جاڭا حابارلار

قىزمەت اترەتى كاسىپتەنۋگە تاربيەلەۋ بازاسىن قۇرۋ، كەدەيلەردى سۇيەمەلدەۋ، كومەكتەسۋدىڭ ءونىمدى مەحانيزىمىن ورىناتۋ ارقىلى قينشىلىعى بار بۇقارانىڭ جاقىن ماڭنان، سول جەردىڭ وزىنەن كاسىپتەنۋىنە قول ۇشىن بەردى

    كەلۋ قاينارى: شينجياڭ حالىق راديو ىستانسياسى    2018-08-09 16:49:04  

ستانسيامىزدىڭ ءتىلشىسى ديڭ شياۋداننىڭ حابارى : 

بيىل، ءۇرىمجى قالالىق پارتكوم ساياسي زاڭ كوميتەتىنىڭ( قوعام اماندىعىن جان-جاقتىلى وڭاۋ كەڭسەسىنىڭ) شۇيموگوۋ رايونى ۋيحۋلياڭ اۋماعىن باسقارۋ كوميتەتىنىڭ لي-جيڭ وڭتۇستىك الەۋمەتتىك اۋماعىندا تۇرعان «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى كاسىپتەنۋگە تاربيەلەۋ بازاسىن قۇرۋ، كەدەيلەردى سۇيەمەلدەۋ، كومەكتەسۋدىڭ ءونىمدى مەحانيزىمىن ورىناتۋ ارقىلى قينشىلىعى بار بۇقارانىڭ جاقىن ماڭنان، سول جەردىڭ وزىنەن كاسىپتەنۋىنە قول ۇشىن بەردى. ستانسيامىزدىڭ ءتىلشىسى ديڭ شياۋداننىڭ حابارى  .
  ــــ قىزمەتىڭ تابىستىما؟
  ــــ وتە جاقسى، جابىسقاق كۇرىش جۇمىرشاسىن جاساۋدى ۇيرەندىم.
  ـــ  قازىر دۇكەننىڭ ساۋداسى قانداي؟
  ـــ جامان ەمەس.
    تۇستەن بۇرىن ساعات 11 دە، چين-رۋي-شي-تا بالگۇلشە دۇكەنىنىڭ شاكىرتى سۇمايا راحىمان جاڭادان ءپىسىپ شىققان جابىسقاق كۇرىش جۇمىرشاسىن زات سورەسىنە قويىپ، ءۇرىمجى قالالىق پارتكوم ساياسي زاڭ كوميتەتىنىڭ( قوعام اماندىعىن جان-جاقتىلى وڭاۋ كەڭسەسىنىڭ) شۇيموگوۋ رايونى ۋيحۋلياڭ اۋماعىن باسقارۋ كوميتەتىنىڭ لي-جيڭ وڭتۇستىك الەۋمەتتىك اۋماعىندا تۇرعان «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ باستىعى، الەۋمەتتىك اۋماقتىڭ ءبىرىنشى شۋجيى ياڭ جۇڭ-جۇنگە ءوزىنىڭ ۇيرەنۋ ناتيجەسىن تانىستىردى. سۇمايا راحىماننىڭ وسىدان بۇرىن قىزمەتى جوق بولاتىن، قىزمەت اترەتىنىڭ تانىستىرۋىمەن، بيىل 5-ايدا بالگۇلشە دۇكەنىنە بارىپ، تەگىن تاربيەلەۋگە قاتىناستى. ول: «پراندىك، بولكا سياقتىلاردى ءپىسىرۋدى ۇيرەندىم، قازىر ەڭبەكاقىم ءبىر مىڭ 200 يۋان اينالاسىندا، وسى ارادان ونەر ۇيرەنگەننەن كەيىن، كاسىپتەنسەم دەيمىن، كاسىپتەنسەم ۇيدەگىلەردىڭ اۋىرتپالىعى جەڭىلدەيدى، قىزمەت  اترەتىنە العىس ايتامىن»،-دەدى. 
   بيىل قىزمەت اترەتىنىڭ سەلبەسىپ كومەكتەسۋىندە، چين-رۋي--شي-تا بالگۇلشە ازىق-تۇلىك سەرىكتەستىگى لي-جيڭ-ۋان شاعىن رايونىنداعى 1-ءنومىرلى عيماراتتىڭ الدىنان كاسىپتەنۋگە، قايتالاي كاسىپتەنۋگە تاربيەلەۋ بازاسىن قۇرىپ، قاراستى رايونداعى وتباسىندا قينشىلىعى بارلاردى تەگىن تاربيەلەپ، تاربيەلەنگەننەن كەيىن، بازادا الدىمەن كاسىپتەندىردى. قازىر، بالگۇلشە دۇكەنىندە 15 شاكىرت بار، ولاردىڭ 9 ى رەسمي قىزمەتكە شىقتى، بالگۇلشە دۇكەنى ءار كۇنى ءۇرىمجى، سانجى، حوتان سياقتى جەرلەردەن تاپسىرىس قابىلدايدى. دۇكەننىڭ باستىعى ادىلام تۇرسىن بىلاي دەدى: دۇكەندى العاش اشقانىمىزدا ادام وتە تاپشى ەدى، قىزمەت  اترەتى كوپتەگەن قىز بالانى وسىندا كەلىپ جۇمىس ىستەۋگە  تانىستىردى، ەرەكشە العىس ايتامىز، كۇندىك ساتىلىم سومامىز 8 مىڭ يۋانداي. الدا دۇكەننىڭ كولەمىن كەڭەيتىپ، سەرىكتەستىككە اينالدىرماقشىمىز. 
   قاراستى رايوندا تومەن كىرىستەگىلەردىڭ، جىلجىمالى حالىق سانىنىڭ كوپ بولۋ، ءىشىنارا بۇقارانىڭ كاسىپتەنۋ ونەرىنىڭ كەمشىل بولۋ ماسەلەسىنە قاراتا، بيىل قىزمەت اترەتى كومەكتەسۋ، سۇيەمەلدەۋدىڭ ءونىمدى مەحانيزىمىن ورىناتۋ ارقىلى سالالار بويىنشا سەرىكتەسىپ كومەكتەسۋ، كاسىپتەنۋ قىزمەت ورىنى ارقىلى سۇيەمەلدەۋ، يگىلىك سيپاتتى قىزمەت ورنىن دايىنداپ بەرۋ، ونەرگە تاربيەلەۋ سياقتى فورمالاردان پايدالانىپ، قاراستى رايونداعى قينشىلىعى بار بۇقارانىڭ جاقىن ماڭنان كاسىپتەنۋىنە كومەكتەستى، قازىر قىزمەت اترەتى قاراستى رايوندا قۇرعان كاسىپتەنۋگە تاربيەلەۋ بازاسىنا ەكى كاسىپورىن كەلىپ ىرگە تەپتى. قىزمەت  اترەتىنىڭ باستىعى، الەۋمەتتىك اۋماقتىڭ ءبىرىنشى شۋجيى ياڭ جۇڭجۇن بىلاي دەدى: مۇگەدەكتەر مەن تومەن كىرىستەگىلەردىڭ كىرىسىن ارتتىرىپ، وتباسىندىق كاسىپتەنۋدى جۇزەگە اسىرماقشىمىز. ونان كەيىن، كاسىپتەنۋ قۋاتى نەداۋىر تومەن بۇقارانىڭ كاسىپتەنۋ ماسەلەسىن شەشىپ، قاراستى رايونداعى كاسىپتەنۋگە تاربيەلەۋ بازاسىنا سۇيەنىپ، تەگىن تاربيەلەۋ، قايتالاي كاسىپتەنۋگە تاربيەلەۋ سىندى تاربيەلەۋ فورماسىنان پايدالانىپ، قاراستى رايونداعى تۇرعىنداردىڭ كاسىپتەنۋ ماسەلەسىن مۇمكىندىكتىڭ  بارىنشا شەشەمىز. 


بەرىپ كەت ورامالىڭدى

دوستار

الىستاعى اق ەركە