جاڭا حابارلار

اۆتونوميالى رايوندىق ءتارتىپ تەكسەرۋ كوميتەتىنىڭ باقىلاۋ-تەكسەرۋ كوميتەتى كەدەيلەردى سۇيەمەلدەۋ سالاسىنداعى شىرىكتەسۋگە جانە ءستيل ماسەلەسىنە قاتىستى 7 تيپتىك دەلونى اشىق جاريالادى.

    كەلۋ قاينارى: شينجياڭ حالىق راديو ىستانسياسى    2018-08-08 16:03:40  

ستانسيامىزدىڭ حابارى:  تاياۋدا، اۆتونوميالى رايوندىق ءتارتىپ تەكسەرۋ كوميتەتىنىڭ باقىلاۋ-تەكسەرۋ كوميتەتى كەدەيلەردى سۇيەمەلدەۋ سالاسىنداعى شىرىكتەسۋگە جانە ءستيل ماسەلەسىنە قاتىستى 7 تيپتىك دەلونى اشىق جاريالادى. قۇلجا قالاسى توعىراق اۋىلدىق پارتكومنىڭ بۇرىنعى شۋجيى پارحات چوڭاحۇننىڭ كەدەيلەردى سۇيەمەلدەۋ قىزمەتىندە مىندەتىن اتقارماۋ، جاۋاپكەرسىزدىك ىستەۋ سياقتى ماسەلەسى.  2013- جىلى 8-ايدا جانە 2014- جىلى 7-ايدا، توعىراق اۋىلدىق پارتكوم «قارجى قوسىپ پايدانى ءبولىسۋ» تاسىلىمەن، اۋىلدىق ۇكىمەت 166 وتباسىنا ساياتىن 2 ميلليون 460 مىڭ يۋان كەدەيلەردى سۇيەمەلدەۋ قارجىسىن ەكى توپقا ءبولىپ، فۋچىڭ سويىس قوي باعىمشىلىعى كوپەراتيۆىنە بەرىپ، ونى كەدەيلەردى سۇيەمەلدەۋ نىسانىنىڭ ءوندىرىس ـ تيجارات سيپاتتى قارجىسى رەتىندە قاراپ، مىندەتتەمەلى قارجى توقتامىن جاساسۋدى ۇيعارادى، الايدا، توقتامداعى تالاپ بويىنشا كۇشكە يە كەپىلگە قويۋ ءتاسىلىن اتقارمايدى ءارى قارجىنى مىندەتتەمەلى باسقارۋ ءتيجاراتىن ءونىمدى باقىلامايدى. توقتام مەرزىمىندە، فۋچىڭ سويىس قوي باعىمشىلىعى كوپەراتيۆى نىساننان بولىسەتىن پايدا سومانى تولەمەگەن ءارى قارجىنى قايتارا الماي كەدەي وتباسىلارىنا ءبىر ميلليون 800 مىڭ يۋان زيان سالعان.  پارحات چوڭاحۇن  نەگىزگى باسشى تۇرعىسىنان كەدەيلەردى سۇيەمەلدەۋ نىسان قارجىسى شىعىنى ماسەلەسىندە نەگىزگى باسشىلىق جاۋاپكەرلىكتى ارقالايدى. مۇنان سىرت، پارحات چوڭاحۇندا تاعى تارتىپكە، زاڭعا اۋىر دارەجەدە قايشىلىق جاساۋ ماسەلەسى بار. 2018- جىلى 5-ايدا،پارحات چوڭاحۇنعا پارتيادان شىعارۋ، ۇكىمەت قىزمەتىنەن قالدىرۋ جازاسى بەرىلدى جانە زاڭعا قايشى قىلمىستىق ىستەرگە ساياتىن ماسەلەلەرى ءادىليا ورگانىنىڭ زاڭ بويىنشا ءبىر جايلى ەتۋىنە تاپسىرىلدى. لوپ اۋدانى لوپ قالاشىعى ورتا بوشكان قىستاعى پارتيا ياچەيكاسىنىڭ بۇرىنعى شۋجيى ءماتتۇرسۇن ءمامىتيمىننىڭ كەدەيلەردى سۇيەمەلدەۋ قارجىسىن الىپ قالىپ باسقاعا پايدالانۋ، كەدەيلەردى سۇيەمەلدەۋگە بەرىلگەن زاتتىق ماتەريالداردى يەمدەنىپ الۋ ماسەلەسى. 2012- جىلى 8-ايدا، ءماتتۇرسۇن ءمامىتيمىن قىزمەت قولايلىعىنان پايدالانىپ، ءبىر  قىستاق تۇرعىننىڭ حالىقتى اۋقاتتاندىرۋ بەيقۇت ءۇي كومەك قارجىسىنان 28 مىڭ 500 يۋاندى، 30 قىستاق تۇرعىننىڭ حالىقتى اۋقاتتاندىرۋ بەيقۇت ءۇيىن جوندەۋگە جۇمسالاتىن قۇنى 15 مىڭ يۋان تۇراتىن 30 مىڭ كەرپىشىن قىستاق تۇرعىندار كوميتەتىن سالۋعا پايدالانعان. 2014- جىلى 1-ايدا، جوعارعى ورىننىڭ وسى قسىتاققا بوساتقان ستۋدەنتتەردى كاسىپتەندىرۋگە بەرىلەتىن كومەك قارجىسىنان 30 مىڭ يۋان قارجىنى ءوزى يەمدەنىپ العان. مۇنان سىرت، ءماتتۇرسۇن مامىتيمىندە تاعى باسقا دا تارتىپكە اۋىر دارەجەدە قايشىلىق جاساۋ ماسەلەسى بار. بيىل 6-ايدا، ءماتتۇرسۇن مامىتيمىنگە پارتيادان شىعارۋ جازاسى بەرىلدى.  اقتاۋ اۋدانى ۇجمە اۋىلدىق حالىق ىستەرى كەڭسەسىنىڭ مەڭگەرۋشىسى ءالي مامەتتىڭ ەڭ تومەنگى تۇرمىستى قامتاماسىزداندىرۋ قاراجاتىن تاراتۋ بارىسىندا تەكسەرۋ وتكەلەگىن قاتاڭ يگەرمەۋ ماسەلەسى. 2014- جىلدان 2016- جىلعا دەيىن، ءالي مامەت وسى اۋىلدىڭ ەڭ تومەنگى تۇرمىستى قامتاماسىزداندىرۋ قاراجاتىن تاراتۋ قىزمەتىندە مىندەتىن اتقارماي، جاۋاپكەرسىزدىك ىستەپ، تەكسەرۋ وتكەلەگىن قاتاڭ يگەرمەي، وسى اۋىلداعى 51 ادامنىڭ  ەرەجەگە قايشىلىق جاساپ، ەڭ تومەنگى تۇرمىستى قامتاماسىزداندىرۋ قاراجاتىنان 199 مىڭ 400 يۋان قارجىنى الۋىنا مۇرىندىق بولعان. 2018- جىلى 6-ايدا، ءالي مامەتكە پارتيا ىشىندە قاتاڭ ەسكەرتۋ جازاسى بەرىلدى.  التاي قالاسى شىرىكشي اۋىلى قىزىلشىلىك قىستاعى پارتيا ياچەيكاسىنىڭ شۋجيى، قسىتاق تۇرعىندار كوميتەتىنىڭ مەڭگەرۋشىسى جاڭ جيشياڭنىڭ ەرەجەگە قايشىلىق جاساپ، حالىقتى اۋقاتتاندىرۋ بەيقۇت ءۇي كومەك قارجىسىنان يگىلىكتەنۋ سياقتى ماسەلەسى. 2012- جىلى 4-ايدان 2014- جىلى 4-ايعا دەيىن، جاڭ جيشياڭ باسقالاردىڭ اتىندا حالىقتى اۋقاتتاندىرۋ بەيقۇت ۇيىنەن ءتورت ۇيگە ءوتىنىش  بەرىپ، كومەك قاراجاتتان 196 مىڭ يۋاندى ەرەجەگە قايشى يگىلىكتەنگەن. 2018- جىلى 4-ايدا، جاڭ جيشياڭ ەرەجەگە قايشى يگىلىكتەنگەن 196 مىڭ يۋان كومەك قاراجاتتى ىرىقتىلىقپەن جوعارىعا تاپسىردى. 2018- جىلى 6-ايدا، جاڭ جيشياڭعا پارتيا ىشىندە قاتاڭ ەسكەرتۋ جازاسى بەرىلدى. ياركەن اۋدانى اۋات قالاشىعى كونە ارىش قىستاعى تۇرعىندار كوميتەتىنىڭ مەڭگەرۋشىسى ءداۋىت ايتتىڭ بەلگىلەمەگە قايشىلىق جاساپ، كەدەيلەردى سۇيەمەلدەۋ نىسانى كومەك قارجىسىنان يگىلىكتەنۋ سياقتى ماسەلەسى. 2014- جىلى، ءداۋىت ايت قىزمەت قولايلىعىنان پايدالانىپ، اۋلا شارۋاشىلىعى سياقتى كەدەيلەردى سۇيەمەلدەۋ نىسانى كومەك قارجىسىنان 10 مىڭ يۋاندى بەلگىلەمەگە قايشى يگىلىكتەنگەن؛ 2016- جىلى بەلگىلەمەگە قايشىلىق  جاساپ، قۇنى 1500 يۋان كەلەتىن قىزىل تۇمسىق قاز بالاپانىنان 100  ىن  جەكە يەمدەنىپ العان؛ 2018- جىلى 6-ايدا، ءداۋىت ايتقا پارتيا ىشىندە ەسكەرتۋ جازاسى بەرىلدى.   حوتان اۋداندىق ۇلت-ءدىن ىستەرى كوميتەتىنىڭ ورىنباسار مەڭگەرۋشىسى ابىلەز قۇرباننىڭ از ۇلت ىستەرىن دامىتۋ نىسانى قارجىسىن باسقارۋ اقىسىن الىپ قالىپ، باسقاعا جۇمساۋ ماسەلەسى.  2016- جىلى 9-ايدا، ابىلەز قۇربان 2015-جانە 2016- جىلعى از ۇلت  ىستەرىن دامىتۋ نىسانى قارجىسىن باسقارۋ اقىسىنان 51 مىڭ 700 يۋاندى قىزمەت ورنىنىڭ كۇندەلىكتى شىعىمىنا پايدالانعان، 2018- جىلى 6-ايدا، ابىلەز قۇربانعا پارتيا ىشىندە ەسكەرتۋ جازاسى بەرىلدى.    قاشقار كونە ءشارى اۋدانى وپال قالاشىعى حالىق قۇرىلتايىنىڭ بۇرىنعى مەڭگەرۋشىسى اكبار ءاشىمنىڭ تۋىس-تۋعان، دوس-جاراندارىنا تيىمدىلىك جاساۋ ماسەلەسى. 2015- جىلدان 2017- جىلعا دەيىن اكبار ءاشىم قىزمەت قولايلىعىنان پايدالانىپ، شارتقا ۇيلەسپەيتىن 3 تۋىسىنا ەڭ تومەنگى تۇرمىستى قامتاماسىزداندىرۋ راسىمياتىن ءبىتىرىپ بەرىپ،  14 مىڭ 200 يۋاندىق ەڭ تومەنگى تۇرمىستى قامتاماسىزداندىرۋ قاراجاتىنان يگىلىكتەندىرگەن.  2018- جىلى 6-ايدا، اكبار اشىمگە پارتيا ىشىندە ەسكەرتۋ جازاسى بەرىلدى.


بەرىپ كەت ورامالىڭدى

دوستار

الىستاعى اق ەركە