جاڭا حابارلار

 جاڭ ميڭميڭ تۋعان جەرىنە دەگەن تەرەڭ سۇيىسپەنشىلىگىمەن جانە ساياحات ىستەرىنە دەگەن ءوزىن قالتقىسىز ارنادى

    كەلۋ قاينارى: شينجياڭ حالىق راديو ىستانسياسى    2018-08-07 08:08:28  

 ستانسيامىزدىڭ ءتىلشىسى چاي ليننىڭ حابارى :
جاڭ ميڭميڭ تۋعان جەرىنە دەگەن تەرەڭ سۇيىسپەنشىلىگىمەن جانە ساياحات ىستەرىنە دەگەن ءوزىن قالتقىسىز ارنايتىن ىسكەرىلىگىمەن،  كورىنىس رايونىنداعى بەلەت ساتۋشىدان بىرتىندەپ تۇرپان قالاسى كارىز ۇلتتىق عۇرىپ-ادەت باقشاسى كورىنىس رايونىنىڭ جاۋاپتىسىنا اينالدى، ول بار ىنتا-پەيىلىمەن اۋىلىنىڭ ساياحات كاسىبىن دامىتۋعا كۇش قوستى.  : ( ەندى، بۇگىن كەشتەگى ۇيىرمەنى قابىلداۋ قىزمەتىن ورنالاستىرايىن، قىزمەت تەكشەسى جاتىن بولمە كارتىشكاسىن ويداعىداي ورنالاستىرىپ سەرۋەن باسىنا حابارلاسسىن، جاتىن بولمەلەردى انىقتاپ السىن ) 8- ايدا، تۇرپان قالاسى كارىز ۇلتتىق عۇرىپ-ادەت باقشاسى كورىنىس رايونى ەرەكشە قاربالاستىققا ءتۇستى، كورىنىس رايونىنىڭ جاۋاپتىسى جاڭ ميڭميڭ تاڭەرتەڭ ەرتە سول كۇنگى ساياحاتشى قابىلداۋ مىندەتىن ايتارلىقتاي ورنالاستىردى. بيىل، ونىڭ كۇش سالۋىندا، كورىنىس رايونىنىڭ جۇمساق، قاتتى بولشەكتەرى جاڭالانىپ، ساياحاتشىلارعا اناعۇرلىم ويداعىداي قىزمەت وتەدى. جاڭ ميڭميڭ بىلاي دەدى: اۆتوكولىك توقتاتۋ الاڭىنا، ەكسكورتسيالاۋ ءدالىزىنە، جولعا،  ءجۇزىم سورەسىنە 200 مىڭ يۋاننان ارتىق قارجى قوسىپ،  تۇلعالىق جارىقتاندىرۋ دارەجەسىن جوعارىلاتتىق؛ ءارى ساياحاتشىلاردى  مينەرال سۋمەن، كوك بۇرشاق سۋىمەن تەگىن قامداپ، ساياحاتشىلاردىڭ كوڭىلدەگىدەي ساياحاتتاۋىنا كۇش سالدىق.      جاڭ ميڭميڭ تۇرپان قالاسى ەدىقۇت رايونى يار قالاشىعى شاڭحۋ قىستاعىندا ديقان وتباسىندا دۇنيەگە كەلگەن، 2001- جىلى ورتا مەكتەپ بىتىرگەننەن كەيىن تۇرپان قالاسى كارىز ۇلتتىق عۇرىپ-ادەت باقشاسى كورىنىس رايونىنا بارىپ بەلەت ساتۋشى بولادى، قىزمەتتە كورنەكتى ناتيجە جاراتقان ول ەكىنشى جىلى اسحاناعا اۋىستىرىلىپ  اس-سۋ ءبولىمىنىڭ  جاۋاپتىسىنا وسىرىلەدى.  بىرنەشە جىلدان بەرى، ول قىزمەت وتەۋ دەڭگەيى مەن كاسىپتىك قابىلەتىن ۇزبەي جوعارىلاتىپ، كورىنىس رايونىنىڭ جاۋاپتىسى بولادى. جاڭ ميڭميڭ بىلاي دەدى: وزدىگىمنەن ۇيرەنۋدى توقتاتىپ كورگەن ەمەسپىن، كورىنىس رايونىن باسقارۋدى، تۇرپان تاريحىن، شينجياڭنىڭ دامۋ تاريحىن  ۇيرەنىپ، ارەدىك ۋاقىتتان پايدالانىپ كۋرىستەرگە قاتىناستىم، تەلەۆيزور داشۋەسىنەن وقىپ، ساياحات ىستەرىن باسقارۋدى ۇيرەنىپ ، كورىنىس رايونىن دامىتۋ جاعىندا  يدەيالىق تانىمعا يە بولدى.   2010- جىلدىڭ سوڭىندا، جاڭ ميڭميڭدى سەرىكتەستىك  ۇرىمجىدەگى ساياحات مەيمانسارايىنا بارىپ جوعارى دارەجەلى باسقارۋشى بولىپ ىستەۋگە جىبەرەدى، الايدا، اۋىلىنا دەگەن ساعىنىشى مەن كورىنىس رايونىنىڭ قىزمەتىنە دەگەن تەرەڭ سۇيىسپەنشىلىگى سەبەپتى ، ەكىنشى جىلى ول تاپتىرماس قىزمەت ورايى مەن ايتارلىقتاي كىرىسىنەن ءباز كەشىپ ۇلتتىق عۇرىپ-ادەت باقشاسىنا قايتا ورالادى.  كورىنىس رايونىنىڭ قىزمەت وتەۋ دەڭگەيىن جوعارىلاتىپ قالماستان، ول تاعى كارىزدى قورعاۋ قىزمەتىنە بار زەيىن-زەردەسىن سالادى. ول تىلشىگە: كورىنىس رايونىنان وتەتىن وسى كارىز باتىس داربازا كارىزى دەپ اتالادى، جالپى ۇزىندىعى 20 كيلومەتر، ءار جىلى 200 مىڭ يۋاننان ارتىق قارجى شىعارىلىپ، جابىق توعان بولەگىن بەكەمدەۋ،  تازالاۋ، كارىزدى قورعاۋعا جۇمسالادى،-دەدى.  شينجياڭنىڭ ساياحات كاسىبىنىڭ ۇزدىكسىز دامۋىنا بايلانىستى، جاڭ ميڭميڭ كاسىپتىك جاقتان زور دامۋ ورايىنا يە بولدى. بۇگىنگى كۇندە، كورىنىس رايونىن باسقاعا ويىستىرىپ، اۋىلىنىڭ كارىزىن ايتارلىقتاي قورعاپ، تۇرپاننىڭ ساياحات كاسىبىن دامىتۋعا تىڭ كۇش قوسۋ ونىڭ ىزگى تىلەگىنە اينالدى. ول بىلاي دەدى: مەكەنىمدى قىزۋ سۇيەمىن، كارىزعا دەگەن سۇيىسپەنشىلىگىم وزگەشە، كارىز ۇلتتىق عۇرىپ-ادەت باقشاسى كورىنىس رايونىن ەسىك بەلەتى كىرىسىنە عانا سۇيەنۋدەن ساياحات، جاتىن ورىن، اس-سۋ، زات ساتىپ الۋ جانە ساياحاتشىلار باستان وتكەرەتىن نىساندار جاعىنا ويىستىرىپ، ساياحاتشىلارعا اناعۇرلىم ويداعىداي ساياحات  ورتاسىن جاراتپاقشىمىن؛ شامامنىڭ كەلىسىنشە قوعامداعى ءار سالاسىنداعى كۇشتەردى ۇيىستىرىپ، كارىزعا ءمان بەرىپ، كارىز سۋ اعارىنىڭ ۇزىننان-ۇزاققا سوزىلۋىنا، سوڭعى ۇرپاقتارىمىزدىڭ مۇنان يگىلىكتەنۋىنە مۇمكىندىك جاسايمىن.
 
 


بەرىپ كەت ورامالىڭدى

دوستار

الىستاعى اق ەركە