جاڭا حابارلار

زەردەلى اۋىل شارۋاشىلىعى اۋىل - قىستاقتىڭ كوركەيۋىنە كۇش قوستى

    كەلۋ قاينارى: شينجياڭ حالىق راديو ىستانسياسى    2018-07-29 15:29:58  

ستانسيامىزدىڭ جيناق حابارى: رايونىمىزدىڭ جەر-جەرى اۋىل-قىستاقتى كوركەيتۋ ستراتەگياسىن اتقارۋ بارىسىندا، اۋىل شارۋاشىلىعىن ماشينالاندىرۋ دەڭگەيىن كۇش سالا جوعارىلاتىپ، اۋىل شارۋاشىلىعىن وسىزامانداندىرۋ اياق الىسىن ىلگەرىلەتتى. كەزەكتە، قىرۋار وسىزامانعى اۋىل شارۋاشىلىعى ماشينالارى اتىز باسىندا قايشالىسىپ، رايونىمىزدىڭ جازعى جيىن - تەرىن، جازعى ەگىن ەگۋ، جازدا اتىز باسىندا باپتاۋ جاعىنداعى نەگىزگى كۇشىنە اينالدى.
قازىر، وڭتۇستىك شينجياڭنىڭ ءبيداي ورۋ جۇمىسى اياقتاپ قالدى، باي اۋدانىنىڭ 270 مىڭ مۋ جەردەگى ءبيدايى پىسقاننان كەيىن، اۋدان 300 نەشە ورۋ ماشيناسىن شىعارىپ، ورتا ەسەپپەن كۇنىنە 35 مىڭ مۋ جەردەگى ءبيدايدى ورۋ قارقىنى مەن ۋاقىتتى ۇتا، ءبيداي ورىپ، ماشينامەن ورۋ مولشەرى %99.5 تەن استى. باي اۋدانى چارچي قالاشىعى بوز قىستاعىندا، اۋىل شارۋاشىلىعى ماشيناسىنىڭ يەسى ۇسەنجان اسەن ورۋ ماشيناسى مەن باۋلاۋ ماشيناسىن بىرلەستىرىپ كەزەكپەن پايدالانىپ، 3 ساعاتتا قىستاقتىڭ 200 نەشە مۋ جەردەگى ءبيدايىن ورۋ، ءدانىن ايىرۋ، دوربالاۋ جۇمىسىن ىستەپ بولدى. ول بىلاي دەدى: «2009 - جىلى، ءبىر ورۋ ماشيناسىن، 2013-جىلى ءبىر دوربالاۋ ماشيناسىن ساتىپ الدىم، ۇكىمەت 90 مىڭ يۋان قوسىمشا قاراجات بەردى، وڭتۇستىك شينجياڭعا بارىپ، ءبيداي ورۋ، دوربالاۋ جۇمىسىن ىستەپ كەلدىم، ەندى وسى جەردە ءبيدايدى ورىپ، دوربالاپ جاتىرمىن، بۇدان ءبىر جىلدا 100 مىڭ يۋان كىرىس كىرگىزەمىن».
رايونىمىزدىڭ ءبيداي ەگىمشىلىگىن جان - جاقتىلى ماشينالاندىرۋ دەڭگەيىنىڭ ۇزدىكسىز جوعارىلاۋىنا ساي، جەر - جەردىڭ ءبيداي ورۋ اياق الىسى كورنەكتى جەدەلدەدى، 6 - ايدىڭ ورتا شەنىندە، ورۋ جۇمىسى باستالعاننان بەرى، رايونىمىزدىڭ 15 ميلليون 100 مىڭ مۋ جەردەگى ءبيدايدى ورۋ جۇمىسى جاپپاي اياقتاۋ كەزەڭىنە ءوتىپ، بىرلىك ءونىمىنىڭ وتكەن جىلداعى ورتاشا دەڭگەيدەن ارتۋىنان ءۇمىت زور، 7-ايدىڭ 14-كۇنىنە دەيىن، رايونىمىز بويىنشا 780 مىڭ توننا ءبيداي ساتىپ الىنىپ، رايونىمىز بويىنشا ءبيداي ەگىمشىلىگىن جان-جاقتىلى ماشيىنالاندىرۋ دەڭگەيى ورتا ەسەپپەن %98.2 كە جەتتى.
ءبيدايدان سىرت، ماقتا رايونىمىزدىڭ ەگىلگەن اۋماعى ەڭ كەڭ ەكونوميكالىق داقىلى رەتىندە، ءونىم مولشەرى بۇكىل ەلىمىزدەگى استىق مولشەرىنىڭ %60 تەن ارتىعىن يەلەدى، ونىڭ ۇستىنە ماقتا ەگۋ دەڭگەيى دە ۇقساس مەملەكەت بويىنشا الدا بولدى. وتكەن اپتادا، تەمپەراتۋرا جالعاستى جوعارىلاپ، ماقتا دەرت-دەربەز بەن زياندى جاندىكتەر كوپ تۋىلاتىن كەزگە ءوتتى، شايار اۋدانى جامىلعىنى قورعاۋعا پايدالانىلاتىن ۇشقىشسىز ايروپلاننان دەر كەزىندە پايدالانىپ، دەرت-دەربەزدىڭ جانە زياندى جاندىكتەردىڭ الدىن الدى جانە ونى تىزگىندەدى. 7-ايدىڭ 18-كۇنى، شايار اۋدانى گۇلباع قالاشىعى كۇرشقوتان قىستاعىنىڭ تۇرعىنى دۋ جينشاننىڭ 230 مۋ ماقتالىعىندا گۇرىلدەگەن داۋىسپەن قوسا، ءبىر ۇشقىشسىز ايروپلان ارى-بەرى ۇشىپ، ەگىس دارىلەرىن ءشاشتى. دۋ جينشان بىلاي دەدى: «تاياۋدا تەمپەراتۋرا جالعاستى جوعارىلادى، دەرت-دەربەزدەن جانە زياندى جاندىكتەردەن ماقتا قاۋاشاعى ۇزىلەدى، وسىمدىك جامىلعىسىن قورعاۋ اترەتىندەگىلەردى ەرتىپ كەلىپ، ەگىس ءدارىسىن ءشاشقىزدىم. بۇرىن تراكتورمەن ءدارى ءشاشاتىنبىز، مۇنىڭ ماقتاعا زيانى توتەنشە زور بولاتىن، قازىر ۇشقىشسىز ايروپلانمەن ءدارى ءشاشامىز، مۇندا ءدارى بىركەلكى ءشاشىلادى، وزىندىك قۇنى دا تراكتورمەن ءشاشۋدان %30 ۇنەمدەلەدى، ياعني ءبىر مۋ جەردەن 7 يۋان ۇنەمدەلەدى».

جەردە جۇرگەن ورۋ ماشيناسى، الدە اسپاندا ۇشقان ۇشقىشسىز ايروپلان بولسىن، ءبارى رايونىمىزدىڭ اۋىل شارۋاشىلىعىن ماشينالاندىرۋ دەڭگەيىنىڭ جوعارىلاعاندىعىنىڭ پارمەندى كۋاسى. وتكەن جىلى رايونىمىز نەگىزگى ەگىس داقىلدارىنىڭ ءوندىرىس جالپى بارىسىن ماشينالاندىرۋ دەڭگەيىن جوعارىلاتۋ ارەكەتىن اتقارعاننان كەيىن، ءبيداي، جۇگەرى، ماقتا سياقتى 3 ءىرى استىق، ماقتا داقىلى مەن كۇنباعىس، شەكىلدەۋىكتى قاربىز، پاميدور، قانت قىزىلشاسى، قىزىل بۇرىش سياقتى 5 ءتۇرلى ەرەكشە ەگىس داقىلىن ماشينالاندىرۋ دارەجەسى ۇزىدىكسىز جوعارىلاپ، باستى ەگىس داقىلدارىن جان-جاقتىلى ماشينالاندىرۋ دەڭگەيى %84.4 كە جەتىپ، رايونىمىزدىڭ «ءبىرىنشى كاسىپتى دەڭگەيگە جەتكىزۋ» نىساناسىن ىلگەرىلەتىپ، اۋىل شارۋاشىلىعىن وسىزامانداندىرۋىنا جابدىق جانە تەحنيكا جاقتا پارمەندى كەپىل بولدى.
بىرنەشە كۇننەن بەرى، ماناس اۋدانى لانجۋۋان قالاشىعى ۋاڭجياجۋاڭ قىستاعىنىڭ تۇرعىنى ياڭ تيانحۇي كارتوپتى تۇڭعىش رەت ماشينامەن قازدى. كارتوپ قازۋ ماشيناسى اتىزدان جۇرگەندە، جاڭا كارتوپتار ىرىكتەپ شىعارىلدى. ول بىلاي دەدى: «كارتوپتى ادام كۇشىمەن قازۋدىڭ قاجەتى جوق، ماشينامەن توتە قازعاندا، كارتوپتار ىرىكتەلىپ شىعا كەلەدى، مۇنداي بولعاندا، ءونىم مولشەرى دە جوعارىلاپ، شىرىگەن كارتوپتاردىڭ سانى ازايادى ەكەن. كارتوپ قازۋ ماشيناسىن قازۋ ادام كۇشىمەن قازۋعا قاراعاندا، كۇشتى كوپ ۇنەمدەيدى، ونىڭ ۇستىنە كارتوپ شىرىمەيدى».
سوڭعى جىلداردان بەرى، تىڭايتقىش بەرۋدى ماشينالاندىرۋ، اۋىل شارۋاشىلعى ماشيناسىمەن بىرلەستىرىپ جەردى تەگىستەۋ، ەگىن ەگۋدەن بۇرىن قالدىق جۇقا سۋلياۋ جارعاقتاردى جيناپ الۋ، جاساندى سەرىك ارقىلى جول كورسەتىپ، ماشينانى اۆتوماتتى جۇرگىزۋ تەحنيكاسى سياقتى ءبىرسىپىرا اۋىل شارۋاشىلىعىن ماشينالاندىرۋ تەحنيكاسىنان ۇلگى كورسەتىپ پايدالانۋ ارقىلى ماناس اۋدانىندا اۋىل شارۋاشىلىعى ماشينالارى تەحنيكاسىنىڭ پايدالانىلۋ مولشەرى %95 تەن استى. ماناس اۋداندىق اۋىل شارۋاشىلىعى ماشينالارى مەكەمەسىنىڭ باستىعى جاڭ يۇڭ بىلاي دەدى: «ءبىر توپ جاڭا ماشينانى، جاڭا تەحنيكانى جالپىلاستىرىپ پايدالانۋ ارقىلى اۋىل شارۋاشىلىعى ماشينالارىنىڭ اتىز باسىندا جۇمىس ىستەۋ ساپاسىندا كورنەكتى وزگەرىس تۋىلىپ، اۋىل شارۋاشىلعى ماشينالارىنىڭ جۇمىس ىستەۋ دارەجەسى ورنىقتى جوعارىلاپ، اۋدان بويىنشا ەگىمشىلىكتى ماشينالاندىرۋ دەڭگەيى ورتا ەسەپپەن %95 كە جەتتى ءارى مەملەكەت بويىنشا نەگىزگى ەگىس داقىلدارىن ءوندىرۋ جالپى بارىسىن الدىمەن ماشينالاندىرۋداعى ءبىرىنشى توپتا ۇلگى كورسەتكەن اۋدان سىندى داڭىقتى اتقا يە بولدىق».


بەرىپ كەت ورامالىڭدى

دوستار

الىستاعى اق ەركە