جاڭا حابارلار

جۇرت جۇرەگىن مەيىرگە بولەدى

    كەلۋ قاينارى: شينجياڭ گازەتى    2018-08-06 20:51:01  

− شينجياڭ ەنەرگيا توبىنىڭ ۇلىقشات اۋدانى قىزىلوي اۋىلى عانجۇعان قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت  اترەتىنىڭ باستىعى، ءبىرىنشى شۋجي ديڭ ۋانچۋان جونىندە ءتىلشىمىز شى شين

 «ديڭ شۋجيدىڭ وي ءورىسى كەڭ، امالى كوپ، <جىگەر ۇستەۋ ساباقحاناسىن> قۇرۋمەن بىرگە، ەڭبەككۇش قىزمەت كورسەتۋ اترەتىن قۇردى، <بايشيڭ ەكولوگيالىق باقشاسى> اۋىل - قىستاق ساياحاتى، تۇڭشين تۇيە باعىمشىلىعى سەلبەستىك كووپەراتيۆى، تاپسىرىپ شوعىرلى باقتىرۋ ورتالىعى سياقتى كاسىپ نىساندارىنىڭ دامۋىن ىلگەرىلەتىپ، قىستاقتىڭ كوللەكتيۆ ەكونوميكاسى مەن قىستاق تۇرعىندارىنىڭ كىرىسىن زور مولشەردە ارتتىردى. وسىنداي شۋجيمەن بىرگە جۇمىس ىستەسەڭ تەرىس بولمايسىڭ!»، - دەدى 7 - ايدىڭ 22 - كۇنى ۇلىقشات اۋدانى قىزىلوي اۋىلى عانجۇعان قىستاق كوميتەتىنىڭ مەڭگەرۋشىسى تۇردالى قاسەن قۋانىشپەن تىلشىگە. 
 تۇردالى ايتىپ وتىرعان ديڭ شۋجي − شينجياڭ ەنەرگيا توبىنىڭ عانجۇعان قىستاعىندا تۇرعان «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باستىعى، ءبىرىنشى شۋجي ديڭ ۋانچۋان. بيىل ديڭ ۋانچۋاننىڭ قىستاقتا تۇرعانىنا 3 - جىل. كوكتەمگى ەگىس، جازعى باپتاۋ، كۇزگى جيناۋ، قىسقى ساقتاۋدىڭ اينالىسىندا ونىڭ ءىس - ارەكەتى عانجۇعان قىستاعى تۇرعىندارىنىڭ جۇرەگىن مەيىرگە بولەپ قانا قالماستان، قىستاق تۇرعىندارىنىڭ «پارتياعا العىس ايتۋ، پارتيانىڭ سوزىنە قۇلاق اسۋ، پارتياعا ىلەسۋ» ىرىقتىلىعى مەن سەنىمىن ارتتىرا ءتۇستى.  نەگىزگى ساتى ۇيىمىنىڭ جاۋىنگەرلىك قۋاتىن جوعارىلاتتى 
 ءۇي سالامىن دەسەڭ الدىمەن تاعانىن بەكەمدە. «قىستاق پارتيا ياچەيكاسى قىستاق دارەجەلى ۇيىمداردىڭ باسشىلىق ۇيتقىسى، ءبىز، ءسوزسىز، نازاردى باس نىساناعا شوعىرلاندىرىپ، باس نىسانانى تياناقتاندىرىپ، قىستاق پارتيا ياچەيكاسىن بەرىك جاۋىنگەر قورعان ەتىپ قۇرىپ شىعۋىمىز كەرەك». بۇل − ديڭ ۋانچۋاننىڭ قىستاقتا تۇرعاننان بەرى ۇنەمى ايتاتىن ءسوزى. 
 ايتقان ءىستى، ءسوزسىز، ىستەۋ كەرەك. ول ءبىر جاعىنان، قىستاق «ەكى كوميتەتىنىڭ» القاسىمەن كوپ رەت اقىلداسىپ، قىزمەت اترەتى مەن قىستاق «ەكى كوميتەتىنىڭ» جۇپ قۇراپ، دوس بولىپ كومەكتەسۋ شاراسىن جاساپ، وتباسىلارىن ارالاپ جاعداي ۇعىسۋ، مادەنيەت، دەنە تاربيە قيمىلدارىن ورىستەتۋ، ءتۇرلى جيىندار اشۋ سياقتى ورايلاردان پايدالانىپ، ءوزارا ۇيرەنىپ، ءوزارا كومەكتەسۋگە جۇمىلدىردى؛ ەندى ءبىر جاعىنان، قىستاق «ەكى كوميتەتىنىڭ» اۋىلعا قايتقان وقۋشىلاردان، بايۋ شەبەرلەرىنەن، ۇلتتار ىنتىماعىنىڭ ۇلگىلەرىنەن جاس كادرلاردى جەتىلدىرۋىنە، پارتياعا مۇشە قابىلداۋىنا كومەكتەسىپ جەتەكشىلىك ەتتى. بيىل جىل باسىنان بەرى 20 بايۋ شەبەرى قىستاق پارتيا ياچەيكاسىنا پارتياعا مۇشە بولۋ ءوتىنىشىن تاپسىردى، قىستاق ۇيىمىنا 14 جاس كادردى جەتىلدىرۋ تۇراقتاندىرىلدى. مۇندا «بىرگە ءبىر بويىنشا جەتەكتەۋدىڭ، كومەكتەسۋدىڭ، باۋلۋدىڭ» ارقاسىندا بايۋ شەبەرى قاسىم كالىم قىستاق پارتيا ياچەيكاسىنىڭ ورىنباسار شۋجيى بولدى. 
 بۇقارالىق قىزمەتتىڭ تىلەكتەستىك دانەكەرىن ورناتتى  بۇقارالىق قىزمەتتى ىجداعاتپەن ىستەۋ ديڭ ۋانچۋاننىڭ قىزمەتىندەگى ەڭ ماڭىزدى ءىس. ول قىزمەت اترەتىن باستاپ وتباسىلارىن ارالاپ جاعداي ۇعىسۋ، مەملەكەت تۋىن شىعارۋ، مادەنيەت، دەنە تاربيە قيمىلدارىن ورىستەتۋ سياقتى دانەكەرلەردەن پايدالانىپ شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحى جونىندە بەلسەندىلىكپەن ۇگىت - لەكسيا جاساپ، پارتيانىڭ حالىققا ءتيىمدى ساياساتتارىن، اۆتونوميالى رايوندىق پارتكومنىڭ شەشىمدەرىن، ورنالاستىرۋلارىن ۇگىتتەپ، پارتيانىڭ ءۇنىن سان مىڭداعان وتباسىلارىنا جەتكىزىپ، بۇقارانىڭ «بەستى شىنايى مويىنداۋىن» ۇزدىكسىز كۇشەيتتى. ول قىستاق كوميتەتىنىڭ اۋلاسىنا «داڭق تاقتاسىن» ورناتىپ، ءار ايدا بايۋ شەبەرلەرى، وركەنيەتتى وتباسىلارى سياقتىلاردى ماداقتاپ سيلاپ، بۇقارانى وركەنيەتتى دارىپتەۋگە، جاڭا سالت ورناتۋعا جەتەكتەدى.  قىستاق تۇرعىندارىنىڭ جۇمىس ءبىتىرۋى قيىن بولۋ ماسەلەسىن شەشۋ ءۇشىن، ديڭ ۋانچۋان «ءبىرىنشى شۋجيدىڭ قابىلداۋ كۇنى» قيمىلىن جاسامپازدىقپەن ورىستەتىپ، ءار اپتانىڭ دۇيسەنبى كۇنى مەملەكەت تۋىن شىعارۋ سالتىنان كەيىن جاعداي ايتا كەلگەن بۇقارانى شوعىرلى قابىلدادى. 
 بىرنەشە قىستاق تۇرعىنىنىڭ «ءبىرىنشى شۋجيدىڭ قابىلداۋ كۇنىندە» اڭىس ەتكەن اۋرۋ كورسەتۋ اۋىرتپالىعى جوعارى بولۋ ماسەلەسىن ديڭ ۋانچۋان وزدەرىن جىبەرۋشى ورىننىڭ نەگىزگى باسشىلارىنا دەرەۋ مالىمدەپ، 400 مىڭ يۋاندىق قارجىلاي قولداۋعا قول جەتكىزىپ، قىستاق تۇرعىندارىنىڭ سالماقتى اۋرۋلارىن ەمدەتۋىنە كومەكتەسۋ جاعىنداعى اينالىم قورىن قۇردى ءارى پايدالانۋ بەلگىلەمەسى مەن ۇيلەسىمدى پايدالانۋ كولەمىن بەلگىلەپ، قيىنشىلىعى بار بۇقارانىڭ اۋرۋ ەمدەتۋ اۋىرتپالىعىن ءونىمدى جەڭىلدەتتى. قازىر سالماقتى اۋرۋلاردى ەمدەتۋگە كومەكتەسۋ جاعىنداعى اينالىم قورىن قۇرۋ ءادىس - امالى عانجۇعان قىستاعىنان قىزىلوي اۋىلىنا تۇگەل جالپىلاستىرىلدى.
  «ءبىرىنشى شۋجيدىڭ قابىلداۋ كۇنى» سىندى دانەكەر ارقىلى ديڭ ۋانچۋان قىزمەت اترەتىنىڭ مۇشەلەرى مەن قىستاق كادرلارىن باستاپ قىستاق تۇرعىندارىنىڭ حات - حابار، اۋىز سۋ، توكتەن پايدالانۋ، مالدى كارەنتيندەۋ سياقتى جاقتارداعى 30دان استام قيىن ماسەلەسىن شەشىپ، قيىنشىلىعى بار 145 وقۋشىعا قارجىلاي كومەكتەستى.  كەدەيلىكتەن قۇتىلدىرۋدان قامال الىپ بايۋعا بەت الۋ جولىن بىرگە باستى 
 عانجۇعان قىستاعى تاۋلى وڭىردە، جان باسىنا تۋرا كەلەتىن ەگىستىك جەر 1.62 مۋ، ادام كوپ، جەر از بولعاندىقتان كىرىس تە ماندىماي كەلگەن ەدى. «ءبىر ادامدى تاربيەلەۋ ارقىلى ءبىر ادامدى جۇمىسقا ورنالاستىرۋ، ءبىر وتباسىن كەدەيلىكتەن قۇتىلدىرۋ ارقىلى ءبىر اۋماقتى جەتەكتەۋ» نىساناسى بويىنشا ديڭ ۋانچۋان كەدەي وتباسىلارىن نەگىز ەتىپ ەڭبەككۇش قىزمەت كورسەتۋ اترەتىن قۇرۋ، ەسىك الدىنان جۇمىسقا ورنالاستىرۋ ويىن ورتاعا قويدى. بيىل 3 - ايدا ديڭ ۋانچۋاننىڭ بەلسەندىلىكپەن سايكەستىرۋىندە كەدەي وتباسىلارىن نەگىز ەتكەن «جۇڭحۇي سەلبەستىك كووپەراتيۆى» ەڭبەككۇش قىزمەت كورسەتۋ اترەتى رەسمي قۇرىلىپ، 75 جۇمىسشى تىركەلدى، قىزمەت كورسەتۋ اترەتى 4 توعاننىڭ جانە 6 حالىققا قولايلى قىزمەت كورسەتۋ ورتالىعىنىڭ قۇرىلىس نىسانىن قولعا كەلتىرىپ، ءار ادامنىڭ كۇندىك ەڭبەكاقىسىن 150 يۋاننان اسىردى. 
 «<بايشيڭ ەكولوگيالىق باقشاسى> اۋىل - قىستاق ساياحات نىسانى − قىستاقتا تۇرعان قىزمەت اترەتى وزدەرىن جىبەرگەن ورىندى تىرەك ەتىپ عانجۇعان قىستاعىندا تۇلعالاعان دالمە - ءدال كەدەيلىكتەن قۇتىلدىرۋداعى 4 نىساننىڭ ءبىرى، جوسپار بويىنشا بيىل 8 - ايدا جۇمىس باستايدى، سول كەزدە وسى ارقىلى 164 ادام جۇمىسقا ورنالاسىپ، ءار ادامنىڭ جىلدىق كىرىسى از دەگەندە 20 مىڭ يۋان جوعارىلاپ، 144 وتباسى كەدەيلىكتەن ورنىقتى قۇتىلادى جانە كىرىسىن ارتتىرىپ بايۋعا بەت الادى»، - دەدى ديڭ ۋانچۋان تانىستىرىپ. 
 تۇتاس قىستاقتى كىرىستى ارتتىرىپ، كەدەيلىكتەن قۇتىلدىرۋعا باستاۋمەن بىرگە، ديڭ ۋانچۋان نازارىن ءتىپتى دە الىسقا تاستادى. وزدەرىن جىبەرگەن ورىننىڭ جوعارى دەڭگەيدە جەبەۋىندە، ول عانجۇعان قىستاعىنىڭ ورتا، ۇزاق مەزگىلدىك دامۋ جوسپارىن جاساۋعا بەلسەندىلىكپەن ات سالىسىپ، عانجۇعان قىستاعىن «ءداستۇرلى مال شارۋاشىلىق قىستاعىنان» «ەرەكشە ساياحات قىستاعىنا» وزگەرتۋ نىساناسىن تۇراقتاندىرىپ، «قىستاق پارتيا ياچەيكاسى + سەرىكتەستىك +شارۋالار سەلبەستىك كووپەراتيۆتەرى + شارۋا وتباسىلارى» بويىنشا كەدەيلەردى سۇيەمەلدەۋ ۇلگىسىن العا قويدى. ءبىر قىدىرۋ شارالار بۇقارانىڭ كەدەيلىكتەن قۇتىلدىرۋدان قامال الۋىنىڭ ىشكى قوزعاۋشى كۇشىن قاۋلاتىپ، «قان قۇيۋدى» «قان جاساۋعا» وزگەرتەدى. 
 «پارتيالى كادر رەتىندە، مەن جاپا - ماشاقاتپەن بۇقاراعا باقىت اپەرۋىمدى ءوزىمنىڭ ەڭ زور قۇنىم دەپ بىلەمىن»، - دەدى ديڭ ۋانچۋان.


بەرىپ كەت ورامالىڭدى

دوستار

الىستاعى اق ەركە