جاڭا حابارلار

ەرەكشە كاسىپتى دامىتىپ، شارۋالاردىڭ كىرىسىن ارتتىردى

    كەلۋ قاينارى: شينجياڭ گازەتى    2018-08-10 15:06:27  

اقسۋ ايماعى «ءبىر اۋداندا ءبىر ەرەكشە ءونىم بولۋ» ستراتەگياسىن بار كۇشپەن ىلگەرىلەتتى
 

گازەتىمىزدىڭ اقسۋ تىلشىلەر پۋنكتىندەگى ءتىلشىسى رىن حۇڭفاڭنىڭ 8 - ايدىڭ 8 - كۇنى اقسۋدان بەرگەن حابارى. «قىستاقتا نان زاۆودى قۇرىلدى، مەن ءۇي ماڭىندا - اق جۇمىستاندىم، 10 نەشە شاكىرتىم تاعى بار، اي سايىن كىرىسىم تۇراقتى، تۇرمىسىم بارعان سايىن جاقسارىپ كەلەدى». 8 - ايدىڭ 6 - كۇنى ءۇشتۇرپان اۋدانى وتباسى اۋىلى الاساي قىستاعىنىڭ تۇرعىنى مۇراندين مامەت قۋانا وسىلاي دەدى.  الاساي قىستاعىنىڭ ادامى كوپ، جەرى از، قىستاقتاعى 188 كەدەي وتباسىن كەدەيلىكتەن تۇبەگەيلى قۇتىلدىرۋ ءۇشىن، اۆتونوميالى رايوندىق ورمان شارۋاشىلىعى مەڭگەرمەسىنىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتى كاسىپورىندارمەن بايلانىس جاساپ، 5 ميلليون يۋان قارجى قوسىپ، جەر كولەمى 2000 شارشى مەتر كەلەتىن نان زاۆودىن سالدى. نان زاۆودىندا جاساۋ سەحى، ءوندىرىس سەحى، مانەرلەنگەن زات سەحى، قوراپتاۋ سەحى قاتاڭ عىلمي ولشەم بويىنشا سالىنعان، بۇدان سىرت، وت جاعاتىن ءداستۇرلى توناردان سىرت، ەلەكتر تونار دا بار. قازىر بۇل ارادا قىستاقتان جانە توڭىرەكتەگى قىستاقتاردان 100 نەشە كەدەي وتباسى جۇمىسقا ورنالاستى. 

 25 جاستاعى مۇراندين ەرتەرەكتە نان جابۋدى ۇيرەنگەن بولاتىن، وسى رەت قىستاقتا نان زاۆودى قۇرىلعاندا، ول ءۇي ماڭىندا جۇمىستانىپ قالماستان، سەح باستىعى دا بولدى، ول سەرىكتەرىن باستاپ ءبىر كۇندە 7000نان استام نان جابادى.  اۆتونوميالى رايوندىق ورمان شارۋاشىلىعى مەڭگەرمەسىنىڭ ءۇشتۇرپان اۋدانى وتباسى اۋىلى الاساي قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باستىعى، ءبىرىنشى شۋجيى ليۋ كىشين بىلاي دەدى: «نان زاۆودىندا جۇمىسقا ورنالاسقانداردىڭ جىلدىق جان باسىندىق تازا كىرىسى از دەگەندە 20 مىڭ يۋان بولادى، شارۋالار كاسىپ جۇمىسشىلارىنا اينالدى، ولاردىڭ كەدەيلىكتەن قۇتىلۋ تىلەگى ونان سايىن كۇشەيدى. بۇرىندارى قىستاق كوللەكتيۆى ءار جىلى نەبارى 100 مىڭ يۋان عانا كىرىس كىرگىزەتىن، قازىر نان زاۆودىنىڭ ىسكە قوسىلۋى قىستاق كوللەكتيۆىنىڭ كىرىسىن 200 مىڭ يۋانعا ارتتىردى».  

 ەرەكشە كاسىپتەردى دامىتۋ ەكونوميكالىق جالپىلىق قۋاتتى ۇزدىكسىز جوعارىلاتۋداعى شەشۋشى قوزعاۋشى كۇش. سوڭعى جىلدارى، اقسۋ ايماعى وڭىرلىك، بايلىق، ساياسات، شينجياڭعا كومەك باسىمدىعىن تولىق ساۋلەلەندىرىپ، 6 ۇلكەن كاسىپتىڭ شوعىرلانا دامۋىن تەز ىلگەرىلەتىپ، ەرەكشە كاسىپتەردى جەتىلدىرىپ، كولەمدەندىرىپ، تۇلعالىق دامۋ ونىمدىلىگىن قالىپتاستىرىپ، «ءبىر اۋداندا ءبىر ەرەكشە ءونىم بولۋداي» ەكونوميكالىق دامۋ ستراتەگياسىن بار كۇشپەن ىلگەرىلەتتى، قاراستى 8 اۋدان، ءبىر قالانىڭ بارىندە وزىنە ءتان تىرەكتىك كاسىپ بولۋى شارۋالاردىڭ كىرىسىن زور دارەجەدە ارتتىردى.  

 بيىل كەلپىن اۋدانى شارۋالاردى نەگىزگى تۇلعا ەتۋدەن جازباي، ەگىمشىلىك ءىرى وتباسىلارىن، كاسىپتىك سەلبەستىك كووپەراتيۆىن، اۋىل شارۋاشىلىعى ونىمدەرىن مانەرلەۋ كاسىپورىندارىن توعىستىرا دامىتۋدى ىلگەرىلەتىپ، اۋىل شارۋاشىلىعى قوسىمشا ونىمدەرىن مانەرلەۋ كاسىبىنىڭ تيبىن جاڭالاپ دارەجەسىن ءوسىرۋدى تەزدەتىپ، «كەلپىن سارى ورىگىنىڭ» ءونىم ساپاسىن جوعارىلاتىپ، شارۋالاردىڭ كىرىسىن ارتتىرىپ بايۋىن جەبەدى. 

 كەلپىن اۋدانى قامداۋ - ساتۋ بىرلەسكەن كووپەراتيۆىنىڭ ورىنباسار مەڭگەرۋشىسى ۋاڭ ميڭگاڭ: ءبىز كاسىپورىن + سەلبەستىك كووپەراتيۆى + شارۋا وتباسى ۇلگىسىن قولدانىپ، ءبىرشاما ساپالى ورىكتەردى جيناپ العاننان كەيىن، ءبىر تۇتاس قوراپتاپ، ونان سوڭ بۇكىل ەل كولەمىندە ساتتىق، بيىل شارۋالاردىڭ ورىك ساتۋدان تاپقان كىرىسى بىلتىرعىدان جالپى بەتتىك جوعارى بولدى، كەلەر جىلى سارى ورىك ەگۋگە سەنىم ءتىپتى كۇشەيە ءتۇستى، - دەدى.  اقسۋ ايماعى تاعى باستاماشىلدىق قۋاتى كۇشتى، اۋىل شارۋاشىلىعى قوسىمشا ونىمدەرىن جىنتىكتەپ مانەرلەيتىن سەركە كاسىپورىنداردى بار كۇشپەن دامىتىپ جانە ەنگىزىپ، شارالاردى كۇشەيتىپ، اۋىل شارۋاشىلىعى ونىمدەرىن وندىرىستەن سوڭ دارەجەگە ءبولۋدى، قوراپتاۋدى، قامبادا ساقتاۋدى، جەتكىزۋدى، ساتۋدى جاقسى ىستەدى؛ «100، 10، 1» ءوندىرىس بازاسىن، «10 قامبا، 100 كاسىپورىن» كاسىپتەر وداعىن، «10 قالادا 100 دۇكەن» بازار تيجاراتىن، ماركا جەتىلدىرۋ جانە ونى باسقارۋدى باستى مازمۇن ەتكەن ەگىن شارۋاشىلىعىن كاسىپتەندىرۋ قۇرىلىسىن تەز ىلگەرىلەتىپ، كاسىپتەر تىزبەگىن ۇزارتىپ، ۇستەمە قۇندى جوعارىلاتىپ، اۋىل شارۋاشىلىعىن بۇكىلدەي كاسىپ تىزبەگىندە دامىتۋ ۇلگىسىن قالىپتاستىرىپ، شارۋا وتباسىلارىن كاسىپ تىزبەگىنىڭ ءار بۋىنىنان ارتقان قۇن ونىمدىلىگىنەن اناعۇرلىم يگىلىكتەندىردى. 

 قازىر اقسۋ ايماعى ەگىن شارۋاشىلىعى قوسىمشا ونىمدەرىن مانەرلەۋ باقشا رايونىنان جالپى 9ىن قۇردى، باقشالارعا كىرگەن كاسىپورىن 200گە جەتتى؛ مەملەكەت دارەجەلى ەگىن شارۋاشىلىعى عىلىم - تەحنيكاسىنان ۇلگى كورسەتۋ باقشا رايونىنان بىرەۋىن، ايماق دارەجەلى ەگىن شارۋاشىلىعى سەركە كاسىپورنىنان 158ىن، شارۋالاردىڭ ءتۇرلى كاسىپتىك سەلبەستىك كووپەراتيۆىنەن 3026 سىن قۇردى، ەگىنشى - مالشىلاردىڭ كاسىپتەندىرىلگەن تيجاراتتان كەلەتىن كىرىسىنىڭ ۇستايتىن سالماعى %40تەن استى.


بەرىپ كەت ورامالىڭدى

دوستار

الىستاعى اق ەركە