جاڭا حابارلار

ينتەرنەتپەن بىرلەستىرۋ»  اۋقىمى،  شينجياڭ ەرەكشەلىگىنە يە اۋىل شارۋاشىلىق ونىمدەرى تيجاراتىنىڭ تىڭ ءداۋىرىن باستاۋدى جەبەدى؛      

    كەلۋ قاينارى: شينجياڭ حالىق راديو ىستانسياسى    2018-08-09 23:36:06  

 باس شۋجي شي جينپيڭ توراپ حاۋىپسىزدىگى جانە ينفورماتسيالاندىرۋ قىزمەتى اڭگىمە ماجىلىسىندە بىلاي دەپ اتاپ كورسەتتى: « ينتەرنەتتىڭ كەدەيلىكتەن قۇتىلدىرۋدان قامال الۋدى دەمەۋدەگى رولىن ساۋلەلەندىرىپ، كەدەيلەردى دالمە- ءدال سۇيەمەلدەۋدى، كەدەيلىكتەن دالمە- ءدال قۇتىلدىرۋدى ىلگەرلەتىپ، اناعۇرلىم كوپ كەدەي بۇقارانىڭ ينتەرنەتتەن پايدالانا الۋىنا، اۋىل شارۋاشىلىق ونىمدەرىنىڭ ينتەرنەت ارقىلى  اۋىل- قىستاقتان شىعۋىنا مۇمكىندىك جاساۋ كەرەك». «ينتەرنەتپەن بىرلەستىرۋ»  اۋقىمىنا ساي، رايونىمىزدىڭ  جەر- جەرى ەرەكشە اۋىل شارۋاشىلىق ونىمدەرى تيجاراتىنا بۇرىلىس جاساپ دەڭگەيىن جوعارىلاتۋدىڭ تەتىگىن  تاۋىپ، شينجياڭ ەرەكشەلىگىنە يە اۋىل شارۋاشىلىق ونىمدەرى تيجاراتىنىڭ تىڭ ءداۋىرىن باستاۋدى جەبەدى. 

    كەزەكتە باركول قازاق اۆتونوميالى اۋدانى سانتاڭحۋ قالاشىعىندا 2 مىڭ مۋدان استام جەرگە ەگىلگەن جاي پىساتىن قاۋىن ىركەس- تىركەس پىسا باستادى، باركول  شياۋبيڭ ەگىنشىلىك كاسىپتىك كوپەراتيۆىنىڭ  «كەرمەك ءدامدى قاۋىن» ەگۋ بازاسىندا، كوپەراتيۆ مۇشەلەرى قاۋىندى ءۇزىپ الىپ قالتاعا سالىپ قوراپتاۋمەن قاربالاس ءجۇر . ءاربىر ساندىققا ەكى قاۋىن سالىنادى، سالماعى 5 كيلوگرام، 98 يۋانعا ساتىلادى، ونىڭ ۇستىنە قامداۋ قاجەتىسنۋدى قاناعاتتاندىرا الماي وتىر. كوپەراتيۆتىڭ القا باستىعى  يان شياۋبيڭ ماقتانىشپەن، جيڭدۇڭ، اليبابا، بايگويۋان سياقتى توراپ تەكشەسىنە سۇيەنىپ، وزدەرىنىڭ  « كەرمەك ءدامدى قاۋىنىنىڭ» توراپتا تانىلعانىن ايتىپ: « وتكەن جىلى ەلەكتروندى ساۋدا ارقىلى ءبىر ايدا 15 مىڭ ساندىق قاۋىن ساتتىق، سونىمەن اتاعىمىز كەڭ تارالدى، بيىل توراپتا قاۋىنمەن قامداۋىمىز جانە دە قاجەتىسىنۋدى قاناعاتتاندىرا الماي وتىر. قازىر ءتۇرلى ەلەكتروندى ساۋدا تەكشەسى، ايتالىق تاۋشي، جيڭدۇڭ نەمەسە كەيبىر ۇلكەندى- كىشىلى تەكشەلەردىڭ بارىنەن ءبىزدىڭ قاۋىن تابىلادى»،- دەدى.  

   بۇگىنگى كۇندە باركول قازاق اۆتونوميالى اۋدانى 15 اۋىل- قالاشىقتا 40 قىستاق دارەجەلى ەلەكتروندى ساۋدا قىزمەتىن وتەۋ پۋنكىتىن قۇرىپ، اۋىل- قىستاق ەلەكتروندى ساۋدا توراپ تەكشەسىنەن پايدالانىپ، جەرگىلىكتى جابايى ساڭىراۋ قۇلاق، قۇرت، قاۋىن، قوي، سيىر ەتى سياقتى اسا مول ساپالى ەرەكشە اۋىل شارۋاشىلىق قوسىمشا ونىمدەرىن تولاسسىز ىشكى ولكەگە ساتۋدا.    يىڭسار اۋدانىنداعى  سامەت ورىگى قابىعى جۇقا، مايدا ءارى جۇمساق، ۇزاق ساقتاۋعا كەلمەيدى. بيىل يىڭسار اۋدانى اليبابا توبىمەن سەلبەسىپ  شيكى ءارى جاس ونىمدەر سالاسىنىڭ توڭازىتىپ ساقتاۋ تىزبەگىنىڭ قوراپتاپ تاسىمالداۋ جاڭا ۇلگىسىن زەرتتەدى، سونىمەن ىشكى ولكەدەگى تۇتىنۋشىلار ەڭ تەز بولعاندا ەكى كۇننىڭ ىشىندە  شينجياڭدا ونەتىن ساپالى ورىكتىڭ ءدامىن تاتا الاتىن بولدى، وسىنىڭ وزىنەن تۇتاس اۋدانداعى ديحانداردىڭ كىسى باسىندىق  ارتقان كىرىسى مىڭ يۋانعا جەتتى. اۆتونوميالى رايوندىق ساۋدا ىستەرى مەڭگەرمەسىنىڭ يىڭسار اۋدانىندا تۇراتىن ەرەكشە كەدەي قىستاقتاردىڭ ءبىرىنشى شۋجيلەرىنىڭ باس جەتەكشىسى چي گوچيڭ: « ەلەكتروندى ساۋدا ارقىلى كەدەيلەردى سۇيەمەلدەۋدە اقپارات قۇرالى ارقىلى ساتۋ، ەلەكتروندى ساۋدا ارقىلى تانىستىرىپ ساتۋ، كوپەراتيۆ ارقىلى تىكە ساتۋ سياقتى ءتۇرلى جاڭاشا وسىزامان زات اينالىم ۇلگىسى بويىنشا ورىك كاسىبىنىڭ دامۋىن جەتەكتەپ، اۋىل- قىستاقتارداعى ورىكتىڭ  بۇكىل ەلىمىزدىڭ ۇلكەن بازارلارىنا شىعۋىنا مۇمكىندىك جاسادىق»،- دەدى.  

    «توراپقا شىعىپ سىناپ كورگەن» اقسۋ قالاسى حۇڭچيپو باقشاسى 4- بولىمشە باقشاسىنداعى جەمىس ەگەتىن ديحان حوۋ جيا جۋىردا «حوۋ-گو» ساۋدا ماركاسىن تىزىمدەتتى، ءارى ساۋدا ماركاسى كۋالىگىنە يە بولدى . ول: وتكەن جىلى تۇڭعىش رەت توراپتا الما ساتىپ، ءوزىمنىڭ ءۇنحات دۇكەنىمدى تىزىمگە تىركەپ، 8 توننادان استام الما ساتتىم. بيىل ساۋدا ماركاسىن تىزىمگە تىركەتتىم، «حوۋ- گو» مەنىڭ ساۋدا ماركام، بۇل تاۋارىمنىڭ ناعىز حۇڭچيپو الماسى ەكەنىن بەينەلەي الادى، ءسال قىمباتتاۋ ساتىپ، توڭىرەكتەگى كورشى- قولاڭدارىممەن بىرگە تيجاراتتى جۇرگىزىپ، كوپشىلىكتى كىرىس كىرگىزۋگە جەتەكتەيمىن»،- دەدى.  

    اقسۋدا ينتەرنەتتەن تۇرمىسى وزگەرگەن تەك حوۋ جيانىڭ وتباسى عانا ەمەس. ساۋدا ىستەرى مينيسترلىگىنىڭ ءىرى ساندى مالىمەت باقىلاۋىنا قاراعاندا، اقسۋدىڭ تاۋباۋداعى توراپ دۇكەنى وتكەن جىلى 2 مىڭ 400 دەن اسىپ، اناعۇرلىم كوپ شينجياڭنىڭ ەرەكشە جەمىس- جيدەكتەرى  ينتەرنەت ارقىلى توڭىرەكتىڭ ءتورت بۇرىشىنا جەتكەن.     « ينتەرنەتپەن بىرلەستىرۋ» سىندى تيجاراتتىڭ دامۋ جاڭا ۇلگىسىنە ۇيلەسۋ ءۇشىن، جىڭ اۋدانى 6 ميلليون يۋان قارجى قوسىپ زەردەلى زات اينالىمى ەلەكتروندى ساۋدا ىستەرى كاسىپ باقشاسىن قۇرىپ، وعان قاراستى  اۋىل- قىستاق قىزمەت وتەۋ ءتۇيىنى 97 گە جەتتى. جىڭ اۋداندىق ەلەكتروندى اكىمشىلىك ىستەر كەڭسەسىنىڭ مەڭگەرۋشىسى ما شۋجۇن: «قازىرگە دەيىن جىڭ اۋدانى ءبىر ورتالىق، جەتى قىزمەت وتەۋ پۋنكتى، 78 قىزمەت وتەۋ توراپ ءتۇيىنى بار اۋدان، اۋىل، قىستاق سىندى ءۇش دارەجەلى توراپ جۇيەسىن بىرتىندەپ قالىپتاستىردى. قازىرگە دەيىن، 2018- جىلعى ەلەكتروندى ساۋدا سوماسى 38 ميلليون 230 مىڭ يۋانعا جەتىپ، توراپتاعى ساتىلىم سوماسى 12 ميلليون  يۋاننان استى»،- دەدى.


بەرىپ كەت ورامالىڭدى

دوستار

الىستاعى اق ەركە