جاڭا حابارلار

ەر جۇرەك باتىر ــ دىڭ ياندا

    كەلۋ قاينارى: شينجياڭ حالىق راديو ىستانسياسى    2018-08-05 09:55:42  

 اتالعان ايداردا «ەر جۇرەك باتىر ــ دىڭ ياندامەن» تانىساسىزدار.   دىڭ يان-دا ـــ 1895- جىلى دۇنيە ەسىگىن اشقان، گۋاڭدۇڭ ولكەسىنىڭ حۇيياڭىنىڭ ادامى، جاناما اتى زى شىڭ، 1911- جىلى وداق قوعامىنا مۇشە بولعان.    1919- جىلى دىڭ ياندا باۋديڭ قۇرلىق ارميا وفيتسەرلەر مەكتەبىنەن وقۋ تاۋىسقان. 1920- جىلدىڭ باس شەنىندە، گۋاڭدۇڭ ارمياسىنىڭ سانموۋجاڭى دىڭ كىڭنىڭ شۇعىل شاقىرۋىمەن، سۇن جۇڭشاننىڭ باسشىلىعىنداعى فۋجيانعا كومەك بەرۋ گۋاڭدۇڭ ارمياسىنا قوسىلىپ، سۇن جۇڭشانعا ىلەسىپ، دەموكراتيكالىق توڭكەرىسپەن اينالىسادى.   1920- جىلدان كەيىن، دىڭ ياندا گۋاڭدۇڭ ارمياسى 1- شىسىنىڭ سانموۋى، قوسىمشا دەربەس يىڭنىڭ باستىعى، 3- تۋاننىڭ باستىعى بولادى.   1924- جىلى دىڭ ياندانى سۇن جۇڭشان حۋاڭپۋ اسكەري مەكتەبى دايىندىق كوميسسياسىنىڭ 7 مۇشەسىنىڭ ءبىرى ەتىپ تاعايىندايدى. 1925- جىلدىڭ سوڭىندا، دىڭ ياندا ەلگە قايتىپ، گومينداڭنىڭ 2- رەتكى مەملەكەتتىك قۇرىلتايىنا قاتىناسىپ، گومينداڭ ورتالىق كوميتەتىنىڭ كانديدات اتقارۋشى مۇشەسى بولىپ سايلانادى، ءارى حۋاڭپۋ اسكەري مەكتەبىنىڭ وقىتۋ باستىعى بولادى.    1927- جىلى 3- ايدا، دىڭ ياندا گومينداڭ 2- كەزەكتى ورتالىق كوميتەتىنىڭ ٴءۇشىنشى جالپى ماجىلىسىنە قاتىناسىپ، گومينداڭ ورتالىق كوميتەتىنىڭ اتقارۋشى مۇشەسى، ورتالىق ساياسي كوميتەتىنىڭ مۇشەسى، ورتالىق اسكەري ىستەر كوميتەتى ءتوراعالار القاسىنىڭ مۇشەسى جانە ديقاندار ءبولىمىنىڭ باستىعى، ءارى ورتالىق اسكەري ىستەر كوميتەتى باس ساياسي ءبولىمىنىڭ مەڭگەرۋشىسى بولادى.    1930- جىلى 5- ايدا، دىڭ ياندا شاڭحايعا جاسىرىن قايتىپ كەلىپ، سول جىلى 8- ايدىڭ 9- كۇنى شاڭحايدا مەملەكەتتىك 1- رەتكى كادرلار ءماجىلىسىن باسقارىپ اشىپ، جۇڭگو جۇمىسشى-ديقان دەموكراتيالىق پارتياسىنىڭ توركىنى ـــ جۇڭگو گومينداڭ ۋاقىتتىق ارەكەت كوميتەتىن رەسمي قۇرادى.  1931- جىلى 8- ايدا دىڭ ياندا قارۋلى كوتەرىلىس جاساۋعا دايىندالىپ جاتقاندا، ساتقىنداردىڭ قۇپيالىقتى اشكەرەلەۋى سەبەبىنەن، شاڭحايدا تۇتقىندالادى، سول جىلى 11- ايدىڭ 29- كۇنى گومينداڭ ۇكىمەتى نانجيڭدە ونى قاستاندىقپەن ولتىرەدى.
 


بەرىپ كەت ورامالىڭدى

دوستار

الىستاعى اق ەركە