەت وتەۋ قيمىلىن 206 رەت وتكىزىپ، 7 سالماقتى ناۋقاستى قۇتقارىپ، ورتا تازالىعى جۇمىسشىسى، الەۋمەتتىك اۋماقتاعى قيىنشىلىعى بار وتباسى، كەدەي وتباسى، يگىلىك ورنىنداعى سۇيەنىشسىز قارتتار جانە كەم اقىل بالالار سياقتىلاردان 800 دەن ارتىق ادامنان حال سۇراپ، ولارعا كومەكتەستى. گۇزال تۇرداحۇن بىلاي دەدى: «ەرىكتى قىزمەت وتەۋ قيمىلىندا سۇيىسپەنشىلىك جەتكىزەمىز، اناعۇرلىم كوپ ادامدى سۇيىسپنەشىلىكتى جەتكىزۋگە باستاي السام، ءوزىمدى ىشتەي ەرەكشە باقىتتىءارى كوڭىلدى سەزىنەمىن».


بەرىپ كەت ورامالىڭدى

دوستار

الىستاعى اق ەركە