جاڭا حابارلار

قيىنشىلىق پەن قاتەردەن قورىقپاعان ــ ۋاڭ ميڭ

    كەلۋ قاينارى: شينجياڭ حالىق راديو ىستانسياسى    2018-08-04 09:16:48  

 « قيىنشىلىق پەن قاتەردەن قورىقپاعان ــ ۋاڭ ميڭ»مەن تانىساسىزدار:      ۋاڭ ميڭ، شانشي ولكەسىنىڭ شىنمۋ دەگەن جەرىنەن، 1903- جىلى 4 -ايدا دۇنيەگە كەلگەن. 1922- جىلى سانشي ولكەلىك 1- ورتا مەكتەپكە ەمتيحان بەرىپ قابىلدانادى، وسى جەردە «جاڭا جاستار» «بەتالىس» سياقتى العاباسار جۋرنالداردى وقىپ، ماركسيزم تاربيەسىمەن سۋسىنداي باستايدى، 1925 - جىلدىڭ باسىندا، جۇڭگو كوممۋنيستىك جاستار وداعى ۇيىمىنا قابىلدانىپ، سول جىلى جازدا جۇڭگو كوممۋنيستىك پارتياسىنا مۇشە بولادى. سول جىلى قىستا، ج ك پ تاييۋان جەرگىلىكتى اتقارۋ كوميتەتى قۇرىلعاندا، ۋاڭ ميڭ جەرگىلىكتى كوميتەتتىڭ تەحنيكاعا جاۋاپتى شۋجيى بولىپ، وقۋشىلار مەن جۇمىسشىلار اراسىندا توڭكەرىستىك قيمىل جۇرگىزىپ، پارتيا مۇشەلەرى مەن پارتيا ۇيىمىن دامىتادى.   

   « 12- ءساۋىر» كەرى توڭكەرىستىك ساياسي وزگەرىستەن كەيىن، يان شيشان ( 阎锡山)  شانشيدە «پارتيا مۇشەلەرىن تازالاۋ» ارەكەتىن جۇرگىزىپ، تاييۋان اسپانىن قاندى سوعىس بۇلتى تورلايدى. ۋاڭ ميڭ قاتەرلى جاعدايدا بۇيرىق بويىنشا، اتىن ۋاڭ دىچاڭ دەپ وزگەرتىپ، ولكەلىك كوميتەتتىڭ ەرەكشە جىبەرىلگەن مۇشەسى سالاۋاتىمەن جاسىرىن تۇردە تاييۋان، جينجۇڭ سياقتى جەرلەرگە بارىپ، قىزمەتتى ورىستەتىپ، پارتيا ۇيىمىن قالپىنا كەلتىرەدى جانە قايتا قۇرادى. 1928- جىلى جازدا، ۋاڭ ميڭ سانشي ۋاقىتتىق ولكەلىك كوميتەتتىڭ مۇشەسى بولادى. 1929- جىلى 2- ايدا، ج ك پ سانشي ولكەلىك كوميتەتتىڭ شۋجيلىعىنا تاعايىندالادى.      اۋىر اق لاڭكەستىك ۇرەي بيلەگەن زاماندا، شانشيداعى پارتيا ۇيىمى مەن ج ك پ شانشي ولكەلىك كوميتەت كوپ رەت ويرانداۋعا ۇشىرايدى، 1928- جىلدىڭ سوڭىندا، ۋاڭ ميڭ جاسىرىن تۇردە شاڭحايعا بارىپ، پارتيا ورتالىق كوميتەتىنە قىزمەت جونىندە مالىمەت بەرىپ، نۇسقاۋ سۇرايدى، ءارى « ۋاڭ ميڭنىڭ كەلگەن مىندەتى مەن ورتالىققا قويار تالابى» دەگەن تاقىرىپتاعى  جازباشا مالىمەت  تاپسىرادى. 1929- جىلى 3- ايدىڭ 25- كۇنى، جوۋ ىنلاي « ورتالىقتىڭ  شۇنجى ولكەلىك كوميتەتكە جانە ۋاڭ ميڭ جولداسقا جاۋاپ حاتىن»  جازىپ، اق لاڭكەستىك بيلەگەن جاعداي استىندا پارتيا ۇيىمىن قالپىنا كەلتىرىپ جانە قايتا قۇرىپ،  اق لاڭكەستىك رايوندا پارتيا قىزمەتىن ورىستەتۋگە تۋرا باعدار نۇسقاپ، جول كورسەتەدى.     پارتيا ورتالىق كوميتەتى نۇسقاۋىنىڭ رۋحىنا جانە ج ك پ شۇنجى ولكەلىك كوميتەتتىڭ ۇيعارىمىنا ساي، ج ك پ سانشي ولكەلىك كوميتەتى تاعى دا بۇلدىرۋگە تاپ بولعان جاعدايدا، 1929- جىلى 4- ايدا، ج ك پ تاييۋان قالالىق كوميتەتى قۇرىلىپ، ۋاڭ ميڭ شۋجيلىققا تاعايىندالادى، سونىمەن بىرگە ج ك پ شۇنجى ولكەلىك كوميتەتتىڭ سانشيداعى ەرەكشە جىبەرىلگەن مۇشەسى بولىپ، سانشي ولكەسى جۇڭلۋ رايونىنىڭ پارتيا ۇيىمىنا جەتەكشىلىك ەتۋگە جاۋاپتى بولادى. سانشي پارتيا ۇيىمى قايتا- قايتا بۇلدىرۋگە تاپ بولعان اۋىر جاعدايدا، ۋاڭ ميڭ باسشىلىق ەتكەن پارتيا ۇيىمى تاييۋانداعى جانە حۋاڭحى وزەنىنىڭ شىعىسىنداعى يۇنچىڭ وڭىرىندەگى زاۆود، اۋىل- قىستاق، مەكتەپ جانە اسكەري شونجارلار بيلەگەن قوسىنداردا قىرۋار جاپالى قىزمەتتەردى ىستەپ، پارتيا ۇيىمىن قالپىنا كەلتىرۋ جانە قايتا قۇرۋ، جۇمىسشىلار مەن ديحاندار قوزعالىسىن دامىتۋ جانە اسكەرلەر قوزعالىسى قىزمەتىءۇشىن ماڭىزدى ۇلەس  قوستى.   

     1929- جىلى 7- ايدىڭ 21 - كۇنى، ساتقىنداردىڭ وپاسىزدىق جاساۋىمەن، ۋاڭ ميڭ باقىتقا قارسى تۇتقىندالادى. جاۋلار ونىڭ اياعىن جۇمىر اعاشپەن باسۋ سياقتى جان تۇرشىگەرىك جازالاردى قولدانىپ، پارتيا ۇيىمى مەن پارتيا مۇشەلەرىنىڭ ەسىمدىگىن تاپسىرۋعا قىساعاندا، ول باتىلدىقپەن تويتارىس بەرىپ، پارتيانىڭ قۇپيالىعىن سوڭىنا دەيىن ساقتايدى. 1931- جىلى 10- ايدىڭ 31- كۇنى، ۋاڭ ميڭدى جاۋلار جازا الاڭىنا اپارادى. ءولىم جازاسى اتقارىلۋدان بۇرىن، ول كەۋدەسىن تىك ۇستاپ، اقيقات جولىندا باسىن ءباي تىگىپ، «گومينداڭ كەرتارتپاشىلارىن اۋدارايىق!»، «جۇڭگو كوممۋنيستىك پارتياسى جاساسىن!» دەپ ۇران شاقىرىپ، ەرلىكپەن قازا بولادى، سول كەزدە ول 28 جاستا عانا-ەدى.    


بەرىپ كەت ورامالىڭدى

دوستار

الىستاعى اق ەركە