جاڭا حابارلار

 جاز ماۋسىمىنداعى تۇسكى ۇيقىدا كوڭىل بولەتىن ىستەر

    كەلۋ قاينارى: شينجياڭ حالىق راديو ىستانسياسى    2018-08-08 21:15:33  

  جازدا تەمپەراتۋرا جوعارى بولاتىندىقتان، تۇسكى دەمالىسقا كوڭىل بولمەسە، تۇستەن كەيىن ادامنىڭ ۇيقىسى كەلىپ ماجاۋرايدى. تۇسكى دەمالىس ۋاقىتىنىڭ ۇزىن-قىسقالىعى، ۇيىقتاعانداعى جاتىس سياقتىلارعا كوڭىل بولمەسە ۇيىقتاپ تۇرعاننان كەيىنگى جايسىزدىقتى تۋدىرادى.
  جاز ماۋسىمىندا تال تۇستە تەمپەراتۋرا نەداۋىر جوعارى بولاتىندىقتان، ادام دەنەسىنەن تەر شىعۋ بارىسىندا  ادام تەرىسىنىڭ جىڭىشكە قان تامىرلارى كەڭەيىپ، دەنەدەگى قاننىڭ تارالۋى قالىپسىز بولىپ، زور مولشەردەگى قان توسىلىپ، ۇلكەن ميعا سالىستىرمالى تۇردە قان جەتىسپەي قالادى، ونىڭ ۇستىنە تۇستەن بۇرىنعى قىزمەت پەن ۇيرەنۋدىڭ قاربالاستىعى قوسىلادى دا ادام قالجىراپ، رۋحسىزدانعانداي سەزىنەدى. ەگەر تۇسكى تاماقتان كەيىن ۇيقىنى دۇرىس ورنالاستىرعاندا ادام دەنەسىنىڭ تەز ارادا رەتكە تۇسۋىنە، دەنساۋلىققا، سونداي-اق قىزمەت پەن ۇيرەنۋگە ەرەكشە پايدالى.   ەندەشە، جاز ماۋسىمىنداعى تۇسكى دەمالىستا مىنا ىستەرگە كوڭىل بولگەن ابزال.
  تۇستە وتە ۇزاق ۋاقىت ۇيىقتاماۋ
  تۇستە جارىم ساعات نەمەسە ءبىر ساعات ۇيىقتاعان ءجون. ەگەر تۇستە وتە ۇزاق ۋاقىت ۇيىقتاسا، ويانعاننان كەيىن ادام جايسىزدانادى. مۇندايدا ورىننان تۇرىپ لايىقتى ارەكەت جاساۋ نەمەسە بەتتى سۋىق سۋمەن جۋىپ، ءبىر ىستاكان سۋىق قايناعان سۋ ىشكەن جاقسى.
  تۇستە كەز كەلگەن جەرگە  قيسايا كەتپەۋ
  تۇسكى دەمالىس ۋاقىتىنىڭ شەكتىلىگىنەن كوپتەگەن ادام كەز كەلگەن  جەرگە قيسايا كەتەدى. اسىرەسە كاريدوردا، تالدىڭ كولەڭكەسىندە، كوگالدا، سەمونت جەرگە، سونداي-اق جەل وتەتىن جەرگە ۇيىقتاماۋ كەرەك. ويتكەنى ادام ۇيقىعا كەتكەندە ادام دەنەسىندەگى تەمپەراتۋرا تەڭشەۋ ورتالىعىنىڭ قىزمەتى السىرەيتىندىكتەن، جەڭىل بولعاندا ادام جايسىزدانعانداي سەزىنەدى، اۋىر بولعاندا سۋىق ءوتىپ تۇماۋراتادى.
   تۇستە وتىرىپ نەمەسە ەكپەتتەپ جاتىپ ۇيىقتاماۋ
 كەيبىر  شارت-جاعداي سەبەبىنەن كوپتەگەن ادام وتىرىپ نەمەسە ۇستەلگە ەكپەتتەپ جاتىپ ۇيىقتايدى. ۇنەمى وسىلاي ىستەۋ دەنساۋلىققا  زياندى. ۇستەلگە ەكپەتتەپ جاتىپ ۇيىقتاعاندا ادامنىڭ كەۋدە ءبولىمى باسىلىپ قالادى دا تىنىس الۋعا كەدەرگىلىك جاسايدى. ونىڭ ۇستىنە بىلەك ۇيىيتىندىقتان، ادام جايلى ۇيىقتاي المايدى.
  تۇستە سوزسىز ۇيىقتاۋ كەرەك دەگەن ويدا بولماۋ
  دەنساۋلىعى جاقسى، تۇنگى ۇيقىسى جايلى ادامدار تۇستە ۇيىقتاماسا دا دەنساۋلىعىنا ەشقانداي زيانى بولمايدى. الايدا وي ەڭبەگىمەن اينالىساتىندار، وقۋشىلار، دەنساۋلىعى ءالسىز ناۋقاستار نەمەسە قارتتار تۇستە، ءسوزسىز، ۇيىقتاۋى كەرەك.
  ۇستىنە ەشتەڭە جامىلماي ۇيىقتاۋ
  جازدا ءۇيدىڭ ءىشى تىنشۋ بولاتىندىقتان كوپتەگەن ەرلەر تۇستە ۇيىقتاعاندا ۇستىنە ەشتەمە جامىلماي جاتۋدى ۇناتادى. شىنتۋايتىنا كەلگەندە، بۇل ءتاسىل دەنساۋلىققا ەرەكشە زياندى. اسىرەسە كەۋدە مەن بەلدى اشىپ ۇيىقتاۋعا  بولمايدى، جازدا ۇيقى كيىمىن كيىپ ۇيىقتاسا دەنەدەن شىققان تەردى ءسىمىرىپ، سۋىق ءتيۋدىڭ الدىن الادى. ادام ۇيقىعا كەتكەندە نەرۆ جۇيەلەرىنىڭ سىرتقى ورتاعا بولعان اسەرى السىرەپ، اۋرۋعا قارسىلىق قۋاتتى ءتىپتى تومەندەتەدى.
 


بەرىپ كەت ورامالىڭدى

دوستار

الىستاعى اق ەركە