جاڭا حابارلار

جۇڭگو كوممۋنيزيم قوزعالىسىنىڭ ۇزدىك ۇگىتشىسى- اعارتۋشىسى ماۋ جيانچيڭ

    كەلۋ قاينارى: شينجياڭ حالىق راديو ىستانسياسى    2018-08-19 20:37:24  

 «جۇڭگو كوممۋنيزيم قوزعالىسىنىڭ ۇزدىك ۇگىتشىسى- اعارتۋشىسى ماۋ جيانچيڭمەن» تانىساسىزدار:
  ماۋ جيانچيڭ، 1891-جىلى 11-ايدا حۋنان ولكەسىنىڭ پيڭجياڭ اۋدانىندا دۇنيەگە كەلگەن. 1913- جىلى جاپونياعا وقۋعا بارعان، 1921- جىلى جاپونيانىڭ توكيو يمپەريا داشۋەسىنەن وقۋ بىتىرگەن. 1922- جىلى جۇڭگو كوممۋنيستىك پارتياسىنا مۇشە بولعان.
  1924- جىلى، ماۋ جيانچيڭدى پارتيا ۇيىمى حۋاڭپۋ اسكەري مەكتەبىنە بارىپ ساياسي تاربيەشى مىندەتىن اتقارۋعا جىبەرەدى. 1925- جىلى گۋاڭشي ولكەسىنىڭ ۋجوۋ قالاسىنا بارىپ پارتيا قىزمەتىن ورىستەتەدى، سول جىلدىڭ سوڭىندا گۋاڭشيداعى ەڭ العاشقى پارتيا ياچەيكاسى ــ ۋجوۋ پارتيا ياچەيكاسىن قۇرادى. 1926- جىلى كوكتەمدە قوسىمشا حۋاڭپۋ اسكەري مەكتەبىنىڭ ناننيڭداعى ءبىرىنشى بولىمشە مەكتەبىنىڭ ساياسي تاربيەشىسى مىندەتىن اتقارادى، سونىمەن بىرگە، جاڭادان قۇرىلعان جۇڭگو كوممۋنيستىك پارتياسى ۋجوۋ جەرگىلىكتى اتقارۋ كوميتەتىنىڭ ۇگىتكە جاۋاپتى مۇشەسى بولادى.  
  1927- جىلى« 12-ءساۋىر» كەرى توڭكەرىستىك ساياسي وزگەرىسىنەن كەيىن،  جۇڭگو كوممۋنيستىك پارتياسى حۋنان ولكەلىك پارتكوم ماۋ جيانچيڭدى پيڭجياڭعا شاقىرتىپ الادى. ما- رى  ۋاقيعاسىنان كەيىن، ول جۇڭگو كوممۋنيستىك پارتياسى حۋنان ولكەلىك پارتكومنىڭ كانديدات مۇشەسى، قوسىمشا پيڭجياڭ اۋداندىق پارتكومنىڭ شۋجيى مىندەتىن اتقارىپ، « پيڭجياڭ جۇمسىشى-ديقان جاۋ جۇرەكتەر قوسىنىن» قۇرۋعا باسشىلىق ەتىپ، پيڭجياڭ اۋدان قالاشىعىنا شابۋىلداپ، توڭكەرىستىك اكىميات قۇرادى. كەيىن، «پيڭجياڭ  جۇمسىشى-ديقان جاۋ جۇرەكتەر قوسىنى»  كۇزگى جيىن-تەرىن كوتەرىلىسىنە قاتىناسادى ءارى ماۋ زىدۇڭنىڭ قولباسشىلىعىندا جيڭگاڭشانعا جورىق جاساپ، توڭكەرىستىك بازانى اشادى. ىلە- شالا، ول حۋنان جۇمىسشى-ديقان توڭكەرىستىك ارمياسى پيڭ جياڭ، شياڭيىن، يۋەياڭ پارتيزاندار باس اتىرەتىن باسقارىپ قۇرادى. 1928- جىلى 3-ايدىڭ 16- كۇنى، پارتيزاندار باس اترەتىنە جانە نەشە 10 مىڭداعان جۇمىسشى- ديقان بۇقاراسىنا قولباسشىلىق ەتىپ، پيڭجياڭ اۋدان قالاشىعىن باسىپ الادى ءارى «3-ايداعى پيڭجياڭعا باسىپ كىرۋ» كۇرەسىن  قوزعاپ، جاۋعا سىلەيتە سوققى بەرەدى.
  1928- جىلى 6-ايدا، ماۋ جيانچيڭ حۋنان ولكەسىنىڭ ۋاكىلى بولىپ موسكۆادا وتكىزىلگەن پارتيانىڭ 6-رەتكى مەملەكەتتىك قۇرىلتايىنا قاتىناسىپ، حۋنان ۋاكىلدەر ۇيىرمەسىنىڭ شۋجيى مىندەتىن وتەپ، قۇرىلتايدىڭ ءتوراعالار القاسىنىڭ مۇشەسى، ۋاكىلدەردىڭ تولىمدىلىعىن تەكسەرۋ كوميتەتىنىڭ مۇشەسى بولىپ سايلانادى ءارى قۇرىلتايدا ساياسي، ۇيىم، ديقانداردىڭ جەر ماسەلەسى سياقتى 7 كوميتەتتىڭ مۇشەسى بولىپ تاعايىندالىپ، قۇرىلتايعا قاتىناسىپ باسشىلىق ەتەدى. وسىدان كەيىن، كوممۋنيستىك ينتەرناتسيونالدىڭ 6- قۇرىلتايىنا قاتىناسادى.
   1928- جىلى قىستا، ماۋ جيانچيڭ شاڭحايعا قايتىپ بارىپ، مەملەكەتتىك سەلبەستىك باس قوعامىندا قىزمەت ىستەيدى. 
   1931- جىلى، ماۋ جيانچيڭ حۋنان مەن حۋبيدىڭ باتىسىنداعى توڭكەرىستىك بازاعا جىبەرىلىپ، جۇڭگو كوممۋنيستىك پارتياسى حۋنان مەن حۋبەيدىڭ باتىسىنداعى ولكەلىك كوميتەتتىڭ ورگان گازەتى ـــ « قىزىل تۋ گازەتىنىڭ» باس رەداكتورى بولىپ ىستەيدى. جاپا-ماشاقاتتى كۇرەس ورتاسىندا، ول سىرقاتتانىپ جۇرسەدە ۇزاق ۋاقىت تاباندىلىقپەن قىزمەت ىستەپ، 1932- جىلى، 41 جاسىندا، باقىتقا قارسى ناۋقاس سەبەبىنەن قايتىس بولادى . 

 

 

 

 

 

 

 


بەرىپ كەت ورامالىڭدى

دوستار

الىستاعى اق ەركە