جاڭا حابارلار

ۇستالىق رۋحتى جالعاستىرىپ، «ءبىر بەلدەۋ، ءبىر جول» قۇرىلىسىنا قىزمەت كورسەتتى

    كەلۋ قاينارى: شينجياڭ گازەتى    2018-08-13 17:45:29  

− شينجياڭ مۇناي الابى سەرىكتەستىگى بارلاۋ - اشۋدى زەرتتەۋ مەكەمەسى مۇناي گازىن زەرتتەۋ ورنى پارتيا باس ياچەيكاسىنىڭ جاس مۇشەسى عاني مامەت جونىندە
ەرىكتى ءتىلشى حۋ ياڭ
 

كاسىپپەن شۇعىلدانعان 20 نەشە جىلدان بەرى، عاني مامەت باستان - اياق نىسان قۇرىلىسىنىڭ ەڭ الدىڭعى شەبىندە تاباندى تۇرىپ كەلدى. 2003 - جىلى ول شەتەلدەگى تۇڭعىش نىسان قىزمەتىنە قاتىناسۋدى ىرىقتىلىقپەن ءوتىنىش ەتتى، 2011 - جىلى ۇيىرمە باستاپ شەتەلدەگى نىسانعا جاۋاپتى بولدى، عاني مامەت ۇستالىق رۋحىن جالعاستىرۋعا باستان - اياق تاباندى بولىپ، ۇيىرمە مۇشەلەرىن باستاپ «ءبىر بەلدەۋ، ءبىر جول» قۇرىلىسىنا بەلسەنە ارالاسىپ، جۇڭگونىڭ تەحنيكاسىن شەتەلدە ايگىلەدى. ونىڭ باسىپ وتكەن ءومىر جولى تاباندىلىق، ىسكەرلىك جانە ساپاعا ءمان بەرۋ جاعىنداعى جاسامپازدىق ىزدەنىسكە تولى. 

 پارتيا ءۇشىن قىزمەت ىستەۋ − ماڭداي الدى ءىس  2003 - جىلى 11 - ايدا عاني مامەت شەتەلدەگى نىسان قۇرىلىسىنا قاتىناسۋ ساپارىن باستادى. سول كەزدە عاني مامەتتىڭ قىزى ءمادينا عاني بالاباقشاعا ءتۇسۋ الدىندا تۇرعان ەدى، عاني مامەت ۇزاق ۋاقىت شەتەلدە قىزمەت ىستەگەندىكتەن، ايەلى دە سىرت جەردە قىزمەت ىستەيتىندىكتەن، ەكەۋىنىڭ دە بالانى بالاباقشاعا اپارىپ - اكەلۋى مۇمكىن ەمەس ەدى، سونىمەن قىزىن تۋىس - تۋعاندارىنا تاپسىرىپ جاقىن ارالىقتاعى بالاباقشاعا اپارادى.  نىسان گرۋپپاسى شەتەلدە 70 كۇن قىزمەت ىستەگەننەن كەيىن، ەلگە قايتىپ كەلىپ 20 كۇن دەمالادى، دەمالعان كەزدە عاني مامەت ۇنەمى جۇمىس ورنىنا بارىپ قىزمەت ىستەيدى، ۇيدە بولاتىن ۋاقىتى وتە از. مۇناي ايىرۋ زاۆودىنىڭ بالاباقشاسى، چاڭجىڭ بالاباقشاسى، نانلين بالاباقشاسى، كاڭلى بالاباقشاسى... 4 جىلدا قىزى تۋىس - تۋعاندارىنىڭ ىڭعايىنا قاراي 6 بالاباقشاعا اۋىستى. 

 عاني مامەت: سول كەزدە ءار رەت ايەلىم بالانى تاعى ءبىر بالاباقشاعا اۋىستىرعانىن ايتقاندا، قاتتى ابىرجيتىنمىن، الايدا ايەلىم ۇنەمى «وتباسىمىزدان الاڭداماي، قىزمەتىڭدى تىڭعىلىقتى ىستە» دەپ كوڭىلىمدى اۋلايتىن، - دەدى.  2012 - جىلى 11 - ايدا عاني مامەتتى باعىپ ەرجەتكىزگەن ۇلكەن اپەكەسى راك اۋرۋىنا شالدىعادى، عاني مامەت ىشتەي قاتتى قامىعادى. قىزمەتتى كەشەۋىلدەتپەۋ ءۇشىن، ول ءۇرتىس ءبىر اپتا ۇستەمەلەپ ىستەپ، قاتىستى قىزمەتىن ورىنداپ، نىسان گرۋپپاسىنىڭ قىزمەتىن ويداعىداي ورنالاستىرعان سوڭ، ەلگە قايتىپ كەلىپ، شيپاحاناعا بارادى. ۇلكەن اپەكەسىنە وپەراتسيا جاسالىپ بولعان سوڭ، ول دەرەۋ شەتەلگە قايتا كەتەدى. قىزمەتتەستەرى ونى «كوپتىڭ عانا قامىن ويلاپ، ءوز مۇددەسىن ويعا الماۋ جاعىنداعى ۇلگىمىز» دەپ القاعان كەزدە عاني مامەت: مەن كوممۋنيسپىن، ۇزدىك، ونەگەلىك رولىمدى ساۋلەلەندىرىپ، پارتيا ءۇشىن قىزمەت ىستەۋ − ماڭداي الدى ءىسىم، - دەيدى. 

 تەحنيكالىق جاقتان قىزمەت كورسەتۋدە شەتەلدىكتەردىڭ القاۋىنا بولەندى  

  2011 - جىلى عاني مامەت تۇڭعىش رەت نىسان گرۋپپاسىنىڭ باستىعى بولىپ، 13 كاسىپتىك - تەحنيكالىق قىزمەتكەردى باستاپ، شەتەلدە نىسان تەحنيكاسىنا قولداۋ كورسەتۋگە جاۋاپتى بولدى.  عاني مامەت ەسكە الىپ بىلاي دەدى: العاش كەلگەندە شەتەلدىك كاسىپتەستەرىمىز ءبىزدى ونشا بويلارىنا توعىتپادى، ءبىزدىڭ تەحنيكاعا قولداۋ كورسەتۋ قابىلەتىمىزگە كۇدىكپەن قارادى.  

 عاني مامەت قاتىستى وڭىرلىك تەحنيكتەردى باستاپ گەولوگيالىق اشۋعا قاداعالاي تالداۋ جاساپ، ولاردىڭ ماتەريالداردى تۇسىنۋىنە، ماسەلەگە تالداۋ جاساۋىنا، وندىرىسكە ىقپال جاسايتىن نەگىزگى فاكتورلاردى تاۋىپ شىعۋىنا، جاعدايعا نەگىزدەلە وتىرىپ ماي تارتۋ قۇدىقتارىن باقىلاپ - ولشەۋگە جانە وڭىرلىك قۇدىقتار مەن ماي تارتۋ قۇدىقتارىنىڭ تەحنيكالىق شارالارىن بەلگىلەۋىنە كومەكتەستى. سونىمەن قاتار، عاني مامەت نىسان گرۋپپاسىنىڭ كاسىپتىك جاقتان قاداعالاي تالداۋ جاساۋ ابزالدىلىعىن ساۋلەلەندىرىپ، شەتەل سەرىكتەستىكتەرىندەگى شەشىم جاساۋشىلاردى قىرۋار دالەل - سىپات ساندى مالىمەتىمەن قامداپ، ماڭىزدى پايدالانۋ رولىن ساۋلەلەندىردى. 

 2014 - جىل − عاني مامەتتىڭ شەتەلدەگى قىزمەتىنەن ناتيجە جاراتقان جىل بولدى. سول جىلى نىسان گرۋپپاسى قامداعان بارلاۋ - اشۋدى ءبىر تۇلعالاندىرۋ، عىلمي زەرتتەۋ مەن ءوندىرۋدى ءبىر تۇلعالاندىرۋ، گەولوگيا ينجەنەرياسىن ءبىر تۇلعالاندىرۋ جاعىنداعى ەرەكشە تەحنيكاسى جاڭا قۇدىق ءوندىرىس قۋاتى قۇرىلىسى قىزمەتىنىڭ ورىندالۋىنا كورنەكتى تۇردە قولداۋ كورسەتتى، سونداي - اق اتقارۋ بارىسىندا، قۇدىق بۇرعىلاۋ قارقىنىن ءجىتى قاداعالاپ، رەتتەۋ جونىندە دەر كەزىندە پىكىر بەرىپ، قۇدىق بۇرعىلاۋ ونىمدىلىگىن %100كە جەتكىزىپ، ءوندىرىس قۋاتىن بارىنشا جوعارىلاتىپ، شەتەلدىڭ اشۋ جاعىندا توقىراعان جاعدايىن وڭادى. سونىمەن شەتەلدىك جاۋاپتىلار نىسان گرۋپپاسىنا ارنايى العىس حات جازدى. 

 شاكىرت باۋلۋ ارقىلى ۇستالىق رۋحتى جالعاستىردى  

  2013 - جىلدىڭ سوڭعى جارتىسىنان باستاپ، زەرتتەۋ ورنىندا جاس جولداستار جوسپارلى تۇردە نىسان گرۋپپاسىندا شىنىعۋعا ورنالاستىرىلدى. عاني مامەت قاتىستى تەحنيكالىق جاقتان جەتەكش

ىلىك ەتۋدى بەلسەندىلىكپەن ءوز ۇستىنە الىپ، ۇستازدىڭ شاكىرت باۋلۋى فورماسىن قولدانىپ، جاستاردىڭ تەز ارادا جەتىلۋىنە كومەكتەستى. قازىر عاني مامەت دەن قويا جەتەكشىلىك ەتكەن تەحنيكالىق جاس قىزمەتكەرلەر تولىسىپ جەتىلىپ، بىرتىندەپ تىرەكتى كۇشكە اينالىپ، ۇيىرمەنىڭ دامۋىنىڭ ارىنداي بەرۋىنە كەپىلدىك ەتتى. 

 زەرتتەۋ ورنىندا ورىستەتىلگەن «ۇستازدىڭ شاكىرت باۋلۋى» قيمىلىندا، عاني مامەت لۋ جىميڭمەن جۇپ قۇرادى. شەتەلدە بىرنەشە جىل تەحنيكالىق جاقتان قىزمەت كورسەتكەن عاني مامەت تەحنيكادا ناق مايداندا قولداۋ كورسەتۋ جانە عىلمي زەرتتەۋ قىزمەتى جاعىندا توپتاعان تاجىريبەلەرىن لۋ جىميڭگە قالتقىسىز ۇيرەتتى. ونىڭ كومەگىندە، لۋ جىميڭ ناق مايداندا قىزمەت ورىستەتە الاتىن بولدى.  

 جاستاردى باۋلۋدا جۇرەكتىلىكپەن باتىلدىق كورسەتۋگە تۋرا كەلەدى، عاني مامەت ءبىر عىلمي زەرتتەۋ نىسانىنىڭ عىلمي زەرتتەۋ تاقىرىبىن لۋ جىميڭگە دەربەس جاۋاپتى بولۋعا تاپسىرادى. ۇستازىنىڭ مۇقيات جەتەكشىلىك ەتۋىندە، لۋ جىميڭ قىزمەتىن ناتيجەلى ورىندايدى. قازىر لۋ جىميڭ نىسان گرۋپپاسىنداعى جاس تىرەكتى كۇشكە اينالدى. 

 بۇگىنگى كۇندەرى عاني مامەتتىڭ ۇيىرمەسى شينجياڭ مۇناي الابىنداعى ۇزدىك قوسىنعا اينالدى، عاني مامەت بىلاي دەدى: مەيلى قانداي ورىندا بولسام دا، كوممۋنيستەرگە ءتان قاسيەتىمدى ساقتاپ، اۋىر مىندەتتى باتىلدىقپەن ارقالاپ، قىزمەتتەستەرىممەن بىرگە «ءبىر بەلدەۋ، ءبىر جول» قۇرىلىسى ءۇشىن قۇلشىنا كۇرەسەمىن. 


بەرىپ كەت ورامالىڭدى

دوستار

الىستاعى اق ەركە