جاڭا حابارلار

ارتىنا ›نۇرلى بولاشاققا ۇمتىلىپ، جاۋىزدىقتى الاستايمىن‹ دەگەن ءسوز قالدىرعان ــ لي سان

    كەلۋ قاينارى: شينجياڭ حالىق راديو ىستانسياسى    2018-08-08 13:00:58  

 اتالعان ايداردا: «ارتىنا ›نۇرلى بولاشاققا ۇمتىلىپ، جاۋىزدىقتى الاستايمىن‹ دەگەن ءسوز قالدىرعان ــ لي سانمەن» تانىساسىزدار.  

  لي ساننىڭ بۇرىنعى اتى لي ۋىنبين، 1901-جىلى دۇنيەگە كەلگەن، حىنان ولكەسى ي-جاڭ اۋدانىنىڭ ادامى. 1918-جىلى حۋنان ارمياسى 2-شىسى 6-تۋانى 1-يىڭى 2-ليانىنا قابىلدانىپ اسكەر بولادى، پىڭ دىحۋاي باستىق بولعان 2-باندى قۇرادى. اسكەري بولىمدە،  پىڭ دىحۋايعا ءارىپ ۇيرەتسە، پىڭ دىحۋاي وعان جاتتىعۋ جاساتادى، ەكەۋى دوس بولادى. كەيىن تاعى يىڭداعى حاتشى حۋاڭ گۇڭ-لۋەمەن تانىسادى. جولداستارمەن شىعىسپ، سۇيسپەنشىلىك ورناتقاندىقتان، ولارمەن دوس بولىپ كەتەدى. ولار اسكەري بولىمدەگى جەمقورلىققا سالىنۋ جاعدايىنا كۇشتى نارازىلىق ءبىلدىرىپ، 7 جاۋىنگەرمەن جاسىرىن بايلانىس جاساپ، 1920-جىلى توڭكەرىستىك توپتىڭ كەدەيلەردى قۇتقارۋ قوعامىن قۇرىپ، اتىن لي سان دەپ وزگەرتەدى. ول ۇيىندەگىلەرگە جازعان حاتىندا، ›نۇرلى بولاشاققا ۇمتىلىپ، جاۋىزدىقتى الاستايمىن، لي ۋىنبين دەگەن اتىىمدى لي سان دەپ وزگەرتتىم‹ -دەپ جازادى.  1922- جىلى. لي سان حۋنان قۇرلىق ارميا وفيتسەرلەر مەكتەبىنە وقۋعا تۇسەدى. 1926- جىلى ۇلتتىق توڭكەرىستىك ارميا 8- ارمياسى 2- شىسى 1- تۋانىنىڭ  ورىنباسار باستىعى، ليانجاڭى بولادى. سولتۇستىككە جورىق سوعىسى كەزىندە ۋ- چاڭ شايقاسى سياقتى سوعىستاردا ەڭبەك سىڭىرەدى.  1928 -جىلى 4-ايدا، لي سان جۇڭگو كوممۋنيستىك پارتياسىنا مۇشە بولادى. 7-ايدا پيڭجياڭ كوتەرىلىسىن ۇيىمداستىرۋدىڭ دايىندىق قىزمەتىنە قاتىناسادى. كوتەرىلىس تابىسقا جەتكەننەن كەيىن، لي سان جۇڭگو جۇمىسشى-ديقان ارمياسى 5-ارمياسى اسكەري ىستەر كوميتەتىنىڭ مۇشەسى، قوسىمشا 1-تۋاننىڭ پارتيا ۋاكىلى، 5-ۇلكەن اترەتتىڭ باستىعى بولادى. سول جىلدىڭ سوڭىندا، قىزىل ارميا  5-ارمياسىنىڭ نەگىزگى كۇشىنە ىلەسىپ جينگاڭشانعا شىعادى. 1929-جىلدىڭ باس شەنىندە، بۇيىرىق بويىنشا جينگاڭشاندى قورعاۋعا قالىپ، حۋاڭياڭجيەنى قورعاۋ شايقاسىنا قاتىناسادى. كەيىن حۋنان- جياڭشي شەكاراسىنداعى دەربەس 1-تۋانىنىڭ باستىعى، قىزىل ارميانىڭ 5-ارمياسى 5-اترەتىنىڭ سىليڭيۋانى بولادى.  1929-جىلى 9-ايدا، لي سان اسكەر باستاپ حۋبيدىڭ شىعىس وڭتۇستىگىنە شابۋىل جاساپ، تۇڭشان، ياڭشين، دايە سياقتى 3 اۋدان قالاشىعىن الادى، 12-ايدا پارتيا ورتالىق كوميتەتىمەن سايكەسىپ، دايە كوتەرىلىسىن قۇپيا ۇيىمداستىرادى، قىزىل ارميا 5-اترەتىن دامىتىپ 6 مىڭنان ارتىق ادامى بار 3 بولىمشە اترەت قۇرىپ، اسكەري ايباتىن اسىرا تۇسەدى.   1930-جىلى كوكتەمدە، لي سان اسكەر باستاپ سوعىس باعىتىن دايە، شياننيڭ سياقتى جەرلەرگە بۇرىپ، سوعىستا ۇزدىكسىز جەڭىسكە جەتىپ، حۋبەيدىڭ شىعىس وڭتۇستىگىن قارۋلى كۇشپەن ءبولىپ الۋ جاعدايىن العاشقى ادىمدا قالىپتاستىرادى. سول جىلى 6-ايدا، ول بۇيىرىق بويىنشا قىزىل ارميانىڭ 3-اسكەري قوسىنىن ۇيىمداستىرىپ قۇرۋ قىزمەتىنە قاتىناسىپ، قىزىل ارميا 8-ارمياسىنىڭ باستىعى بولادى.    سوعىستا كوپ رەت جارالانعاندىقتان، ۇزاق ۋاقىت ناۋقاستانىپ، لي ساننىڭ دەنساۋلىعى كۇرت السىرەيدى. 1930-جىلى 7-ايدا ۇيىم ونى شاڭحايعا بارىپ ەمدەلۋگە جىبەرەدى. 1932-جىلدىڭ باس شەنىندە، شاڭحايعا بارىپ، جۇڭگو كوممۋنيستىك پارتياسى ورتالىق كوميتەتىنەن قىزمەت ءبولۋدى وتىنۋگە بارعان  جولىندا، گومينداڭنىڭ شپيوندارى ۇستاپ، كوپ ۇزاماي  31 جاسىندا قاستاندىقپەن ولتىرىلەدى.


بەرىپ كەت ورامالىڭدى

دوستار

الىستاعى اق ەركە