جاڭا حابارلار

 اۆتونوميالى رايون  ءتۇرلى ءادىستى قاتار قولدانىپ، نەگىزگى ساتىنىڭ ەمدەۋ جاعىندا قىزمەت وتەۋ دەڭگەيىن جوعارىلاتتى

    كەلۋ قاينارى: شينجياڭ حالىق راديو ىستانسياسى    2018-08-03 00:47:08  

 ستانسيامىزدىڭ تىلشىلەرى لان تيان، ليۋ چياڭ، كەريا راديو ستانسياسىنىڭ ءتىلشىسى جاڭ شۋحۋالاردىڭ وسى جونىندەگى حابارى :
پارتيا 19 - قۇرىلتايى بايانداماسىندا،  نەگىزگى ساتىنىڭ ەمدەۋ،دەنساۋلىق ساقتاۋ جاعىندا قىزمەت وتەۋ جۇيەسى مەن بەساسپاپ شيپاگەرلەر قوسىنى قۇرىلىسىن كۇشەيتۋ كەرەك، ــ دەپ اتاپ كورسەتىلدى. بيىل، اۆتونوميالى رايون نەگىزگى ساتىنىڭ ەمدەۋ قۇرىلىمدارىن ولشەمدەندىرۋ مولشەرىن جوعارىلاتۋ، دارىندىلار جاعىندا ولقىلىقتى تولىقتاۋ، ەمدەۋ بىرلەسكەن تۇلعاسى، ەمدەۋ ورتاق تۇلعاسى قۇرىلىسىن جەدەلدەتۋ سياقتى شارلاردى ارقىلى  ءتۇرلى ءادىستى قاتار قولدانىپ، نەگىزگى ساتىنىڭ ەمدەۋ جاعىندا قىزمەت وتەۋ دەڭگەيىن جوعارىلاتتى.:   7-ايدىڭ 31-كۇنى تاڭەرتەڭ ەرتە، ءۇرىمجى اۋدانى يۇڭفىڭ اۋىلى گۇڭشىڭ قىستاعىنىڭ شيپاگەرى لي جيانجۇڭ ءدارى -دارمەك كوبديشاسىن كوتەرىپ، قىستاق تۇرعىنى بولات باراش ۇلىنىڭ ۇيىنە ونىڭ ناۋقاس جاعدايىن ۇعىسۋعا باردى. ول : « جوعارى قان قىسىمىڭ 126 ، تومەن قان قىسىمىڭ 90 ەكەن، تۇزدى از تۇتىن، سورپانى دا از ءىش»، ــ دەدى، بولات باراش ۇلى بىلاي دەدى: « لي شياگەر ەكى، ءۇش كۇندە ءبىر كەلىپ دەنساۋلىعىمدى تەكسەرىپ كەتەدى، وتباسىمدا 6 جان بار، ۇلكەنىمىز، كىشىمىز بولسىن، جايسىزدانساق، تەلەفون جالعاساق بولعانى، ول  بىرنەشە مينۋتتا جەتىپ كەلەدى».  قىستاق شيپاگەرى لي جيانجۇڭ تۇرعان گۇڭشىڭ قىستاعى وتباسى شيپاگەرلەرىنىڭ قىزمەت وتەۋ اترەتى بەساسپاپ شيپاگەرلەردەن، الەۋمەتتىك دەنساۋلىق ساقتاۋ جاعىندا قىزمەت وتەۋشىلەردەن، سەسترالار مەن ەكى قىستاق شيپاگەرىنەن ۇيىمداسقان، ولار قىستاقتاعى ءبىر مىڭ 600 قىستاق تۇرعىنىنا اۋرۋدىڭ الدىن الۋ بىلىمدەرىن ۇگىتتەۋ ، سوزىلمالى ناۋقاس جاعدايىن ۇعىسۋ، شۇعىل، سالماقتى ناۋقاستاردى باسقا شيپاحاناعا ەمدەۋگە اپارۋ سياقتى توقتامدار بويىنشا قىزمەت وتەيدى. لي جيانجۇڭ، نەگىزگى ساتىنىڭ دياگنوز قويۋ - ەمدەۋ دەڭگەيىنىڭ جوعارىلاۋىنا ساي، قىستاق شيپاگەرلەرى دە اناعۇرلىم كوپ نازارعا يە بولعانىن ايتتى. ول بىلاي دەدى: «اۋداندا ءار جىلى ەكى دە، ءۇش رەت، ءۇرىمجى قالاسىندا ءبىر رەت تاربيەلەۋ جۇرگىزىلەدى، ال اۆتونوميالى رايون 3 جىل اينالاسىندا ءبىر رەت تاربيەلەپ، ءبىزدىڭ كاسىپتىڭ دەڭگەيىمىزدى جوعارىلاتادى. بىزگە جاسالاتىن مامىلەدە جوعارىلاپ، قازىر ەڭبەكاقىمىز ءبىر مىڭ 500 يۋانعا ارتتى، قىزمەت ناتيجەمىزدى باعالاۋ ارقىلى بىزگە تاعى ەڭبەكاقى بەرەدى، قىستاق شيپاگەرلەرى ءۇشىن الىپ ايتقاندا، بۇقاراعا الاڭسىز قىزمەت وتەي الاتىن بولدى». بيىل رايونىمىز وتباسى شيپاگەرلەرىمەن توقتام جاساسۋ قىزمەتىنە ۇشتاستىرىپ، اۋىل - قىستاقتاعى بەساسپاپ شيپاگەرلەردى تاربيەلەۋ مەن شابىتتاندىرۋ مەحانيزمىنەن پايدالانۋدى كۇش سالا ىلگەرىلەتىپ، بارعان سايىن كوپ اۋىل - قىستاق شيپاگەرىنىڭ تۇراقتاپ قالۋىنا مۇمكىندىك جاراتىپ، اۋىل - قىستاق شيپاگەرلەرىنىڭ ءىزىن باساتىندار جوق، تارىعۋشىلىق ماسەلەسىن ءونىمدى باسەڭدەتتى. قازىر، شينجياڭداعى اۋىل - قىستاق شيپاگەرلەرىنىڭ سانى 18 مىڭ ادامنان استى. اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتى نەگىزگى ساتى دەنساۋلىق ساقتاۋ باسقارماسىنىڭ باستىعى گو ۋيجياڭ بىلاي دەدى: « قىزمەت ناتيجەسىن باعالاۋدى كۇشەيتىپ، سوزىلمالى ناۋقاس جاعدايىن ۇعىسۋ، وتباسى شيپاگەرىمەن توقتام جاساسۋ، تۇرعىنداردىڭ دەنساۋلىق ساقتاۋ ارحيۆىن تۇرعىزۋ سياقتى قىستاق شيپاگەرىنىڭ قولىنان كەلەتىن ءىستى تۇگەلدەي قىستاق شيپاگەرلەرىنە ىستەتىپ، قىستاق شيپاگەرلەرىنىڭ بەلسەندىلىگىن جوعارىلاتتىق، اۋىل - قالاشىقتىڭ دەنساۋلىق ساقتاۋ ورىندارىنا  ۋاقىت ۇتىپ بەرگەننەن كەيىن، اۋىل - قالاشىق دەنساۋلىق ساقتاۋ ورنىنىڭ نەگىزگى ەمدەۋ جاعىندا قىزمەت وتەۋىن ويداعىداي ىستەۋگە بولادى».   نەگىزگى ساتىنىڭ ەمدەۋ دەنساۋلىق ساقتاۋ دارىندىلارى قوسىنى قۇرىلىسىن كۇشەيتۋمەن بىرگە، اۆتونوميالى رايون تاعى نەگىزگى ساتىنىڭ ەمدەۋ،دەنساۋلىق ساقتاۋ قۇرىلىمدارىنىڭ قاتتى بولشەك قۇرىلىسىن ۇزدىكسىز كۇشەيتتى. بيىل جىل باسىندا، كەريا اۋدانى كوكجار اۋىلدىق دەنساۋلىق ساقتاۋ ورنى جاڭا عيماراتقا كوشىپ كىرىپ، قورشاعان ورتاسى جاقسارتىپ قالماستان، تاعى رەنتىگەن ءبولىمى،   B ءتيپتى اسىرە دىبىس تولقىنىمەن تەكسەرۋ ءبولىمى، تەكسەرۋ ساراپتاۋ ءبولىمى سياقتى بولىمدەر كوبەيتىلىپ، ناۋقاستاردى ەمدەۋ مولشەرى بۇرىنعىدان ەكى ەسە ارتتى. كەريا اۋدانى كوكجار قىستاعىنىڭ تۇرعىنى حايرۇلحان سۇلەيمەن تاياۋدا اۋىلدىق دەنساۋلىق ساقتاۋ ورنىنا دەنساۋلىعىن تەكسەرتۋگە باردى، قولايلى، ءجايلى ەمدەۋ شارت - جاعدايىن اۋىز جاپپاي ماقتاعان ول بىلاي دەدى: « بۇرىن دەنساۋلىق ساقتاۋ ورنىنىڭ شارت - جاعدايى ناشار بولاتىن، ناۋقاس كورسەتۋ ءۇشىن ءبارىمىز اۋداندىق شيپاحاناعا باراتىنبىز، جول الىس، ۋاقىت تا كوپ كەتەتىن. قازىر دەنساۋلىق ساقتاۋ ورنىنىڭ ورتاسى جاقساردى، ەمدەۋگە كەلەتىن اۋرۋلاردى ەمدەيدى، ءبىز ءۇيىمىزدىڭ قاسىندا ناۋقاسىمىزدى كورسەتە الاتىن بولدىق. كوپ ۋاقىتىمىز ۇنەمدەلدى.»  ۇعىسۋعا قاراعاندا، قازىرگە دەيىن، شينجياڭدا اۋىل - قالاشىق دەنساۋلىق ساقتاۋ ورنىنان 913 ى، قىستاق دەنساۋلىق ساقتاۋ ورنىنان 8 مىڭ 733 ى بار  ەكەن، ولشەمدەنگەن قۇرىلىس مولشەرى %88.2 جانە %84.2 كە جەتكەن.     بيىل اۆتونوميالى رايون تاعى « اۆتونوميالى رايوننىڭ الىس ارالىقتى ەمدەۋ جاعىندا قىزمەت وتەۋ قۇرىلىمىن باسقارۋ ءادىسى (سىناق رەتىندە اتقارىلادى)»، «اۆتونوميالى رايوننىڭ الىس ارالىقتى ەمدەۋ قىزمەتكەرلەرىن باسقارۋ ءادىسى (سىناق رەتىندە اتقارىلادى)»، « اۆتونوميالى رايوننىڭ الىس ارالىقتى ەمدەۋ بىرىگىپ انىقتاۋ ماماندارىن باسقارۋ ءادىسى (سىناق رەتىندە اتقارىلادى)» سياقتى 3 الىس ارالىقتى ەمدەۋدى باسقارۋ ءتۇزىمىن ىركەس - تىركەس شىعارىپ، دارەجەگە ءبولىپ دياگنوز قويۋ - ەمدەۋ ءتۇزىمى قۇرىلىسىن ىلگەرىلەتتى.

 اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتى پارتگرۋپپاسىنىڭ  ورىنباسار شۋجيى، ورىنباسار مەڭگەرۋشىسى پىڭ يۇڭ ، بيىل شينجياڭداعى   اۋدان ، قالالاردىڭ ەمدەۋ ورتاق تۇلعاسى قۇرىلىسىن بۇكىلدەي جالپىلاستىراتىنىن ايتا كەلىپ بىلاي دەدى: « جىل سوڭىنا دەيىن، ءار ءبىر رايوندا كەمەلدى ەمدەۋ بىرلەسكەن تۇلعاسىن، ءار ءبىر اۋداندا ەمدەۋ ورتاق تۇلعاسىن قۇرىپ، نىسانا ورتاق تۇلعاسىن، باسقارۋ ورتاق تۇلعاسىن، قىزمەت وتەۋ ورتالىق تۇلعاسىن قالىپتاستىرامىز. وتكەلەكتەر الدىعا ىلگەرىلەتىلگەن سايىن، اۋرۋدىڭ الدىن ەرتە الىپ، اۋرۋدى ەرتە بايقاپ، ەرتە ەمدەپ، قۇراۋدىڭ وزىندىك قۇنىن دا  سونشا ازايتۋعا، از اقشا جۇمساۋعا، بۇقارانى شىنايى تيىمدىلىككە كەنەلتۋگە بولادى».


بەرىپ كەت ورامالىڭدى

دوستار

الىستاعى اق ەركە