جاڭا حابارلار

 عۇمىرىڭىزدى قىسقارتاتىن ناشار تۇرمىس داعدىلارى

    كەلۋ قاينارى: شينجياڭ حالىق راديو ىستانسياسى    2018-08-04 22:07:07  

 1. ۇيقىنىڭ جەتكىلىكسىز بولۋى
  ا ق ش كاليفورنيا داشۋەسىنىڭ زەرتتەۋ ناتيجەسىنە نەگىزدەلگەندە، ۇيقىنىڭ جەتكىلىكسىز بولۋى زەيىندى شوعىرلاندىرا الماۋ، ەستە ساقتاۋ قابىلەتى تومەندەۋ، يممۋنيتەتتىك قۋاتى السىرەۋ، دەنەنىڭ ەرتە قارتايۋى سياقتى جاعدايلاردى تۋدىرىپ، عۇمىردى قىسقارتادى ەكەن.
  2.  ۆيتامين E نى ارتىق تولىقتاۋ
  زەرتتەۋلەردە كوپ مولشەردە ۆيتامين E نى تولىقتاۋ قارتايۋدى باياۋلاتىپ، ءتۇرلى اۋرۋلاردىڭ الدىن الۋ رولىن اتقارا المايتىندىعىن، كەرىسىنشە عۇمىردى قىسقارتاتىندىعى دالەلدەنگەن.  ۆيتامين E نى ۇزاق ۋاقىت كوپ مولشەردە تۇتىنعاندا، مايداعى سۋتەگى اسقىن توتىعى ەركىن راديكال پايدا ەتەدى. ەركىن راديكال ادام دەنەسىنىڭ كلەتكاسىن زاقىمداپ، قارتايۋدى جەدەلدەتەدى ءارى جۇرەك اۋرۋلارى مەن راك اۋرۋلارىن تۋدىرادى.   3. اراق ءىشۋ
  ۇزاق ۋاقىت كوپ مولشەردە اراق ءىشۋ ەستە ساقتاۋ قابىلەتى مەن ءتۇسىنۋ قابىلەتىن تومەندەتىپ، قولى قالتىراۋ سياقتى جاعدايلاردى تۋدىرادى.  سونىمەن بىرگە،  باۋىر قىزمەتى السىرەۋ، اسقازان جانە ون ەكى ەلى ىشەك جاراسى، قان تامىردىڭ قاتايۋى، جۇرەك اۋرۋى، وڭەش راگى، اسقازان راگى جانە باۋىر راگى سياقتى اۋرۋلارعا شالدىقتىرىپ، عۇمىرىڭىزدى قىسقارتادى.
  4. ۇنەمى تومەندەگى ازىقتارمەن ازىقتانساڭىز دەنساۋلىعىڭىزعا كەرى ىقپال جاسايدى
  (1)  سۇرلەنگەن جۇمىرتقا: ادەتتە سۇرلەنگەن جۇمىرتقانى جاساعاندا، بەلگىلى مولشەردە قورعاسىن قوسادى، سۇرلەنگەن جۇمىرتقانى ۇنەمى تۇتىنساڭىز قورعاسىننان ۋلانۋ جايىتى پايدا بولۋى مۇمكىن.
  (2) كاۋاپ: كاۋاپتى قاقتاۋ بارىسىندا «بەنزول» سياقتى راكقا شالدىقتىراتىن زياندى زاتتار پايدا بولادى.
  (3) دامدەندىرگىش: ءار ادامنىڭ كۇنىنە تۇتىناتىن دامدەندىرگىش مولشەرى 6 دەتسيگرامنان اسپاۋى كەرەك، ارتىق بولعاندا دەنساۋلىققا زياندى بولادى.
  (4) ساۋمالدىق: ساۋمالدىقتىڭ قورەك قۇرامى مول بولادى، الايدا قۇرامىنداعى قىمىزدىق قىشقىل ازىقتىڭ قۇرامىنداعى مىرىش جانە كالتسيمەن بىرىگىپ دەنەدەن سىرتقا شىعارىلىپ، ادام دەنەسىندە مىرىش پەن كالتسيدىڭ كەمشىل بولۋىن تۋدىرادى.
  5. ۇزاق ۋاقىت تەلەۆيزور كورۋ
   ا ق ش «اينالىم» جۋرنالىندا جۋىقتا جاريالانعان مالىمەتتە، ۇزاق ۋاقىت تەلەۆيزور كورۋ دەنساۋلىققا اسا زياندى بولىپ، عۇمىردى قىسقارتاتىندىعى ايتىلعان. اۆستراليا  IDI جۇرەك جانە قانتتى نەسەپ اۋرۋلارىن زەرتتەۋ ورنىنىڭ زەرتتەرمەندەرى دەنساۋلىعى اقاۋسىز 25 جاستان جوعارى  8 مىڭ 800 ەر مەن ايەلگە 6 جىل ۋاقىت تەكسەرۋ جۇرگىزگەندە   وسى قورتىندىعا يە بولعان.   ناتيجەدە، ءار كۇنى تەلەۆيزور كورۋ ۋاقىتى 2 ساعاتقا جەتپەيتىن ادامدارمەن سالىستىرعاندا، كۇنىنە تەلەۆيزور كورۋ ۋاقىتى 4 ساعاتتان اساتىن ادامدار  عۇمىرىنىڭ قىسقاراتىندىعى بايقالعان.    6. دەنە تاربيە قيمىلدارىمەن شۇعىلدانۋدىڭ كەمشىلدىگى
  دۇنيە جۇزىلىك دەنساۋلىق ساقتاۋ ۇيىمىنىڭ ساناعىنا نەگىزدەلگەندە، دۇنيە جۇزىندە دەنە تاربيە قيمىلدارىمەن شۇعىلدانۋدىڭ كەمشىلدىگىنەن قازا بولاتىن ادامداردىڭ سانى جىلىنا 2 ميلليوننان اسادى ەكەن.
ەسكەرەتىن ءجايت: دەنە تاربيە قيمىلدارىمەن شۇعىلدانباسا، دەنەنىڭ يممۋنيتەتتىك قۋاتى تومەندەپ، ءتۇرلى اۋرۋلارعا وڭاي شالدىعادى.          7. جۇرەك اۋرۋىنا شالدىققان ناۋقاستاردىڭ ۇنەمى قاتتى كۇلۋى
  كۇلكى «شاتتىق» بەلگىسى، لايىقتى كۇلۋ دەنساۋلىققا اسا پايدالى بولىپ، رۋحتى سەرپىلتىپ، تاماققا تابەتتى ارتتىرادى. سونىمەن بىرگە قان اينالىستى جاقسارتىپ، جۇرەك سوعۋ جيىلىگىن رەتكە تۇسىرەدى.
  (1) قان قىسىم جوعارلاۋ اۋرۋىنا شالدىققاندار قاتتى كۇلسە، قان قىسىمىن جوعارىلاتىپ، ميعا قان قۇيىلۋ جاعدايى تۋىلادى.
  (2) جۇرەك بۇلشىق ەتىنىڭ قاتايۋى اۋرۋىنا شالدىققان ادامداردىڭ قاتتى كۇلۋىنە بولمايدى، ويتپەگەندە، جۇرەك بۇلشىق ەتىنە قان جەتىسپەۋدى اۋىرلاستىرىپ، جۇرەك سوعۋى السىرەۋ حاۋپى تۋىلادى. 
 


بەرىپ كەت ورامالىڭدى

دوستار

الىستاعى اق ەركە