جاڭا حابارلار

مۇكارام يۇسەن كاسىپ كوزىن اشقاننان بەرى،  ەرەكشە جەمىس- جيدەك ونىمدەرىن شەتەلگە شىعارسام دەگەن ارمانى باستان -اياق وزگەرمەدى

    كەلۋ قاينارى: شينجياڭ حالىق راديو ىستانسياسى    2018-08-12 15:44:16  

  :ستانسيامىزدىڭ ءتىلشىسى ياڭ جيانچياۋ مەن اقسۋ راديو ستانسياسىنىڭ ءتىلشىسى ۋاڭ تونىڭ حابارى

اقسۋ قالاسى ادا يمپورت- ەكسپورت شەكتى جاۋاپكەرلىك سەرىكتەستىگىنىڭ  جاۋاپتىسى  مۇكارام يۇسەن كاسىپ كوزىن اشقان 13 جىلدان بەرى، ونىڭ تۋعان جەرىنىڭ ەرەكشە جەمىس- جيدەك ونىمدەرىن

شەتەلگە شىعارسام دەگەن ارمانى باستان -اياق وزگەرمەدى. ۇزاق جىل تالىقپاي تالپىنۋ ارقىلى  ادا يمپورت- ەكسپورت سەرىكتەستىگى تيجارات ەتكەن اقسۋ ەرەكشە جەمىس- جيدەك ونىمدەرى شەتەلدە تۇراقتى تۇتىنۋشىلار شوعىرىنا يە بولىپ، سەرىكتەستىكتىڭ كىرىسى دە ءۇرتىس ارتتى.  
   جۋىقتان بەرى، اقسۋ قالاسى ادا يمپورت- ەكسپورت شەكتى جاۋاپكەرلىك سەرىكتەستىگىنىڭ باس القاسى  مۇكارام يۇسەن دەرلىكتەي ءار كۇنى سەرىكتەستىكتىڭ قويماسىندا، تاۋار ساقتاۋ ورنىندا قاربالاستىقتان قولى بوسامادى، تاياۋدان بەرى، شەتەلدىك حاريدارلاردىڭ تاپسىرىسى جينالىپ قالعاندىقتان، مۇكارام يۇسەن جەمىس- جيدەك ونىمدەرىنىڭ دەركەزىندە كولىككە تيەلىپ تاسىمالدانۋى مەن شەكارادان شىعارىلۋىن شۇعىل سايكەستىرۋگە تۋرا كەلەدى. ول :«قازىر تيەگەن وسى ءبىر اۆتوكولىك المۇرتتى پاكيستانعا شىعارماقشىمىز، پاكيستانداعى حاريدارلار  بىزبەن جىلىنا 20 مىڭ توننالىق توقتام جاساستى»،- دەدى. 
     سىرتقى ساۋدا جولىنا ءتۇسۋ ءجايلى توقتالعاندا، مۇكارام يۇسەن تىلشىگە ەرەكشە تەبىرەنىستى كوڭىل- كۇيمەن: «90- جىلداردا شينجياڭدا شەكارا وتكەلى بولماعان، تەك بەيجيڭگە بارىپ، شەتەلدىك حاريدارلارمەن تىكە جولىعاتىنبىز، حاريدارلار جىبەككە قىزىعاتىن، سول كەزدە ءبىز سۋجوۋدان پاكيستانعا جىبەك ەكسپورت ەتتىك، ساۋدامىز كۇسەت   بولدى»،- دەدى.
2005- جىلى، مۇكارام  يۇسەن اقسۋدان شەتەل ساۋدا بازارىنىڭ ساۋدا ورايىن بايقادى، سونىمەن ول  اۋىلىنا قايتىپ تىزىمدەلىپ، سەرىكتەستىك قۇرىپ، اقسۋدىڭ ەرەكشە جەمىس- جيدەك ونىمدەرىن ارناۋلى ساتتى. الايدا بارلىق ءىستىڭ باستالۋى قيىن، سەرىكتەستىك ەندى عانا جۇمىس باستاعان العاشقى  كەزدەگى ءبىر قىدىرۋ ماسەلەلەردەن مۇكارام يۇسەننىڭ ساعى سىندى، تۋىس- تۋعاندارىنىڭ كومەگىندە، مۇكارام يۇسەن تابان تىرەپ تۇپ- تۋرا 13 جىل وسى جۇمىسپەن اينالىستى. ول:« ءبىز ديحاندارمەن ۇزاق مەرزىم سەلبەسىپ، ارامىزدا سەنىمدىك جانە دوستىق قاتىناس ورنادى. مەن ولارعا جاۋاپتى بولۋىم ءتيىس.  كەيدە وسى جۇمسىتان قول ءۇزۋدى دە ويلايمىن، جەمىس ەككەن ديحاندار، اقسۋدىڭ اۋىل شارۋاشىلىق ونىمدەرىن سىرتقا ساتۋ مەنىڭ قوزعاۋشى كۇشىمە اينالدى»،- دەدى. 
  كەزەكتە، اقسۋ قالاسىندا جەمىس- جيدەكتەردىڭ پىسىپ بازارعا شىعاتىن مەرزىمى كەلىپ جەتتى، بۇل ءارى مۇكارام يۇسەننىڭ ءبىر جىلدا ەڭ قاربالاس كەزى، ول، قازىر ءوزىنىڭ ەڭ زور تىلەگىنىڭ  اقسۋ ايماعىنداعى اناعۇرلىم كوپ جەمىس- جيدەك جانە اۋىل شارۋاشلىق قوسىمشا ونىمدەرىن دۇنيە ءجۇزىنىڭ جەر- جەرىنە ساتىپ، ءتىپتى كوپ شەتەلدىك دوستاردىڭ جۇڭگو شينجياڭ اقسۋىنىڭ ەرەكشە ونىمدەرىن ءبىلىپ، ءدامىن تاتۋىنا مۇمكىندىك جاراتۋ ەكەنىن ايتا كەلىپ:« ءبىز ءبىر بەلدەۋ، ءبىر جول  ۇندەۋى مەن ۇكىمەتتىڭ سىرتقى ساۋدانى قولداۋىنا يە بولدىق، سول سەبەپتى بۇرىنعىدان بەتەر قۇلشىنۋىمىز ءتيىس. باس شۋجي شي جينپيڭ، جاڭا ءداۋىر كۇرەسكەرلەردىڭ ءداۋىرى دەگەن بولاتىن، كاسىپورننىڭ جاۋاپتىسى رەتىندە، مەنىڭ اقسۋدىڭ جەمىس- جيدەگىن، اۋىل شارۋاشىلىق قوسىمشا ونىمدەرىن ءتىپتى كوپ ەلگە شىعارۋ جاعىندا جاۋاپكەرلىگىم بار»،- دەدى. 

 


بەرىپ كەت ورامالىڭدى

دوستار

الىستاعى اق ەركە