جاڭا حابارلار

 شار تاراپتى شارپىعان جول قاتىناس تورابىن قۇرۋ جەدەلدەپ، ءار ۇلت بۇقاراسىنىڭ ساپارلاۋىنا قولايلىق تۋدىرىپ قالماستان، ەكونوميكانى دامىتۋ مەن حالىق تۇرمىسىن جاقسارتۋعا نەگىز قالادى

    كەلۋ قاينارى: شينجياڭ حالىق راديو ىستانسياسى    2018-08-18 11:15:56  

ىلە راديو ستانسياسىنىڭ ءتىلشىسى جاڭ جيڭ-يۇيدىڭ حابارى :
پارتيا 18-قۇرىلتايىنان بەرى، ىلە وبلىسىنىڭ قاتىناس نەگىزدىك قۇرىلعىلارىنا 29 ميلليارد 100 ميلليون يۋان قارجى قوسىلىپ، شىعىسپەن بىرلەسىپ باتىسقا شىعاتىن، شار تاراپتى شارپىعان جول قاتىناس تورابىن قۇرۋ جەدەلدەپ، ءار ۇلت بۇقاراسىنىڭ ساپارلاۋىنا قولايلىق تۋدىرىپ قالماستان، ەكونوميكانى دامىتۋ مەن حالىق تۇرمىسىن جاقسارتۋعا نەگىز قالادى.:
    ەكى جىلدان ارتىق ۋاقىت قۇرىلىس جۇرگىزۋدىڭ ناتيجەسىندە، تاياۋدا، جيىنى 320 ميلليون يۋان قارجى قوسىلعان مەملەكەت  تاس جولى 577 -لەنياسىنىڭ ءدوڭبازاردان حانتيانعا دەيىنگى بولىگىنىڭ  تاس جول نىسانى ءبىتىپ اۆتوكولىك قاتىنادى، نىسان قۇلجا اۋدانى قاس وزەنىنىڭ شىعىسىنان باستالىپ، توعىزتاراۋ اۋدانىنىڭ اقتۇبەك اۋىلى حانتيان قسىتاعىنا دەيىن بارادى. نىسان قۇرىلىسىن جۇرگىزۋگە جاۋاپتى ۋاڭ پەيگو تىلشىگە :  اۆتوكولىك قاتىناعاننان كەيىن، قۇلجا اۋدانىنان تەكەسكە دەيىنگى جول 20 نەشە كيلومەتر قىسقارىپ، جارىم ساعات ۋاقىت ۇنەمدەلىپ، جەرگىلىكتى ورىننىڭ ەكونوميكاسىن دامىتۋدا زور ىلگەرلەتۋ رولىن اتقارادى،-دەدى. 
  100 كيلومەتردىڭ ۇستىندەگى ادەتتەگى جول  10 مىڭ كيلومەتردەن اساتىن اسپاليت جانە سەمەنت جولعا،  بىرنەشە اعاش كوپىر  450 دەن استام بولات بەتوندى كوپىرگە جاڭالانعان بۇل كۇندەرى ىلە وبلىسىنا توتە قاراستى ورىنداردا جوعارى قارقىندى تاس جول، اۋدان-اۋىل تاس جولى، اۋىل-قىستاق تاس جول قۇرىلىسى كۇن سايىن، اي سايىن جاڭالانىپ، قارىشتاپ دامۋدا. جولداردا اۆتوكولىك قايشالىسىپ، كاسىپتەر كوركەيدى، شار تاراپقا تۇتاسقان تاس جول قاتىناس تورابى ەكونوميكانى دامىتىپ، حالىق تۇرمىسىن جاقسارتۋعا، كەدەيلىكتەن قۇتىلدىرۋدان قامال الۋعا بەرىك نەگىز قالادى. توعىزتاراۋ اۋدانى تاستوبە اۋىلى گۇلباق قىستاعىندا اسپاليت جول ءار ءبىر ديقان وتباسىنىڭ ءۇيىنىڭ ىرگەسىنە دەيىن باردى، تۇرعىن كەرىم استىق ساتىپ الۋدان ەندىگارى الاڭدامايتىنىن ايتا كەلىپ بىلاي دەدى: بۇرىن قسىتاعىمىزدىڭ جولى شاڭى اسپانعا شىعىپ جاتاتىن توپىراق جول مەن تاستاق جول بولعاندىقتان، جۇرىس-تۇرىسقا قولايسىز ەدى، اۆتوكولىكتەر  قىستاعىمىزعا كەلگىسى كەلمەيتىندىكتەن، استىق ساتۋىمىز مۇڭ بولاتىن. قازىر، اسپاليت جول ىرگەمىزگە دەيىن كەلىپ، تۇرعىندارعا قولايلىقتار اكەلدى.
  سوڭعى جىلداردان بەرى، مەملەكەت  تاس جول 218 -لەنياسى قۇلجا  ــ دوڭبازار جوعارى قارقىندى تاس جولى،  « ەۆروپانىڭ باتىسى مەن جۇڭگونىڭ باتىسىن تۇتاستىراتىن جوعارى قارقىندى تاس جولدىڭ» قورعاستان وتەتىن بولەگى سياقتى مەملەكەت تاس جولىنىڭ 15 نەگىزگى لەنياسى نىسانىنىڭ ىلگەرىندى-كەيىندى باستاپ سالىنۋىنا ساي، ىلە وبلىسىنىڭ جوعارى قارقىندى تاس جول نەگىزگى لەنياسى ىركىلىسسىزدەنىپ، اۋدان-اۋىل تاس جولدارى مەن اۋىل-قىستاق تاس جولدارى شار تاراپقا تۇتاستى. ىلە وبلىستىق قاتىناس مەكەمەسىنىڭ ورىنباسار باستىعى جوۋ شياڭچياڭ بىلاي دەدى: ىلە وبلىسىنا توتە قاراستى اۋىل-قىستاق تاس جولدارىنىڭ جالپى ۇزىندىعى 14 مىڭ 68 كيلومەترگە جەتىپ، مەملەكەت، ولكە تاس جولى نەگىزگى لەنيالارى مەن نەگىزگى اۋدان ، اۋىل جولدارى تۇگەلدەي دارەجەلى تاس جول ولشەمىنە جەتتى، قۇرىلىمدىق قىستاقتاردا  تۇگەلدەي   كوشە اۆتوبوزى قاتىنادى.  وسىلايشا،  شىعىسپەن بىرلەسىپ باتىسقا شىعاتىن، شار تاراپتى شارپىعان، اۋداندار  اراسىنا جوعارى قارقىندى تاس جول قاتىناعان، اۋىل-قىستاقتار اراسىنا اسپاليت جول جاتقىزىلعان قاتىناس تورابى جۇيەسى نەگىزىنەن قالىپتاستى.

 

 

 


 


بەرىپ كەت ورامالىڭدى

دوستار

الىستاعى اق ەركە