جاڭا حابارلار

 تۇرپان - ايگىلى ساياحات قالاسى

    كەلۋ قاينارى: شينجياڭ حالىق راديو ىستانسياسى    2018-08-09 23:40:25  

  تۇرپان راديو ستانسياسىنىڭ ءتىلشىسى جۋ يانرۇڭنىڭ حابارى :

تۇرپان - ايگىلى ساياحات قالاسى. سوڭعى جىلداردان بەرى، جەرگىلىكتى ورىن ساياحات كاسىبىن ستراتەگيالىق تىرەكتى كاسىپ ەتىپ، ساياحات جاڭا ونىمدەرىن، جاڭا ساياحات كاسىبىن  بەلسەنە قالىپتاستىردى . :
  ءدال قازىر ساياحاتتىڭ قاۋىرت كەزى، تۇرپان جوعارى قارقىندى تەمىر جول جولاۋشى تاسىمال ۆاگزالىندا ساياحاتشىلار ۆاگزالدان شىقسا بولعانى سەرۋەن باسى بار ساياحات اۆتوبوزىنا توتە وتىرۋىنا بولادى. ۇرىمجىلىك ساياحاتشى جۋ يانيان بىلاي دەدى:  كوپتەگەن كورىنىس رايونىن ارالاي الامىز، سەيىلدەۋ بارىسىندا اۆتوبوز كورىنىس رايونىنىڭ قاقپاسىندا ءبىزدى كۇتىپ تۇرادى،  قايتادان پويەز اۋىستىرمايمىز، قاتىناس قۇرالدارىن ىزدەستىرىپ جۇرمەيمىز، وتە قولايلى.  
تۇرپان كورىنىس رايونى لەنيالارىن اينالا ساياحاتتاتاتىن اۆتوبوز بيىل 7-ايدىڭ 15- كۇنى اينالىمعا تۇسكەننەن بەرى، ساياحاتشىلاردىڭ قارسى الۋىنا بولەندى. تيجارات جۇرگىزىپ وتىرعان شانشان ساياحاتى تۇرپان كاسىبىن باسقارۋ سەرىكتەستىگىنىڭ باس مەڭگەرۋشىسى ليۋ فۋشين تانىستىرا كەلىپ: تاڭەرتەڭ ساعات 10 نان 15 مينۋت وتكەندە سولتۇستىك پويەز ۆاگزالى جۇردەك پويەز تەمىر جول الاڭىنان اتتانىپ، كەشتە ەڭ جاي بولعاندا ساعات 6 جارىمدا تۇرپان سولتۇستىك ۆاگزالىنا جەتەدى، مۇنداي ءتاسىل جولاۋشىلاردىڭ ۋاقىتىن بارىنشا ۇنەمدەپ، جولاۋشىلاردىڭ ءبىر كۇندىك ساياحاتىنا كوپتەگەن قولايلىلىق اكەلەدى.
  تۇرپاننىڭ قۇممەن ەمدەيتىن شاعىن قالاشىعىندا، قاز-قاتار سالىنعان سارى ءتۇستى وتباسى قونالقىلارىنان، ادەمى اشەكەيلەنگەن شىت-جاڭا كولىكتەرىنەن وتتى القاپتىڭ جەرگىلىكتى سالت-ساناسى مەنمۇندالايدى. ساياحاتشى ارزىگۇل نيزاحۇن:  بۇل جەر سالقىن ەكەن، ماسا-شىركەي جوق ، جاتقان جەرىمىز دە ءوز ءۇيىمىز سياقتى، وتە جايلى بولدى. قۇمعا كومىلىپ جاتساقتا، تاماقتانساق تا ءار جاقتان وتە قولايلى ەكەن، ەرەكشە قۋانىشتامىن،-دەدى.
 سوڭعى جىلدان بەرى، تۇرپان قالاسى ساياحات نەگىزگى قۇرىلعىلارىن ۇزدىكسىز جاقسارتىپ، تۇتاس وڭىرلىك ساياحات « ءىرى كورىنىس رايونىن» قالىپتاستىرىپ، يارعولعا كەشتە سەيىلدەۋ،  كەشتە سۇلەيمەن مۇناراسىنا بارۋ سياقتى ساياحات جاڭا ونىمدەرىن جارىققا شىعاردى، توقسۇن ورىك گۇلى ساياحاتى، تۇرپاننىڭ تۇت اعاشى جەمىسى ساياحاتى، قۇمتاق قۇمىنا ساياحات، ايدىنكول مۇز ءۇستى ساياحاتى سياقتى ساياحات نىساندارىن قالىپتاستىرۋ ارقىلى بۇرىنعى جالاڭ مەزگىلدىك ساياحاتتان تۇتاس ماۋسىمدىق ساياحاتقا ويىسىپ، تۇرپاننىڭ وزگەشە مادەنيەتى مەن ساياحات ونىمدەرىن سىرتقا كەڭىنەن ۇگىتتەپ، ساياحات تۇتىنۋ دەڭگەيىن جوعارىلاتىپ، ساياحاتشىلاردى ايالداپ الاڭسىز سەيىلدەۋگە باۋرادى. قازىرگە دەيىن، بيىل تۇرپان قالاسىنداعى ساياحاتشى سانى 8 ميلليون ادام رەتتەن اسىپ، ساياحات جالپى  تۇتىنىمى 7 ميلليارد 260 ميلليون يۋانعا جەتىپ، بىلتىرعى سول تۇستاعىدان جەكە-جەكە %54 جانە %62 ارتتى.
 


بەرىپ كەت ورامالىڭدى

دوستار

الىستاعى اق ەركە