جاڭا حابارلار

 بالالاردا كالتسي جەتىسپەۋدىڭ بەلگىلەرى

    كەلۋ قاينارى: شينجياڭ حالىق راديو ىستانسياسى    2018-08-04 22:20:11  

مىناداي اۋرۋ بەلگىلەرى بالالاردا كالتسي جەتىسپەۋىنەن بولۋى مۇمكىن، ءبىراق بۇل بەلگىلەر بالالاردا، ءسوزسىز، كالتسي جەتىسپەيدى دەگەننەن دەرەك بەرمەيدى.
    1. ءتۇن ورتاسىندا سۋىق تەر باسۋ
  اسىرەسە ۇيىقتاپ جاتقاندا باسى قاتتى تەرلەپ، جىلاعاننان كەيىن ءتىپتى تەر باسادى.
   2. ۇيىقتاپ جاتىپ شوشىپ ويانۋ نەمەسە جىلاپ توقتاماۋ
  ءتۇن ورتاسىندا كەنەتتەن شوشىپ ويانىپ، توقتاماي جىلاۋ.
   3. مىنەزى وزگەرۋ
  مىنەزى ءبىر ءتۇرلى بولىپ، جىلاپ  مازاسى كەتەدى، وڭايلىقشا كونبەيدى.
   4. جەلكەسى تاقىرلانۋ
  جەلكە تۇسىنىڭ شاشى ۇيكەلىپ ءتۇسىپ، تاقىرلانادى.
   5. ءتىسى جاي شىعىپ، تەگىس بولماۋ
  كەيبىر بالاعا ءبىر جارىم جاسقا كەلگەنشە ءتىس شىقپايدى نەمەسە ءتىسىنىڭ جەتىلۋى جاقسى بولمايدى، ءتىستىڭ قاتارى تەگىس بولماي، استىڭعى ءتىس پەن ۇستىڭگى ءتىس ءدال تۇسپەيدى،ءتىسى بوساپ، ەرتە تىسەيدى.
   6. بويىنىڭ ءوسۋى باياۋ، اياعىن جاي باسۋ،  سۇيەك بۋىندارى قالىپسىز بولۋ
  كالتسي كەم بالانىڭ كوبى ءبىر جاس اينالاسىندا اياعىن باسادى، كالتسي كەم بالا سۇيەگى جۇمساق بولعاندىقتان، كەي ءبىرىنىڭ اياعى «X» فورماسىندا بولادى، كەي ءبىرىنىڭ اياعى «O» فورماسىندا بولادى، بۇلشىق ەتتەرى بوس، دارمەنسىز بولىپ، اياق سۇيەگى قاقساپ اۋىرادى.
   7. ەڭبەگى جاي قاتۋ
  ادەتتە بالانىڭ ءبىر جارىم جاسقا دەيىن ەڭبەگى قاتپاسا، شارشى باس بولىپ قالادى.
    8. قابىرعا شەمىرشەگى ءوسۋ
  ءاربىر قابىرعانىڭ وسكەن شەمىرشەگى مونشاق تەكتەس ءتىزىلىپ وكپەنى  ۇنەمى باسىپ، بالانىڭ تىنىس الۋى قالىپسىز بولىپ، كەڭىردەك قابىنۋىنا، وكپە قابىنۋىنا وڭاي شالدىقتىرادى.
   9. بۇلشىق ەت پەن ءسىڭىر بوساۋ
   بالادا كالتسي جەتىسپەۋ سالماقتى بولعان كەزدە، ەگەر قارىن ءبۇيىرىنىڭ، ىشەك  ءبۇيىرىنىڭ بۇلشىق ەتى بوساسا، ىشەك قۋىسىنا جەل جينالۋدان قارنى  ۇلكەيىپ، باقا قارىنعا اينالادى. ەگەر ومىرتقا ءسىڭىرى بوساسا، بۇكىر، قۇس كەۋدە، كەۋدە سۇيەگى قاقساۋ سياقتى جاعداي تۋىلۋى مۇمكىن.
  10. باسقا بەلگىلەر
  بالادا كالتسي كەم بولعاندا، تاعى تاماققا تابەتى تارتپاۋ، رۋحسىزدانۋ، سىرەسۋ، ماڭايىنداعى ورتاعا كوڭىلى سوقپاۋ، زەيىن-قۋاتى ناشارلاۋ، يممۋنيتەتتىك قۋاتى تومەندەۋ سياقتى بەلگىلەر بايقالادى.
 


بەرىپ كەت ورامالىڭدى

دوستار

الىستاعى اق ەركە