جاڭا حابارلار

 كوپتەگەن تاماشا كينو فيلىمدى قىستاق تۇرعىندارىنىڭ ەسىك الدىنا اپارىپ قويىپ  بەرىپ، قىستاق تۇرعىندارىنىڭ  رۋحاني  مادەنيەت تۇرمىسىن  بايىتتى

    كەلۋ قاينارى: شينجياڭ حالىق راديو ىستانسياسى    2018-08-09 23:46:16  

ستانسيامىزدىڭ ءتىلشىسى ياڭ جيانچاۋ مەن اقسۋ ايماقتىق راديو ستانسياسىنىڭ ءتىلشىسى ۋاڭ تونىڭ حابارى :
ونسۋ اۋداندىق كينو قويۋ ىستەرىن  باسقارۋ ورتالىعىنىڭ كينو قويۋشىسى  نۇرمامەت اكەسىنىڭ  قىزمەتىن تاپسىرىپ العان سوڭ ، 32  جىلدان بەرى  اۋىل -قىستاقتا كينو قويۋ قىزمەتىنە تاباندى  بولىپ، كوپتەگەن تاماشا كينو فيلىمدى قىستاق تۇرعىندارىنىڭ ەسىك الدىنا اپارىپ قويىپ  بەرىپ، قىستاق تۇرعىندارىنىڭ  رۋحاني  مادەنيەت تۇرمىسىن  بايىتتى.    كۇن باتۋعا تاياعاندا،  ونسۋ اۋداندىق كينو قويۋ -باسقارۋ ورتالىعىنىڭ كينو قويۋشىسى  نۇرمامەت توحۋلا  اۋىلىنىڭ  توحۋلا قىستاعىنا بارىپ  كينو  قويۋدىڭ دايىندىعىنا  كىرىستى، ول كينو  قويۋ پەردەسىن تارتىپ، دىبىس جابدىعىن ورناتىپ،  كينو قويۋ اپپاراتىن سىنادى، بيىل  50 جاسقا   شىققان  ونىڭ  كينو  قويعانىنا  32  جىل  بولىپتى. ول  تىلشىگە بىلاي دەدى: اكەم  بۇرىن  كينو  قوياتىن، كينو  قويۋ  ونەرىن مەن اكەمە ەرىپ  قىستاقتارعا بارىپ  ءجۇرىپ  سول كىسىدەن  ۇيرەندىم . بالا كەزىمدە  كينو  كورۋدى  قاتتى  ۇناتاتىنمىن. ول جىلدارى  اكەم  كينو  قويعاندا   قاتتى قينالاتىن، ول كەزدە  جول  ناشار، ەسەك  اربا  نەمەسە ات  اربامەن ارالاپ  كينو قوياتىن، ءبىر  كەتسە ۇيگە  15  كۇندە  ارەڭ  ورالاتىن.  1986-جىلى   ورتا  مەكتەپ بىتىرگەن  نۇرمامەت قىزۋ ىنتامان   كينو قويۋ قوسىنىنا  مۇشە بولىپ كىرەدى. ول بىلاي دەدى : العاش كينو  قويۋ قىزمەتىنە ارالاسقانىمدا، ءبىزدىڭ ىستەتكەنىمىز كونە  اپپارات  بولاتىن ، ون نەشە جىل ىستەگەن سوڭ، مەملەكەت بىزگە  سيفىرلى  كينو  قويۋ اپپاراتىن  جانە كينو قويۋ  اۆتوكولىگىن بەردى، قازىر شارت-جاعدايىمىز بۇرىنعىدان كوپ جاقسى، كينو قويعان كۇنى  ۇيگە كۇنبە  كۇن   قايتىپ كەلەمىز.    جول قانشا  الىس،  قيىنشىلىق قانشاما كوپ بولسادا ، 32 جىلدان بەرى  نۇرمامەت ءار كۇنى ونسۋ اۋدانىنىڭ  اۋىل -قالاشىقتارىن ارالاپ  كينو  قويىپ ، شارۋالاردىڭ  كينو  كورۋ قاجەتىن  قاناعاتتراندىرادى .  ونسۋ اۋدانى  توحۋلا  اۋىلى   توحۋلا قىستاعىنىڭ تۇرعىنى تۇرسۇن  بىلاي  دەدى   : وسى كۇندە  ءبىز اپتا سايىن نۇرمامەتتىڭ كەلىپ  كينو قويىپ  بەرۋىن  ءتورت  كوزبەن   كۇتەمىز . ەڭ جاڭا كينولاردان  تىس ، نۇرمامەت اعامىز بىزگە  « وتانىم   كەرەمەت ! » ، « مەملەكەت قۇرۋ  ۇلى ءىسى »  سياقتى ەلىمىزدىڭ قۇدىرەتتەنگەنىن  بەينەلەيتىن فيلمدەردى دە  قويىپ   بەردى ،  وسى  فيلىمدەردى كورىپ قاتتى تەبىرەندىك . نۇرمامەت اعامىزدىڭ   تالاي جىلدان بەرى  بىزگە  وسىنشاما كوپ  اسا قۇندى ، كوركەمونەرلىك  ءمانى زور كينو  فيلمدەردى قويىپ بەرگەنىنە العىس  ايتامىز .    كينو  قويۋ قىزمەتىمەن شۇعىلدانعاننان بەرى،  نۇرمامەت  جيىنى  10 مىڭ رەتتەن استام الەۋمەتتىك يگىلىك  كينو  فيلىمىن قويعان . ول  تىلشىگە  بىلاي دەدى: كينو  فيلم بۇقارانىڭ  رۋحاني تۇرمىسى مەن مادەنيەت  تۇرمىسىن بايىتادى، ءتىپتى دە ماڭىزدىسى  ول  جۇرت قالاۋىنان  شىعادى، سوندىقتان  بۇل قىزمەتتى تاباندىلىقپەن جالعاستىرامىن . كينو قويعانىما  32 جىل بولدى ،  بۇل قىزمەتتى ۇزبەي جالعاستىرامىن ، قىستاق تۇرعىندارىنىڭ قۋانىشى مەنىڭ  قۋانىشىم . دەنساۋلىعىم جار  بەرسە ، قىستاق تۇرعىندارىنا  كينو  قويۋ  ءىسىن توقتاتپايمىن .  


بەرىپ كەت ورامالىڭدى

دوستار

الىستاعى اق ەركە