جاڭا حابارلار

 اسقازان ءدارىسىن ىشكەننەن كەيىن

    كەلۋ قاينارى: شينجياڭ حالىق راديو ىستانسياسى    2018-08-08 21:11:38  

 ءۇش ۋاققى تاماقتا ادەتتە دەنەگە قاجەتتى بەلوكتى تولىقتايتىن ەت، جۇمىرتقا، ءسۇت سياقتىلار كەم بولسا بولمايدى. الايدا، اسقازان جاراسى سياقتى اسقازان اۋرۋىنا ءدارى ءىشىپ جۇرگەن بولساڭىز، بەلوك قۇرامى جوعارى ازىقتاردى لايىقتى تۇتىنىپ، ءدارىنىڭ رولىنىڭ تومەندەۋىنەن ساقتانعانىڭىز ءجون.
  اسقازان پەردەسىن قورعايتىن دارىلەردىڭ رولى تۇرلىشە بولادى. دەگەنمەن ۇلكەن جاقتان ءبىر تۇردەگىلەرى اسقازان پەردەسىنىڭ سىرتىنا ءبىر قابات سىر جاققانداي بولىپ، اسقازان پەردەسى مەن زياندى زاتتاردىڭ اراسىن ءبولىپ، اسقازان پەردەسىن قورعاسا؛ ءبىر تۇردەگىلەرى اسقازان پەردەسىنىڭ قان اينالىسىن جاقسارتىپ، كلەتكالاردى قالپىنا كەلتىرەدى.
  وسى دارىلەردى ىشكەننەن كەيىن دەرەۋ ءسۇت ىشسەڭىز نەمەسە جۇمىرتقا، ەت تۇتىنساڭىز،ءدارى قۇرامىنداعى ميكرو ەلەمەنتتەر يونى بەلوكپەن قوسىلىپ،ءسىمىرىلۋى مەن رولىنا ىقپال جاسايدى.
  مۇنان سىرت، ءدارى ىشە سالا ءسۇت ىشسەڭىز، ءدارىنىڭ بەتىندە ءبىر قابات پەردە قالىپتاسىپ، ءسۇت قۇرامىنداعى كالتسي سياقتىلارمەن رەاكسيا جاسايدى دا سۋدا ەرىمەيتىن زاتتار قالىپتاسىپ، ءدارىنىڭ ءسىمىرىلۋىن باياۋلاتادى.
  سوندىقتان اسقازان ءدارىسىن ىشە سالا ءسۇت، بۇرشاق بوتقاسى، جۇمىرتقا، ەت سياقتىلاردى تۇتىنۋعا بولمايدى. جوعارى بەلوكتى ازىقتاردى ءدارى ىشكەننەن كەيىن كەمىندە ءبىر ساعاتتان سوڭ تۇتىنعان ورىندى.
  مۇنان سىرت، اسقازان پەردەسىنىڭ سىرتىنان ءبىر قابات پەردە قالىپتاسۋىنا جانە باسقا دارىلەردىڭ سىمىرىلۋىنە ىقپال جاساۋىنان ساقتانۋ ءۇشىن، اسقازان پەردەسىن قورعايتىن دارىلەردى باسقا دارىلەردەن كەيىن ىشكەن ابزال. سونىمەن بىرگە، دەنساۋلىقتى كوزدەپ، مەتال قۇرامدى دارىلەردى ءبىر مەزەت ىشكەننەن كەيىن  شيپاگەردىڭ  كەڭەسى بويىنشا ۋاقىتشا توقتاتىپ، مەتالدان ۋلانۋدىڭ الدىن الۋ قاجەت.
 


بەرىپ كەت ورامالىڭدى

دوستار

الىستاعى اق ەركە