جاڭا حابارلار

قىستاق تۇرعىندارىن ەكولوگيالىق يگىلىككە كەنەلدىردى

    كەلۋ قاينارى: شينجياڭ گازەتى    2018-08-16 18:32:55  

− التاي ايماقتىق ورتا دارەجەلى حالىق سوتى مەكەمەسىنىڭ بۋىرشىن اۋدانى قىزىلقايىڭ قىستاعىندا تۇراتىن «ۇعىسۋ، تيىمدىلىك جاساۋ،  توعىستىرۋ» قىزمەت اترەتى جونىندە
ءتىلشىمىز جاڭ تيڭ
 

بۋىرشىن اۋدانى شۇڭقىر قالاشىعى قىزىلقايىڭ قىستاعىنىڭ توڭىرەگى تاۋمەن قورشالىپ، جاپ - جاسىل ورمانمەن كومكەرىلگەن، بۋىرشىن وزەنى يرەلەڭدەپ اعىپ وتەدى. وسى 2 جىلدا، التاي ايماقتىق ورتا دارەجەلى حالىق سوتى مەكەمەسىنىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتى مەن قىستاق «ەكى كوميتەتىنىڭ» بىرگە قۇلشىنۋىندا، قىزىلقايىڭ قىستاعى كوركەيىپ، ادامدار جاسىل تاۋ، تۇنىق سۋلى ەكولوگيالىق يگىلىكتىڭ بال ءدامىن تاتتى. 

 سالت - سانا ساياحاتىن دامىتتى  

 8 - ايدىڭ 4 - كۇنى تاڭەرتەڭ، قىزىلقايىڭ قىستاعىنداعى سالت - سانانى كورسەتەتىن 1 - ءنومىرلى ءۇيدىڭ يەسى توكەن يماش ۇلى قاربالاسقا ءتۇستى، بۇگىن ونىڭ ۇيىنە 9 ساياحاتشى كەلەدى.

  توكەن: بۇرىن قوي جايعاننان باسقا ۋاقىتتا ۇيدە ۇيىقتاپ جاتاتىنمىن. 2017 - جىلى سالت - سانانى كورسەتۋ قوعامىنا قاتىناسقاننان كەيىن، ءار كۇنى كۋرسقا قاتىناسىپ، ۇيلەرىمدى وزگەرتىپ قاربالاستايتىن بولدىم، قازىر وتباسىمىزدىڭ تۇرمىسى بارعان سايىن جاقساردى، بىلتىر 80 مىڭ يۋانداي كىرىس كىرگىزدىك. بيىل ساياحاتشىلار وتكەن جىلدارداعىدان كوپ، كىرىسىمىز دە بىلتىرعىدان مول بولادى، - دەدى. 

 قىزىلقايىڭ قىستاعىندا 217 وتباسى، 662 ادام بار، بۇل ەگىن شارۋاشىلىعىن نەگىز ەتكەن، ەگىن شارۋاشىلىعى مەن مال شارۋاشىلىعى ۇشتاستىرىلعان قىستاق. ادام كوپ، جەر از، جايلىم دا از بولعاندىقتان، قىستاق تۇرعىندارىنىڭ قولى قىسقالاۋ، كەيبىر قىستاق تۇرعىندارى ساياحات شارۋاشىلىعىن دامىتۋدى سىناپ كورگەن بولاتىن، ايتسە دە ساياحاتشىلاردىڭ سانى تىم ماندىمادى. 

 التاي ايماقتىق ورتا دارەجەلى حالىق سوتى مەكەمەسىنىڭ «ۇعىسۋ، تيىمدىلىك جاساۋ، توعىستىرۋ» قىزمەت اترەتى كەلگەننەن كەيىن، قىستاقتاعى بايۋ شەبەرلەرىنىڭ اراسىنان «تىرەكتىلەردى» تاڭداپ، قىستاق «ەكى كوميتەتى» القاسىن تولىقتاپ، نەگىزگى ساتى ۇيىمىنىڭ كۇشىن بەكەمدەدى. 

 تالاي رەت اڭگىمە ءماجىلىس وتكىزىپ، دامۋ وي جەلىسىن اقىلداسۋ ارقىلى قىستاقتىڭ التاي ايماعىنداعى مىڭ شاقىرىمدىق اشەكەيلى دالىزگە، مىڭ شاقىرىمدىق گۇل تەڭىزىنە جانە قاناس ساياحاتىنىڭ نەگىزگى جەلىسىنە ورنالاسۋداي جاعراپيالىق ابزالدىلىعىنا بايلانىستىرىپ، قىزمەت اترەتى مەن قىستاق «ەكى كوميتەتى» ساياحات كاسىبىن قىستاق تۇرعىندارىنىڭ كىرىسىن ارتتىرىپ، بايىتۋداعى قامال الۋ ءتۇيىنى ەتۋدى بەلگىلەدى ءارى قىزىل جاپىراقتى ورمان سالت - سانا ساياحات قوعامىن قۇردى. پارتيا مۇشەلەرىنىڭ جەتەكشىلىك رولىن تولىق ساۋلەلەندىرىپ، «ءبىر پارتيا مۇشەسى + كوپ بۇقارا» سۇيەمەلدەۋ مەحانيزمىن ورناتىپ، ىنتالى قىستاق تۇرعىندارىن قوعامعا قاتىناسۋعا جەتەكتەپ، وتباسىن بىرلىك ەتىپ، سالت - سانانى كورسەتتى ءارى ءبىر تۇتاس جوبالايتىن، ءبىر تۇتاس باسقاراتىن، جارنا بويىنشا پايدا بولىسەتىن سالت - سانا ساياحاتىنىڭ دامۋ ۇلگىسىن تاپتى.

  قازىر قىزىل جاپىراقتى ورمان سالت - سانا ساياحات قوعامىنىڭ مۇشەسى 2016 - جىلى العاش قۇرىلعانداعى 16 وتباسىنان 28 وتباسىنا جەتتى، بيىل بۇعان وسى قىستاقتاعى تاعى 9 وتباسى قوسىلادى.

  تەحنيكالىق شەبەرلىككە تاربيەلەپ، قىزمەت وتەۋ دەڭگەيىن جوعارىلاتتى  «مايدى قىزدىرىپ بولعاننان كەيىن سارىمساقتى، جەمجەمىلدى، ۋسارىمساقتى سال، ەندى چيەزىنى سال...» 8 - ايدىڭ 4 - كۇنى قىستاق تۇرعىنى ارشىنگۇل جۇماقان قىزى اسپازدىق ۇستازى ما شياۋلياڭنىڭ جەتەكشىلىگىندە «ناقتى سوعىسقا» ماشىقتانىپ جاتتى، سالدەن كەيىن سارىمساق ءيىسى مۇرىندى جاراتىن ءبىر تاباق چيەزى دايىن بولدى. ونىمەن بىرگە كەلگەن 17 قىستاق تۇرعىنى ءبىر جاعىنان، مۇعالىمنىڭ ساباعىن تىڭداسا، ەندى ءبىر جاعىنان، مۇقيات ەستەلىك جازدى.  

 «ءبىزدىڭ ۇيرەنگەنىمىزگە 4 كۇن بولدى، مۇعالىم بىزگە بەتپە - بەت ۇيرەتەدى، كۇنىنە 3 ساي قۋىرۋدى ۇيرەنەمىز. ۇيرەنىپ بولعاننان كەيىن، وتباسىلىق ساياحاتىن اشۋدى جوسپارلاپ وتىرمىن»، - دەدى ارشىنگۇل.   اسپازدىق كۋرسىنان تىس، قىزمەت اترەتى قىستاق «ەكى كوميتەتىمەن» بىرگە مەملەكەتتە ءبىر تۇتاس قولدانىلاتىن ءتىل - جازۋ، ساياحات تيجارات تانىمى، قولونەر كەستەشىلىگى سياقتى ساياحات كاسىبىنىڭ دامۋىن جەبەيتىن قابىلەتتى جوعارىلاتاتىن كۋرستاردى دەن قويا ۇيىمداستىرىپ، قىستاق تۇرعىندارىن قىزمەت كورسەتۋ تانىمىن جوعارىلاتىپ، قىزمەت كورسەتۋ ساپاسىن كوتەرۋگە شابىتتاندىردى. بيىل جىل باسىنان قازىرگە دەيىن 9 ءتۇرلى كۋرس اشىپ، 1000نان استام قىستاق تۇرعىنىن تاربيەلەدى.  

 سونىمەن بىرگە، قىستاقتا تۇراتىن قىزمەت اترەتىنىڭ كومەگىندە قىستاق پارتيا ياچەيكاسى قىزىل جاپىراقتى ورماندى تۇيەمەن ساياحاتتاۋ - شارلاۋ قوعامى، ات شانا قوعامى، از ۇلتتار كەستەشىلىك سەلبەستىك قوعامى سياقتىلاردى قۇرىپ، قىستاقتىڭ نەگىزدىك قۇرىلعى قۇرىلىسىمەن ساياحات بايلىعىن اشۋدى، جەرگىلىكتى ورىننىڭ ءداستۇرلى وزگەشە كەستە كاسىبىن دامىتۋدى ءبىر تۇلعاعا اينالدىرىپ، وزگەشە ماركا جاراتىپ، ساياحاتتىڭ دەڭگەيىن جوعارىلاتتى.   مەكەندى ويداعىداي كوركەيتۋ كىرىستى ارتتىردى  قىزىل، سارى، جاسىل، كۇلگىن... قىستاق تۇرعىندارىنىڭ اۋلاسىنا كىرسەڭىز الۋان تۇسكە بويانعان اۋلا كوزىڭىزگە شالىنادى. 

 سوڭعى جىلدارى قىزمەت اترەتى، قىستاق «ەكى كوميتەتى» قىستاقتا وركەنيەتتى جاڭا ستيلدى بارلىق وتباسىنا جەتكىزۋ قيمىلىن بەلسەنە ورىستەتتى. ەكولوگيالىق جاسىلداندىرۋ، تازا رەتتى بولۋ، باستاماشىلدىقپەن اۋقاتتانۋ تالابىنا ساي، قىستاق ءتۇزىمىن، ولشەمىن جاساپ كەمەلدەندىردى ءارى وتباسىن ارالاۋ بارىسىندا بارلىق وتباسىنا ۇگىت جاسادى. اپتا سايىن وتكىزىلەتىن ۇگىت - لەكسيا ورايىنان پايدالانىپ، كەيبىر ناشار ادەتتەردى اشكەرەلەپ، ءنومىر جيناۋ ءتۇزىمى بويىنشا سيلاۋ - جازالاۋدان پايدالانىپ، كوپشىلىكتى ءبىرىن - ءبىرى باقىلاپ، ناشار ادەتتەردى وزگەرتىپ، كوركەم مەكەن قۇرۋ قۇرىلىسىنا بەلسەنە ات سالىسۋعا جەتەكشىلىك ەتتى.  

 بۇل كۇندەرى، قىزمەت اترەتى، قىستاق «ەكى كوميتەتى» جانە قىستاق تۇرعىندارىنىڭ بىرگە قۇلشىنۋىندا قىزىلقايىڭ قىستاعىندا «ءۇي ءىشى وسىزاماندانعان، اۋلاسى جاسىل مانات جامىلعان» تاماشا جاعداي جارىققا شىقتى.  

 بيىل قىزمەت اترەتى مەن قىستاق «ەكى كوميتەتى» ورمان شارۋاشىلىعىن جانە جەر بايلىعىن جانداندىرىپ، اۋلا شارۋاشىلىعىن دامىتىپ، كوركەم اۋىل - قىستاقتان كوركەم ەكونوميكاعا قاراي بۇرىلىس جاساۋدى ىلگەرىلەتىپ، قورشاعان ورتانى جونگە سالۋ، ەكولوگيالىق ساياحات سياقتىلاردى دامۋ باسىمدىعىنا اينالدىرىپ، شارۋالار ساياجايى، تۇرعىندار قوناقجاي سياقتى جاڭادان گۇلدەنگەن كاسىپ سالالارىن ساپالىلاندىرىپ، الۋەتتەندىرىپ، قىستاقتىڭ كوللەكتيۆ شارۋاشىلىعىن دامىتۋ، زورايتۋ جانە قىستاق تۇرعىندارىنىڭ تابىس ارناسىن كەڭەيتۋ جولىنا تىڭ ومىرشەڭدىك كۇش ۇستەپ، ءداستۇرلى اۋىل - قىستاقتا تىرشىلىكتىڭ تىڭ لەبىن ەستىرۋدى جوسپارلاۋدا ەكەن.


بەرىپ كەت ورامالىڭدى

دوستار

الىستاعى اق ەركە