جاڭا حابارلار

قۇتىبي اۋدانى يۋانحۋسۇن قالاشىعى شياسانگۇڭ قىستاعىنىڭ تۇرعىنى ما يۇيجۇن كەدەيلىككە مويىنسال بولماي، قات-قابات قيىنشىلىقتار مەن ساتسىزدىكتەردى باستان كەشىرە ءجۇرىپ، ساماۋىر سورپاسى اس-سۋ كاسىبىن دامىتۋعا بار قايراتىن سالدى

    كەلۋ قاينارى: شينجياڭ حالىق راديو ىستانسياسى    2018-08-12 23:57:19  

  قۇتىبي اۋداندىق راديو ستانسياسىنىڭ تىلشىلەرى گۋ شىۋىن مەن ۋاڭ جۋاننىڭ حابارى :

قۇتىبي اۋدانى يۋانحۋسۇن قالاشىعى شياسانگۇڭ قىستاعىنىڭ تۇرعىنى ما يۇيجۇن كەدەيلىككە مويىنسال بولماي، قات-قابات قيىنشىلىقتار مەن ساتسىزدىكتەردى باستان كەشىرە ءجۇرىپ، ساماۋىر سورپاسى اس-سۋ كاسىبىن دامىتۋعا بار قايراتىن سالدى.  قۇتىبي اۋداندىق راديو ستانسياسىنىڭ تىلشىلەرى  گۋ شىۋىن مەن ۋاڭ جۋاننىڭ حابارى :
     1990- جىلى وتباسىنىڭ ءال-اۋقاتىن جاقسارتۋ ءۇشىن، ما يۇيجۇن جاراقسىز، كونە بولات-تەمىر ساۋداسىمەن اينالىسادى، ول ءتورت توڭىرەككە شاقپىلاپ، جەر- جەردەن جاراقسىز بولات-تەمىر جيناپ، ونى بولات-تەمىر زاۆودىنا ساتىپ، وتباسىنىڭ جاعايىن بىرتىندەپ وڭايدى. 2000- جىلى، تۇراقتى قور جيناعاننان كەيىن، ما يۇيجۇن توسىن  كاسىپ اۋىستىرىپ، اس-سۋ كاسىبىمەن شۇعىلدانا باستايدى، دوس-جاراندارىنان ساماۋىر سورپاسى كاسىبىنەن تابىس تابۋعا بولاتىنىن ەستىگەن ول جيناعان اقشاسىن الىپ، ۇرىمجىدەن ساماۋىر سورپاسى اسحاناسىن اشادى.  ورتا جولدا باسقا كاسىپكە اۋىسۋدىڭ  وزىندىك قىرى مەن سىرى مول بولادى عوي، ساماۋىر سورپاسى اسحاناسى نە ءبارى جارىم جىلدا جابىلىپ قالادى. ول تىلشىگە: «زيانعا بەلشەمنەن باتىپ، قالتام قاعىلدى، باسقالارعا دا قارىزدار بولدىم، ەكى بالام بولسا وقۋدا، ولارعا دا اقشا قاجەت، كوپ تولعانىپ اقىرى جىعىلعان جەرىمنەن قايتا تۇرەگەلۋ ويىنا كەلدىم»،-دەدى.
      ساتسىزدىكتەن اشتى ساباق قابىلداعان ما يۇيجۇن، ءسوزجوق، شينجياڭدىقتار ۇناتىپ جەيتىن ساماۋىر سورپاسىن جاساۋ بەكىمىنە كەلەدى. ول ىلگەرىندى-كەيىندى چۇڭچيڭ، چىڭدوۋ سياقتى جەرلەرگە بارىپ، جۇمىس ىستەي ءجۇرىپ ساماۋىر سورپاسى نەگىزگى ماتەريالدارىنىڭ ىڭعايىن قاراستىرادى، ماتەريالداردى قۋىرۋدان تارتىپ، سايكەستىرۋگە؛ ساماۋىر سورپاسىنا قاجەتتى ماتەريالداردى تاڭداۋدان، تۋراپ دايىنداۋعا دەيىن، ما يۇيجۇن قاجىرلىقپەن زەرتتەۋ جۇرگىزەدى، ول بىلاي دەدى: «قايتىپ كەلگەن سوڭ، قىزىل بۇرىش ماتەريالىن قۋىرىپ، تارازىعا سالىپ از-ازدان ولشەپ ارالاستىرىپ، ءدامىن تاتىپ كوردىم، ءدامى ويداعىداي بولماسا، جالعاستى ارالاستىرىپ ءدامىن تاتامىن، سوڭىندا ءدامىن دە بىلە الماي قالامىن.»
     2011 -جىلى، ما يۇيجۇن اقىرى  ءوز ويىنداعىداي ساماۋىر سورپاسى نەگىزدىك ماتەريالىن ازىرلەپ شىعادى، سونىمەن، ول تۋىس-تۋعان، دوس-جاراندارىنان اقشا قارىز الىپ، ساماۋىر سورپاسى ساۋداسىن قايتا باستايدى، وسىدان باستاپ ما يۇيجۇن ناعىز ساماۋىر سورپاسى كاسىپكەرىنە اينالادى. ساۋدا باستاعان كۇننەن باستاپ ساۋداسى جاندانىپ، ما يۇيجۇن شينجياڭنىڭ جەر-جەرىنەن 42  بىرىككەن ساماۋىر سورپاسى اسحاناسىن اشتى. اۋقاتتانعاننان كەيىن ما يۇيجۇن الەۋمەتتىك يگىلىك ىستەرىنە قاتىناسۋدى ەسىنەن شىعارماي، وتباسىندا قيىنشىلىعى بار وقۋشىلارعا قارجىلاي كومەكتەسىپ، ءىس جۇزىندىك ارەكەتى ارقىلى قوعامعا العىسىن بىلدىرەدى. ما يۇيجۇن تىلشىگە: «مەن وقىماعام، سوندىقتان دا وقۋشىلارعا كوڭىل بولگىم كەلەدى، الەۋمەتتىك يگىلىك ىستەرىنە ۇزدىكسىز ات سالىسامىن»-دەدى.
      جاپا-ماشاقاتتى يگىلىك جاراتۋ جولىندا ما يۇيجۇن باستان-اياق اسقاق ارماننىڭ سوڭىندا كەلەدى، بۇگىنگى كۇندە، 50 دى ەڭسەرگەن ول ساماۋىر سورپاسى نەگىزدىك ماتەريالدارىن تۇتاس ەلىمىزگە بەت الدىرۋدا، ول بىلاي دەدى: «ءدامى تىل ۇيىرەتىن ساماۋىر سورپاسى نەگىزدىك  ماتەريالىن شينجياڭنان وزگە جەرلەرگە بەت الدىردىم. ءبىز جاڭا ءداۋىردىڭ كۇرەسكەرلەرىمىز، دەمەك، تىنباي قۇلشىنا ۇيرەنگەندە عانا باقىتتىڭ بال ءدامىن تاتۋعا بولادى.» 

 

 

 


بەرىپ كەت ورامالىڭدى

دوستار

الىستاعى اق ەركە