جاڭا حابارلار

 ناۋقاستارعا شىن پەيىلىمەن جاردەمدەستى

    كەلۋ قاينارى: شينجياڭ حالىق راديو ىستانسياسى    2018-08-17 12:26:26  

 يانجي اۋداندىق راديو-تەلەۆيزياسىنىڭ ءتىلشىسى ما گوچيڭ مەن سۋ جياننىڭ حابارى :
يانجي اۋداندىق حالىق شيپاحاناسىنىڭ ورىنباسار باستىعى،  اعا شيپاگەر حى چۇڭجۇن شيپاگەرلىكپەن شۇعىلدانعان 30 جىلدا،  وتە كۇردەلى  سۇيەك ءبولىمى وپەراتسياسىنان  3 مىڭنان ارتىعىن ءساتتى جاسادى،  ناۋقاستاردىڭ ءبارى ونى  « سۇيەك ءبولىمىندەگى ناۋقاستاردىڭ قورعاۋشىسى» دەپ اتادى،  

     8-ايدىڭ 13- كۇنى، يانجي اۋدانى يۇڭنيڭ قالاشىعىنىڭ ديقانى راحىمان ادەك حى چۇڭجۇنعا العىس تۋىن ۇسىنىپ، حى چۇڭجۇننىڭ ونىڭ 10 نەشە جىل بويى مازالاپ كەلگەن بۋىن قابىنۋ ناۋقاسىن ەمدەپ ساۋىقتىرعانىنا العىسىن ءبىلدىردى. راحىمان ادەك: وپەراتسيا وتە ءساتتى بولدى، شيپاحانا باستىعىنا، كوممۋنيستىك پارتياعا راحىمەت،-دەدى.  راحىمان ادەكتىڭ تىزە بۋىنى قابىنۋ ناۋقاسىنا شالدىققانىنا 10 نەشە جىل بولعان، تىزەسىنىڭ ءپشىنى اۋىر دارەجەدە وزگەرىپ جۇرۋدەن قالعان. ءبىر جولعى كەزدەيسوق ورايدا، اۋداندىق شيپاحاناداعى حى چۇڭجۇننىڭ ەمدەۋ تاكتيكاسىنىڭ ەرەن ەكەنىن ەستىپ، ونىى ىزدەپ بارادى. حى چۇڭجۇن مەن قىزمەتتەستەرى قايتا-قايتا تەكسەرىپ دياگنوزىن ايىرۋ ارقىلى وعان تىزە بۋىنىن اۋىستىرۋ وپەراتسياسىن جاساۋدى ۇيعارادى. وپەراتسيادان كەيىن، راحىمان ادەكتىڭ ءپىشىنى وزگەرگەن تىزەسى قالىپىنا كەلەدى، كوپ وتپەي جەرگە ءتۇسىپ جۇرە الاتىن بولادى.  

   حى چۇڭجۇننىڭ شيپاگەرلىكپەن شۇعىلدانعانىنا 34 جىل ،  پارتياعا مۇشە بولعانىنا 33 جىل، سۇيەك بولىمىندە ىستەگەنىنە 20 نەشە جىل بولدى. ءار ءبىر ناۋقاسقا مۇقيات جاۋاپتى بولىپ، وتە كۇردەلى سۇيەك ءبولىمى وپەراتسياسىنان 3  مىڭنان ارتىعىن جاسادى، كاسىپتەستەرى مەن  ناۋقاستار ونى « سۇيەك ءبولىمىندەگى ناۋقاستاردىڭ  قورعاۋشىسى»،-دەپ اتادى. جەرگىلىكتى ورىنداعى اناعۇرلىم كوپ شيپاگەردىڭ سۇيەك ءبولىمى تەحنيكاسىن يگەرۋىنە مۇمكىندىك اپەرۋ ءۇشىن، حى چۇڭجۇننىڭ باستاماشىلىعىندا، يانجي اۋداندىق حالىق شيپاحاناسى سۇيەك ءبولىمىن قۇرادى، ول ۇيرەنگەن بىلىمدەرى مەن تەحنيكالىق ونەرىن جاس شيپاگەرلەرگە دەن قويا ۇيرەتەدى، قازىر، سۇيەك بولىمىندە 20 كاسىپتىك شيپاگەر بار، سۇيەك ءبولىمىنىڭ شيپاگەرى بىن جىچياڭ بىلاي دەدى:  ول دارىندىلار قوسىنى قۇرىلىسىنا جانە جاس شيپاگەرلەردى باۋلۋعا ەرەكشە ءمان بەرەدى. ءبىز شيپاحانا باستىعى حى چۇڭجۇندى ۇلگى تۇتىپ، تەحنيكادا ىسىلعان، ناۋقاستارعا تىڭعىلىقتى قىزمەت وتەيتىن مىقتى شيپاگەردەن بولۋعا كۇش سالامىز.   سوڭعى جىلداردان بەرى، اۆتونوميالى رايون حى چۇڭجۇنعا« ەلەۋلى ۇلەس قوسقان مامان، ۇزدىك قىزمەتكەر، تاڭداۋلى پارتيا مۇشەسى» سياقتى اتاقتار بەردى. ناۋقاستاردى جاناشىر جاقىنىنداي كورۋ - حى چۇڭجۇن شيپاگەرلىكپەن اينالىسقاننان بەرگى ومىرگە دەگەن ۇستانىمى، بار ىنتا-پەيىلىمەن ناۋقاستارعا قىزمەت وتەۋ  كوممۋنيستىك پارتيا مۇشەسىنىڭ ماقساتى، حى چۇڭجۇن بىلاي دەدى: قۇلشىنا ۇيرەنىپ، كاسىپتىك تەحنيكالىق قابليەتىمدى جوعارىلاتىپ، جەرگىلىكتى ورىنداعى بۇقارانى  ۇلكەن شيپاحانالاردا عانا وپەراتسيا جاساتۋعا بولادى دەگەن  يدەيادان ارىلتامىن. الداعى قىزمەت بارىسىندا، كۇش ۇستىنە كۇش قوسىپ، سۇيەك ءبولىمىنىڭ شيپاگەرلەر قوسىنىن باستاپ، كۇش سالا جاڭالىق جاساپ، قىزمەتتى تىڭعىلىقتى ىستەپ،  سۇيەك ءبولىمىن  تاعى ءبىر جوعارى بەلەسكە كوتەرىپ، يانجي ويپاتىنداعى بۇقاراعا اناعۇرلىم  جاقسى قىزمەت وتەۋگە كۇش سالامىن. 
 
 
 


بەرىپ كەت ورامالىڭدى

دوستار

الىستاعى اق ەركە