جاڭا حابارلار

اۆتونوميالى رايونىمىزدىڭ ەگىن شارۋاشىلىعى ءوندىرىسى جاسىل «قوزعالتقىشپەن» جابدىقتالدى

    كەلۋ قاينارى: شينجياڭ گازەتى    2018-08-04 20:14:31  

سۋدان، تىڭايتقىشتان، ەگىس دارىلەرىنەن ءونىمدى پايدالاندى ءارى جاسىلدى قورعادى


7 - ايدىڭ 25 - كۇنى اقتاۋ اۋدانىنىڭ قىزىلتاۋ اۋىلىنان اقتاۋ اۋداندىق قۇرىلعىلى اۋىل شارۋاشىلىعى اشۋ رايونىنا كوشىپ كەلگەن مالشى حانايىم قالەل (وڭدا) مەن اپەكەسى تۇردىحان تۇراش وزدەرىنىڭ جىلىجايدا ەككەن جاسىل ورگانيكالى جۇزىمدەرىن ۇزۋدە. اقتاۋ اۋدانى كوشىپ كەلگەن مالشىلاردى جاسىل ورگانيكالى جەمىس ورمان ەگىمشىلىگىمەن شۇعىلدانىپ كىرىستەرىن ارتتىرىپ، كەدەيلىكتەن قۇتىلۋعا بەلسەنە شابىتتاندىردى. قازىرگە دەيىن، اقتاۋ اۋدانىنداعى جاسىل جەمىس ورمان ەگىمشىلىك اۋماعى 127 مىڭ 500 مۋعا، جاسىل ورگانيكالى جەمىس ورمان ەگىمشىلىك جىلىجايى 340قا جەتكەن. سۋرەتتى ءتىلشىمىز وتكىر نيجات تۇسىرگەن


ءتىلشىمىز ليۋ ي 8 - ايدىڭ 2 - كۇنى ۇرىمجىدەن حابارلايدى. جۋىردا شونجى اۋدانى بانجيەگوۋ قالاشىعى ياۋجانزى قىستاعىندا مەملەكەتتىك ءبيداي كاسىبىنىڭ تەحنيكالىق جۇيەسىنىڭ ماماندارى مەن اۋىل شارۋاشىلىعى، اۋىل - قىستاق مينيسترلىگىنىڭ ءبيداي ءوندىرىسى ماماندارى جەتەكشىلىك ەتۋ گرۋپپاسىنىڭ ماماندارىنان قۇرالعان تەكسەرىپ وتكىزىپ الۋ گرۋپپاسىنىڭ ءبيداي ءتۇسىمىن قاتاڭ ولشەۋىنىڭ ناتيجەسىندە، 3.208 مۋ سىناق ءبيداي اتىزىنىڭ مۋ باسىندىق ناقتى ءونىم مولشەرىنىڭ 724 كيلوگرامعا جەتكەندىگى انىقتالدى، بۇل رايونىمىزداعى دۇمبە ءبيدايدىڭ بىرلىك ءونىمىنىڭ تۇڭعىش رەت 700 كيلوگرامنان اسقاندىعىن بىلدىرەدى.

  شونجى اۋداندىق ەگىن شارۋاشىلىق تەحنيكاسىن جالپىلاستىرۋ ورتالىعىنىڭ اعا اگرونومى ما جاۋتيڭ بىلاي دەپ تانىستىردى: «ياۋجانزى قىستاعى جاسىل ءوندىرىس ۇلگىسىن جالپىلاستىرۋ ارقىلى ەگىس دارىلەرىنىڭ، حيميالىق تىڭايتقىشتىڭ پايدالانىلۋ مولشەرىن ارتتىرماعان جاعدايدا جوعارى ونىمگە قول جەتكىزدى». جاسىل ەگىن شارۋاشىلىق ءوندىرىس تەحنيكاسىن تىرەك ەتكەن تەحنيكتەر ءداستۇرلى اتىز باپتاۋعا ۇلكەن وزگەرىس ەنگىزىپ، وزىندىك قۇندى ۇنەمدەپ، قورشاعان ورتانى قورعاپ عانا قالماستان، ەگىس داقىلدارىنىڭ ءونىم مولشەرىنىڭ جوعارى، ورنىقتى بولۋىن دا جۇزەگە اسىردى. 

 شونجى اۋدانىنداعى دۇمبە ءبيدايدىڭ بىرلىك ءونىمىنىڭ تىڭ دەڭگەيى تۇتاس رايونىمىزداعى ەگىن شارۋاشىلىق ءوندىرىسىنىڭ جاسىل «قوزعالتقىشپەن» جابدىقتالۋىنىڭ شاعىن كورىنىسى.   بيىل الدىڭعى جارتى جىلدا تۇتاس رايونىمىز ەكولوگيانى قورعاۋدىڭ قىزىل سىزىعىن بەرىك ساقتاپ، اۋىل - قىستاقتاردى كوركەيتۋگە جاسىل دامۋ ۇستانىمدارى ارقىلى جەتەكشىلىك ەتتى. سولتۇستىك شينجياڭ وڭىرىندە ەگىن شارۋاشىلىعىندا سۋدان ۇتىمدى پايدالانۋ مولشەرى ورنىقتى جوعارىلادى، وڭتۇستىك شينجياڭدا ەگىن شارۋاشىلىعىندا جوعارى ونىمدىلىكتى سۋ ۇنەمدەۋدىڭ جالپىلاسۋ اۋماعى ۇزدىكسىز كەڭەيدى. سونىمەن بىرگە تۇتاس رايونىمىز حيميالىق تىڭايتقىشتىڭ مولشەرىن ازايتىپ، ونىمدىلىگىن جوعارىلاتۋ تەحنيكاسىن بار كۇشپەن جالپىلاستىرىپ، دەرت - دەربەزدەن جاسىل ساقتانۋ جانە ونى تىزگىندەۋ تەحنيكاسىن سول جەردىڭ جاعدايىنا قاراي تياناقتاندىردى، تۇتاس جىلدا حيميالىق تىڭايتقىشتىڭ جالپى پايدالانىلۋ مولشەرى، بىرلىك اۋدانداعى تىڭايتقىش بەرىلۋ مولشەرى بۇرىنعىدان تومەندەپ، ەگىس دارىلەرىنىڭ پايدالانىلۋ مولشەرى جالپى جاقتان ازاياتىندىعى مەجەلەنىپ وتىر. 

 قازىر جاسىلدىق تۇتاس رايونىمىز ەگىن شارۋاشىلىعى ءوندىرىسىنىڭ نەگىزگى تۇسىنە اينالدى، جاڭا دامۋ ۇستانىمىن جەتەكشى ەتەتىن ەگىن شارۋاشىلىعى وندىرىسشىلەرى بارعان سايىن مولايىپ، جاسىل ءوندىرىس تەحنيكاسىنىڭ كومەگىندە ەگىن شارۋاشىلىعىنىڭ دامۋىندا جانە قورشاعان ورتانى قورعاۋدا تەڭ ۇتۋدى جۇزەگە اسىردى. 

 اۆتونوميالى رايوندىق ەگىن شارۋاشىلىعى مەڭگەرمەسى پارتيا باسشىلىق گرۋپپاسىنىڭ شۋجيى جۋ گاڭ بىلاي دەپ تانىستىردى: جۋىق جىلداردان بەرى رايونىمىزدىڭ ءار دارەجەلى ەگىن شارۋاشىلىعى تاراۋلارى جاڭا دامۋ ۇستانىمىن بەرىك ورناتىپ، بايلىقتى ىسىراپ ەتەتىن، ەسكى دامۋ يدەياسىنان باتىل كەشىپ، ەگىن شارۋاشىلىعىنداعى اۋماقتىق لاستانۋدى كۇش سالا وڭاپ، جاسىل ەگىن شارۋاشىلىعى ءوندىرىس ءتاسىلىن جەدەل قالىپتاستىرىپ، بايلىق ورتاسىنىڭ كوتەرىمدىلىك قۋاتىمەن سايكەسەتىن، ءوندىرىس، تۇرمىس، ەكولوگيا ءوزارا ۇيلەسەتىن ەگىن شارۋاشىلىعى دامۋ جۇيەسىن قالىپتاستىرۋدى ىلگەرىلەتتى. 

 سوڭعى جىلدارى، رايونىمىز سۋدان، تىڭايتقىشتان، ەگىس دارىلەرىنەن ءونىمدى پايدالاندى ءارى جاسىلدى قورعادى. 2017 - جىلى رايونىمىز حيميالىق تىڭايتقىشتىڭ مولشەرىن ازايتۋدان ۇلگى كورسەتۋگە 7 اۋداندى ورنالاستىرىپ، ۇلگى كورسەتىلەتىن جەر اۋدانىن 140 مىڭ مۋعا جەتكىزدى، ءبىر جىلدان بەرى نىسان رايونىنىڭ توپىراعىنىڭ ورگانيكالىق ساپاسىنىڭ ورتاشا ءمانى كيلوگرامىنا 12.7گرامنان كيلوگرامىنا 15.9گرامعا جوعارىلاپ، ۇيلەسىمسىز تىڭايتقىش بەرۋ مولشەرى جيىنى 520 مىڭ توننا تومەندەدى، بۇل وتىندىق كومىردەن ءبىر ميلليون 350 مىڭ توننا ۇنەمدەۋمەن بارابار. سونىمەن بىرگە، رايونىمىز جاسىل ساقتانۋ - تىزگىندەۋ تەحنيكاسىن قۇلشىنا جالپىلاستىرىپ، «ەگىس دارىلەرىن مولايتپاۋ» ارەكەتىن ورىستەتۋ ارقىلى ۋىتى كۇشتى ەگىس دارىلەرى مەن پايدالانۋ شەكتەلگەن ەگىس دارىلەرىن ساتۋدى جانە پايدالانۋدى قاتاڭ تىزگىندەدى، ءبيداي، ماقتا، جۇگەرى، قۇرىلعىلى ەگىن شارۋاشىلىعى جانە ەرەكشە باعبانشىلىق قاتارلىلاردا داقىلدىق دەرت - دەربەزدەردىڭ زيانىنان جاسىل ساقتانۋ جانە ونى تىزگىندەۋدەن ۇلگى كورسەتۋ رايوندارىن قۇرۋ سياقتى شارالار ارقىلى ءبىر توپ قولدانىلمالى جاسىل ساقتانۋ جانە تىزگىندەۋ تەحنيكا ۇلگىسىن جيناقتادى. 2017 - جىلى رايونىمىزداعى نەگىزگى ەگىس داقىلدارىن جاسىل ساقتانۋ جانە تىزگىندەۋمەن قامتۋ مولشەرى% 27كە، ارنايىلانعان ءبىر تۇتاس ساقتانىپ، ءبىر تۇتاس جونگە سالۋمەن قامتۋ مولشەرى %35كە جەتىپ، ەگىس دارىلەرىن پايدالانۋدا مولشەرىن ازايتىپ، زياندى تىزگىندەۋدى جۇزەگە اسىردى.


بەرىپ كەت ورامالىڭدى

دوستار

الىستاعى اق ەركە