جاڭا حابارلار

 رايونىمىز جەمىس اعاشى ونىمدەرىن جىنتىكتەي قۇنىتتاپ مانەرلەۋ كاسىبى جۇيەسىن جەتىلدىرۋ ارقىلى، جەمىس- جيدەك ساپاسىن ۇزدىكسىز جوعارىلاتتى

    كەلۋ قاينارى: شينجياڭ حالىق راديو ىستانسياسى    2018-08-05 23:54:05  

 ستانسيامىزدىڭ تىلشىلەرى سۇن ۋي، ياڭ جيانچياۋ، لي گاڭنىڭ حابارى :
بىرنەشە جىلدان بەرى، رايونىمىز جەمىس اعاشى ونىمدەرىن جىنتىكتەي قۇنىتتاپ مانەرلەۋ كاسىبى جۇيەسىن جەتىلدىرۋ ارقىلى، جەمىس- جيدەك ساپاسىن ۇزدىكسىز جوعارىلاتىپ، تانىمالى جەمىس- اعاشى ايگىلى ماركاسىن قالىپتاستىرىپ، ەلىمىزدىڭ جەر- جەرىندەگى تۇتىنۋشىلاردىڭ شينجياڭ « جەمىسىنىڭ ءدامىن تاتىپ كورۋىنە» مۇمكىندىك جاسادى.  ستانسيامىزدىڭ تىلشىلەرى سۇن ۋي، ياڭ جيانچياۋ، لي گاڭنىڭ حابارى :   سوڭعى ءبىر مەزگىلدەن بەرى، گۇما اۋدانىنىڭ باشلاڭگار اۋىلى سازام قىستاعىنداعى 74 جاسقا كەلگەن سىمايىل ءماتتۇردى ەرەكشە قۋانىشقا بولەندى، ونىڭ  15 مۋ جەرگە ەككەن « جۇلدىز ورىگىنەن» مول ءونىم الىنىپ، قازىر ورىكتىڭ تەك جارىمى عانا ساتىلعاننىڭ وزىندە 15 مىڭ يۋاننان ارتىق پايدا ءتۇستى، ال وتكەن جىلى ورىكتىڭ ساپاسى ناشار بولعاندىقتان، 15 مۋ جەردەگى ورىك نەبارى 3 مىڭ يۋانعا ساتىلعان ەدى. سىمايىل ءماتتۇردى :«بيىل ەككەن ورىگىمىزدىڭ ساپاسى ەرەسەن جاقسى، سونىمەن ورىكتىڭ باعاسى دا ورلەدى. ۇزاق جىل ورىك ەككەنىممەن، ورىكتىڭ مۇنداي جوعارى باعادا ساتىلارىن شىنىندا دا ويلاماپپىن،  بۇل جىل باسىندا ۇكىمەتتىڭ ءبىزدى عىلىم- تەحنيكا جاعىندا جەتەكتەۋىنىڭ ارقاسىندا بولىپ وتىر. مەن كەلەر جىلى جالعاستى ۇستەمەلەي قارجى قوسپاقشىمىن، عىلمي باپتاۋ تەحنيكاسىن دا تىرىسا ۇيرەنبەكشىمىن»،- دەدى.      بيىل، گۇما اۋدانى وڭتۇستىك شينجياڭنىڭ ەرەكشە جەمىس اعاشى كاسىبىنىڭ ساپاسىن جوعارىلاتىپ ونىمدىلىگىن ارتتىرۋ،  كەدەيلىكتەن قۇتىلدىرۋدان قامال الۋدى دەمەۋ ارەكەتىنە سۇيەنىپ، اۆتونوميالى رايوننىڭ جەمىس اعاشى ماماندارىنىڭ كومەگىندە،  جەمىس اعاشىن باپتاۋدى مىقتى يگەرىپ ، « زياندى جاندىكتەردى» جويۋدى ورتاعا قويىپ، ءار قايسى اۋىل- قالاشىقتاردا ەكولوگيالىق ورماندى قورعاۋشىنى نەگىز ەتكەن جەمىس اعاشى شارۋاشىلىعىنداعى عىلىم- تەحنيكالىق قىزمەت وتەۋ اترەتىن قۇرىپ، جەمىس ەگەتىن ديحانداردىڭ جەمىس اعاشى سورتىن جاقسارتۋ، بۇتاۋ، تىڭايتقىش بەرۋ جانە دەرت- دەربەز بەن زياندى جاندىكتەردەن ساقتانۋ ، جويۋىنا كومەكتەسىپ، كەۋلەمە قۇرتتان ساقتانۋ، جويۋدان قامال الۋ شايقاسىندا  جەڭىسكە جەتۋگە كۇش سالدى. گۇما اۋدانىنىڭ ورىنباسار اكىمى لي چياڭ: « بۇرىن ءبىر كيلوگرام ورىكتىڭ باعاسى ەڭ جوعارى بولعاندا 2 يۋان ەدى، بيىل جاس ورىكتىڭ ەڭ جوعارى باعاسى 8 يۋانعا جەتتى. ساپانى جوعارىلاتىپ ونىمدىلىكتى ارتتىرۋ ارقىلى ديحاندارعا  جەمىس اعاشى كاسىبىنىڭ كومەسكى كۇشىن ۇعىندىردىق، وتە- موتە كەدەيلىكتەن قۇتىلدىرۋدان قامال الۋ شايقاسىندا، جەمىس اعاشى  اسا ماڭىزدى رول اتقارادى، كەلەر جىلى ساپانى جوعارىلاتىپ ونىمدىلىكتى ارتتىرۋ قىزمەتىن ءۇرتىس ويداعىداي مىقتى يگەرىپ، تۇتاس اۋدانداعى 400 مىڭ مۋ  جەردەگى جەمىس اعاشىنىڭ ساپاسىن، ءتۇسىمىن جالعاستى جوعارىلاتىپ، ديحانداردىڭ كىرىستى ارتتىرۋىنا كەپىلدىك ەتىپ، 2020- جىلعا بارعاندا 10 مىڭ مۋلىق جەمىس اعاشىنان تۇسەتىن كىرىستى تۇتاس اۋدانداعى ەگىنشى- مالشىلاردىڭ كىسى باسىندىق كىرىسىنىڭ %50 ىنەن اسىرۋعا تىرىسامىز»،- دەدى.  قازىر، رايونىمىزداعى ەگىلگەن جەمىس اعاشىنىڭ جالپى اۋماعى 22 ميلليون مۋدان، جالپى ءونىم مولشەرى 10 ميلليون توننادان استى. مۇندا، وڭتۇستىك شينجياڭ رايونىنداعى جەمىس اعاشىنىڭ اۋماعى 16 ميلليون مۋعا جەتىپ، جەمىس اعاشى كاسىبىنىڭ كىرىسى ديحانداردىڭ كىسى باسىنا تۋرا كەلەتىن ناقتى كىرىسىنىڭ %30 تەن ارتىعىن ۇستادى، ءىشىنارا نەگىزىنەن جەمىس اعاشىن ەگەتىن اۋدان، قالادا %50 تەن اسىپ، ەرەكشە جەمىس اعاشى كاسىبى وڭتۇستىك شينجياڭداعى جالپىلاسۋ كولەمى كەڭ، ادامعا تيىمدىلىك جەتكىزەتىن جان سانى كوپ، دامۋ كومەسكى كۇشى زور حالىقتى اۋقاتتاندىرۋ كاسىبىنە اينالدى. شينجياڭنىڭ ەرەكشە جەمىس اعاشىنىڭ ساپاسىن جوعارلاتۋ ءۇشىن، بيىل 3- ايدان باستاپ، اۆتونوميالى رايوندىق ورمان شارۋاشىلىعى مەڭگەرمەسى، شينجياڭ اۋىل شارۋاشىلىق عىلىم اكادەمياسى، شينجياڭ ورمان شارۋاشىلىعى عىلىم اكادەمياسى، شينجياڭ اۋىل شارۋاشىلىق داشۋەسى سياقتى مەكەمە ورىندارداعى 121 ماماننان ۇيىمداسقان وڭتۇستىك شينجياڭنىڭ جەمىس اعاشى كاسىبىنىڭ ساپاسىن جوعارلاتىپ، ونىمدىلىگىن ارتتىرۋ جانە تەحنيكالىق جاقتان جەتەكشىلىك ەتىپ قىزمەت ەتۋ ۇيىرمەسىنەن بەسەۋى ىركەس-تىركەس وڭتۇستىك شينجياڭداعى نەگىزىنەن جەمىس اعاشىن ەگەتىن 34 اۋدان، قالاعا باردى، ماماندار ەگىس اتىزىن، جەمىس اعاش باقشاسىن ىشكەرىلەي ارالاپ، جەرگىلىكتى ورىنداعى جەمىس اعاشى تەحنيكتەرى مەن جەمىس اعاشىن ەگەتىن ديحاندارعا جەمىس اعاشىن باپتاۋ تەحنيكاسىن بەتپە-بەت، قولما-قول، كوپ مازمۇندا، كوپ رەت، ۇزبەي ۇيرەتتى. قازىرگە دەيىن، تاربيەلەۋ قيمىلى ءبىر مىڭ 544 رەت ورىستەتىلىپ، جەمىس اعاشىن ەگەتىن ديحاندار 260 مىڭ ادام رەت تاربيەلەندى. شينجياڭ اۋىل شارۋاشىلىق عىلىم اكادەمياسىنىڭ اعا زەرتتەۋشىسى ابىلەز باسەت بىلاي دەدى: كەلەر جىلعى قىزمەتتى قازىردەن باستاپ مىقتى يگەرىپ، كۇزدە تىڭايتقىش بەرۋ، قىستا سۋارۋعا جوبا جاساپ بولدىق، جەمىس اعاشىن ەگۋدىڭ ءارقايسى بۋىنى ويداعىداي يگەرىلدى، جەمىس اعاشى كاسىبىنىڭ ساپاسىن جوعارلاتىپ، ونىمدىلىگىن ارتتىرۋ قىزمەتىن ۇزبەي ويداعىداي ىستەپ، بۇرىنعىدان دا كوپ ديحاندى كىرىسىن ارتتىرۋعا باستايمىز.     جەمىس اعاشى كاسىبىنىڭ ساپاسىن جوعارلاتىپ ونىمدىلىگىن ارتتىرۋ ــ جەمىس اعاشى ونىمدەرىنىڭ ساتىلۋىن تىكەلەي جەبەدى. حاڭجوۋ قالاسى فۋياڭ رايونىنداعى شينجياڭنىڭ ەرەكشە ونىمدەرى مەن كەپتىرىلگەن جەمىس-جيدەگىن ساتاتىن ءبىر دۇكەن الدىمەن جەپ ءدامىن تاتىپ كورۋ قيمىلىن وتكىزىپ، جەرگىلىكتى ورىنداعى قاريدارلاردى باۋرادى. حاڭجوۋ قالاسىنىڭ تۇرعىنى مەي شيفاڭ: «ۇنەمى كەلىپ ساتىپ الامىز، وسىنداعى جەمىس-جيدەكتىڭ ءدامى شينجياڭداعى جەمىس-جيدەكتەرمەن بىردەي. قازىر وتە قولايلى بولدى، ءۇيىمىزدىڭ قاسىنان شينجياڭنىڭ ونىمدەرىن ساتىپ الا الاتىن بولدىق، ەرەكشە قۋانىشتامىز»،-دەدى.   اقسۋدىڭ الماسى، شىلانى، جاڭعاعى، كۇشاردىڭ اق ورىگى سياقتى ايگىلى ەرەكشە جەمىس اعاش ونىمدەرى اقسۋدىڭ ەرەكشە جەمىس اعاشى ونىمدەرىنىڭ التىن ماركاسىنا اينالدى. 2017- جىلدان باستاپ، اقسۋ ايماعى جىجياڭ ولكەسىمەن بىرلەسىپ، «شينجياڭنىڭ جەمىس-جيدەگىن شىعىسقا جەتكىزۋ»، «ون قالادان ءجۇز دۇكەن اشۋ» ينجەنەرياسىن اتقارىپ، اقسۋ ايماعىنىڭ جاس الماسى، جاڭعاعى، شىلانى سياقتى جەمىس-جيدەگىن توڭازىتىپ ساقتاۋ تيەۋىش قوراپتى كەزەكشى پويەزىمەن جىجياڭ سياقتى جەرلەرگە اپارىپ ساتتى. اقسۋ حۇڭ-چي-پو جەمىس اعاشىن اشۋ شەكتى جارنا سەرىكتەستىگىنىڭ باس مەڭگەرۋشىسى ۋاڭ مىڭ بىلاي دەدى: تاس جول مەن تەمىر جولدى ۇشتاستىرىپ تاسىمالداۋدى نەگىز ەتتىك، بيىل كولەمىن ءبىر ميلليارد يۋاننان اسىرىپ، 11- ايدا ىشكى ولكەدەگى بىرىككەن دۇكەننىڭ سانىن 800 مولشەرىنە جەتكىزىپ، وسى فورما ارقىلى، اقسۋ ايماعىنىڭ اناعۇرلىم كوپ اۋىل شارۋاشىلىق ونىمدەرىنىڭ ساتىلۋىن ىلگەرىلەتەمىز.


بەرىپ كەت ورامالىڭدى

دوستار

الىستاعى اق ەركە