جاڭا حابارلار

G3012 جەلىسىنىڭ قاراقاشتان حوتانعا دەيىنگى بولىگىندە جوعارى قارقىندى تاس جول سالىنىپ بولىپ، اۆتوكولىك قاتىنادى

    كەلۋ قاينارى: شينجياڭ گازەتى    2018-08-03 18:56:11  

8 - ايدىڭ 1 - كۇنى حوتان ايماعىنىڭ تۇڭعىش جوعارى قارقىندى تاس جولى − G3012 جەلىسىنىڭ قاراقاشتان حوتانعا دەيىنگى بولىگىندە جوعارى قارقىندى تاس جول سالىنىپ بولىپ، اۆتوكولىك قاتىناپ، حوتان ايماعىنا جوعارى قارقىندى تاس جول تۇتاسپاۋ تاريحى اياقتادى، وسىمەن تۇتاس شينجياڭنىڭ بارلىق ايماق، وبلىس، قالالارىندا جوعارى قارقىندى تاس جول بار بولدى.

سۋرەتتى ءتىلشىمىز جوۋ پىڭ تۇسىرگەن

 ءتىلشىمىز لۋ فىڭباۋ 8 - ايدىڭ 1 - كۇنى قاراقاشتان حابارلايدى. بۇل حوتان ايماعىنىڭ، ءتىپتى، بۇكىل شينجياڭنىڭ ەستە ساقتايتىن كۇنى، 8 - ايدىڭ 1 - كۇنى حوتان ايماعىنىڭ تۇڭعىش جوعارى قارقىندى تاس جولى − G3012 جەلىسىنىڭ قاراقاشتان حوتانعا دەيىنگى بولىگىندە جوعارى قارقىندى تاس جول سالىنىپ بولىپ، اۆتوكولىك قاتىناپ، حوتان ايماعىنا جوعارى قارقىندى تاس جول تۇتاسپاۋ تاريحى اياقتادى، وسىمەن تۇتاس شينجياڭنىڭ بارلىق ايماق، وبلىس، قالالارىندا جوعارى قارقىندى تاس جول بار بولدى.
  حوتان ايماعى تاكلاماكان ءشولىنىڭ وڭتۇستىك جيەگىنە ورنالاسقان، جاراتىلىستىق شارت - جاعدايى ناشار، قاتىناس قۇرىلعىلارى دامىماعان، قاتىناستىڭ «تاياز قالتا» دەگەن اتاعى بار. قاراقاش - حوتان نىسانىندا اۆتوكولىك قاتىناۋدان بۇرىن، حوتان ايماعى رايونىمىزداعى جوعارى قارقىندى تاس جول تۇتاسپاعان بىردەن - ءبىر ايماق بولاتىن، شەكاراسى ىشىندەگى نەگىزگى جەلى − مەملەكەت تاس جولىنىڭ 315 - جەلىسى ەدى، الايدا قالا جولى يقۋاتىن تەڭ ازىرلەگەن بۇل جەلىدە قاتىنايتىن اۆتوكولىك جاعدايى ءبىرشاما كۇردەلى، ءىشىنارا جول بولىكتەرى اۋىر دارەجەدە بۇلىنگەن، كەپتەلىس جاعدايى ۇنەمى تۋىلاتىن، قاراقاش اۋدانىنان لوپ اۋدانىنا اۆتوكولىكپەن بارۋ ءۇشىن كەيدە 2 ساعاتتان استام ۋاقىت كەتەتىن.
  قاراقاش - حوتان نىسانى قولباسشىلىق شتابىنىڭ قولباسشىسى پۇرحات يبىرايىم بىلاي دەپ تانىستىردى: 2015 - جىلى 3 - ايدا اۆتونوميالى رايوندىق تاس جول قۇرىلىسىنداعى ءتۇيىندى نىسان − قاراقاش - حوتان نىسانى جۇمىس باستادى، نىساننىڭ جالپى ۇزىندىعى 74 كيلومەتر، قاراقاش اۋدانىن، حوتان قالاسىن، حوتان اۋدانىن، سونداي - اق لوپ اۋدانىن باسىپ وتەدى، نەگىزگى جەلى جوعارى قارقىندى تاس جول ولشەمى بويىنشا جوسپارلانعان، ساعاتتىق جىلدامدىعى 120 كيلومەتر رەتىندە جوبالانعان، جالپى جولدى باسىپ وتۋگە 40 مينۋت عانا كەتەدى.
  قاراقاش - حوتان نىسانى − مەملەكەتتىك جوعارى قارقىندى تاس جول تورىنداعى ليانيۇنگاڭ - قورعاس جوعارى قارقىندى تاس جول G30 جەلىسىنىڭ بايلانىس جەلىسى بولعان تۇرپان - حوتان جوعارى قارقىندى تاس جولىنىڭ ماڭىزدى جول بولىگى، چيڭحايدى باسىپ وتەتىن، باتىس وڭتۇستىك پەن حۋاناندى تۇتاستىراتىن ۇلكەن وتكەلدىڭ قۇرامداس بولىگى، سونىمەن بىرگە، ەركەشتام شەكارا وتكەلى مەن كۇنجىراپ شەكارا وتكەلى ارقىلى ورتا ازيا مەن وڭتۇستىك ازيانى تۇتاستىراتىن ماڭىزدى جول بولىگى سانالادى.
  حوتان ايماقتىق دامۋ - رەفورما كوميتەتىنىڭ ورىنباسار مەڭگەرۋشىسى زوۋ رۇڭ بىلاي دەدى: قاراقاش - حوتان نىسانىندا اۆتوكولىك قاتىناۋى اۋىل - قىستاقتى گۇلدەندىرۋدى جەبەۋگە، كەدەيلىكتەن قۇتىلدىرۋدان قامال الۋدى ىلگەرىلەتۋگە كۇش ۇستەپ، جىبەك جولى ەكونوميكالىق بەلدەۋىنىڭ وزەكتى رايونى قۇرىلىسىندا اناعۇرلىم زور رول اتقارادى.
  سول كۇنى قىرۋار اۆتوكولىك حوتاننىڭ تۇڭعىش جوعارى قارقىندى تاس جولىنا شىقتى، «جوعارى قارقىندى تاس جول سالىنعاننان كەيىن، بۇدان كەيىن ءار رەتكى ساپارىمدا ءبىر ساعاتتان استام ۋاقىت ۇنەمدەلەتىن بولدى»، - دەدى ۇنەمى قاراقاش پەن لوپ اراسىندا جۇك تاسيتىن شوفەر لۋ سۇڭگاۋ.


بەرىپ كەت ورامالىڭدى

دوستار

الىستاعى اق ەركە