جاڭا حابارلار

بۇراتالا قالاسى «ساياحات پەن دەنە-تاربيەنى» ۇشتاستىرا دامىتۋ اياق الىسىن ىلگەرىلەتىپ، ساياحاتشىلارعا وزگەشە ساياحات ءونىمىن دايىندادى

    كەلۋ قاينارى: شينجياڭ حالىق راديو ىستانسياسى    2018-08-02 14:23:15  

بۇراتالا راديو ستانسياسىنىڭ ءتىلشىسى حۋاڭ گىنشي مەن ۋاڭ جيڭتاۋدىڭ حابارى: ساياحاتشىلارعا وزگەشە اسەر قالدىرۋ ءۇشىن، بۇراتالا قالاسى «ساياحات پەن دەنە-تاربيەنى» ۇشتاستىرا دامىتۋ اياق الىسىن ىلگەرىلەتتى.
بۇراتالا قالاسىنداعى قابتىعا قويتاس اڭعارى اۋماعى كەڭ عاجايىپ تاستارىمەن اتى ايگىلى. كورىنىس رايونىندا تاۋ جىنىستارىنداعى اشىق جاتقان قويتاستار مەن يىرلەڭدەگەن تاۋ جولىنان سىرت، كورىنىسى كوز سۇرىندىرەتىن جايلاۋ مەن تيانشان قاراعايى وسى ارانى ساياحاتشىلاردىڭ جاياۋ ءجۇرىپ سەيىلدەيتىن جەرىنە اينالدىردى.
جياڭشيلىق ساياحاتشى سۋ جيەجۇن بۇل جەردى جاياۋ ءجۇرىپ ساياحاتتاۋدىڭ تاپتىرماس جەرى ەكەنىن بايقادى، دوستارىمەن بىرگە وسىندا كەلىپ جاياۋ ءجۇرىپ سەيىلدەدى، كوپشىلىك وسى ارانى فۋتو اپاراتىمەن جانە قول تەلەفونىمەن ارەدىك سۋرەتكە تارتتى. ول: «وسى كورىنىس رايونى شىنىندا وزگەشە، وسىنداعى تاستار تابيعي قالىپتاسقان، الگىندە بىرنەشە پارشا سۋرەت تارتقان ەدىم، دوستارىم سۋرەتتى كورگەننەن كەيىن مۇنىڭ قاي جەر ەكەنىن سۇرادى، شينجياڭدا جۇرگەنىمدى ايتىپ ەدىم، قاتتى قىزىقتى، بارلىعىنىڭ كەلگىسى كەلەدى،-دەدى».

قازىر، بۇراتالا قالاسى كوپتەگەن دەنە-تاربيە ساياحات ءونىم ماركاسى لەنياسىن اشۋدا، ساياحاتشىلاردى جاياۋ ءجۇرۋ، دالادا تۇنەۋ، سۋدا قالقۋ، پلانەرمەن ۇشۋ، جارتاسقا ورمەلەۋ سياقتى كوپتەگەن دەنە-تاربيە ساياحات ءتۇرىن دايىنداپ، ساياحاتشىلاردىڭ كوڭىل كوتەرۋدەن سىرت، دەنە-تاربيەدەن ءلاززاتتانۋىنا مۇمكىندىك جاسادى.
سايرام كولىندە، بيىل سايرام كولىن ۆەلوسيپەتپەن اينالۋ جارىسى اياقتاعانىمەن، ءبىراق جارىستىڭ اسەرىنەن جۇرتتىڭ ۆەلوسيپەد مىنۋ قىزعىندىلىعى مۇلدە باسەيمەدى. گۋاڭجوۋلىق ساياحاتشى بي حۇييىڭ ۆەلەسيپەدتى جالعا الىپ، كولدىڭ بويىنداعى كاسىپتىك جارىس جولىمەن 10 كيلومەتر جولدى ۆەلوسيپەتپەن اينالىپ، سايرام كولىنىڭ كوركەم كورىنىسىن تاماشالاۋدان سىرت، ۆەلوسيپەد ءمىنۋ ونەرىن سىنادى. ول: «كورىنىسى كوز سۇرىندىرەتىن تاماشا ورتادا ۆەلوسيپەد جارىسىن وتكىزۋ مەنىڭشە تاماشا دارىپتەمە، دەنە شىنىقتىرۋدان سىرت، تاعى قورشاعان ورتانى قورعاۋدى ۇگىتتەۋگە بولادى، كىسگە قاراپايىم دا شىنايى اسەر قالدىرادى. دوستارىما ۇيىمداسىپ وسىندا كەلىپ ساياحاتتاۋدى ءناسيحاتتايمىن،-دەدى.


بەرىپ كەت ورامالىڭدى

دوستار

الىستاعى اق ەركە