جاڭا حابارلار

كەدەيلەردى سۇيەمەلدەۋگە شاعىن سومالى امانات - قارىز بەرۋدى، ودان پايدالانۋدى ونان ارى ارناعا ءتۇسىردى

    كەلۋ قاينارى: شينجياڭ گازەتى    2018-08-10 15:04:27  

اۆتونوميالى رايوندىق حالىق ۇكىمەتى ۇنەمىلىك ىستەر ءماجىلىسىن اشىتى

ءتىلشىمىز يۋان لەي 8 - ايدىڭ 8 - كۇنى ۇرىمجىدەن حابارلايدى. 8 - ايدىڭ 6 - كۇنى اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق حالىق ۇكىمەتىنىڭ ۇنەمىلىك ىستەر ءماجىلىسىن باسقارىپ اشىپ، «شينجياڭ ۇيعۇر اۆتونوميالى رايونىنىڭ كەدەيلەردى سۇيەمەلدەۋگە شاعىن سومالى امانات - قارىز بەرۋدى اتقارۋدىڭ ناقتى ەرەجەسىن (سىناق رەتىندە اتقارىلادى)» (تومەندە قىسقاشا <ناقتى ەرەجە> دەپ الىندى) زەرتتەدى. 

 ءماجىلىس مىنالاردى اتاپ كورسەتتى: كەدەيلەردى سۇيەمەلدەۋگە شاعىن سومالى امانات - قارىز بەرۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال قۇتىلدىرۋ جونىندەگى كەلەلى شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، ارحيۆ تۇرعىزىپ، كارتچكا جاسالعان كەدەي وتباسىلارىنىڭ جاعدايىنا نەگىزدەلە وتىرىپ شىعارعان كەدەيلەردى فينانس جاعىندا دالمە - ءدال سۇيەمەلدەۋ ساياساتى. بۇل ساياسات 2016 - جىلى 6 - ايدان باستاپ اتقارىلعاننان بەرى، كەدەي وتباسىلارىنىڭ ءوندىرىستى دامىتۋىنا، كىرىسىن ارتتىرىپ، كەدەيلىكتەن قۇتىلۋىنا كومەكتەسۋ سياقتى جاقتاردا بەلسەندى ناتيجەگە قول جەتكىزىپ، كەدەيلەردى دالمە - ءدال سۇيەمەلدەۋگە، كەدەيلىكتەن دالمە - ءدال قۇتىلدىرۋعا فينانستىق قىزمەت كورسەتۋدىڭ جارقىن تۇيىنىنە اينالدى. «ناقتى ەرەجەنى» جاساۋ، العا قويۋ − فينانس بايلىعىن دالمە - ءدال جايعاستىرۋدى تۇزىمدىك جاقتان ءونىمدى تۇردە ارناعا ءتۇسىردى. ول كەدەيلەردى سۇيەمەلدەۋگە شاعىن سومالى امانات - قارىزدى باقىلاۋ - باسقارۋدى كۇشەيتۋگە، فينانستىق حاۋىپ - قاتەردەن جانە نەگىزگى ساتىنىڭ كەدەيلەردى سۇيەمەلدەۋ سالاسىنداعى ءىرىپ - شىرۋدەن ساقتانۋعا پايدالى، ول رايونىمىزدىڭ كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزىپ، 2020 - جىلى كەدەيلىكتەن قۇتىلدىرۋدان قامال الۋ نىساناسىن ورىنداۋدىڭ ماڭىزدى شاراسى. 

 ءماجىلىس مىنالاردى تالاپ ەتتى: كەدەيلەردى سۇيەمەلدەۋگە شاعىن سومالى امانات - قارىزدى ارناعا ءتۇسىرىپ باسقارۋدى، پايدالانۋدى كۇشەيتىپ، قارىز بەرۋدە ءوتىنىش بەرۋشى وبيەكتىنى مۇقيات ساراپتاپ، قارىزدى دامۋدى شىنايى ارماندايتىن جانە قابىلەتى بار كەدەي وتباسىلارىنىڭ قولىنا تيگىزۋگە كەپىلدىك ەتىپ، كەدەي وتباسىلارىنىڭ ءوندىرىستى دامىتۋىنا كومەكتەسۋ نەمەسە كەدەي وتباسىلارىنىڭ ەرەكشە باسىمدىققا يە كاسىپتى دامىتۋىنا ءونىمدى جەتەكشىلىك ەتۋ كەرەك. قارىز اقشا تاراتىلعاننان كەيىن، باقىلاۋ - باسقارۋ قىزمەتىن ويداعىداي ىستەپ، قارجىنىڭ ناقتى ورىنعا جۇمسالۋىنا كەپىلدىك ەتىپ، كەدەيلەردى سۇيەمەلدەۋگە شاعىن سومالى امانات - قارىزدىڭ كەدەيلەردى دالمە - ءدال سۇيەمەلدەۋدى ىلگەرىلەتۋدەگى رولىن ساۋلەلەندىرۋ كەرەك.  ءماجىلىس تاعى باسقا ىستەردى اقىلداستى.


بەرىپ كەت ورامالىڭدى

دوستار

الىستاعى اق ەركە