جاڭا حابارلار

مەيىرىمدى، پەيىلدى شيپاگەر بولايىق

    كەلۋ قاينارى: شينجياڭ گازەتى    2018-08-18 12:00:55  

− يانجي حۇيزۋ اۆتونوميالى اۋداندىق حالىق شيپاحاناسىنىڭ ورىنباسار باستىعى حى چۇڭجۇن جونىندە
ەرىكتى ءتىلشى يۋان حايجۇن

7 - ايدىڭ 27 - كۇنى تۇسكى اس كەزى، يانجي حۇيزۋ اۆتونوميالى اۋداندىق حالىق شيپاحاناسىنىڭ ورىنباسار باستىعى، سۇيەك اۋرۋلارى ءبولىمىنىڭ اعا شيپاگەرى حى چۇڭجۇن ءالى دە اۋرۋحانادا قاربالاس بولىپ، ناۋقاستاردىڭ جاعدايىن سۇراپ، ولاردىڭ وتباسىنداعىلارعا كوڭىل بولۋگە ءتيىستى ىستەردى تاپسىرۋدا ەدى. مەيىرىمدى شيپاگەر بولۋ حى چۇڭجۇننىڭ ەجەلدەن تاباندى بولىپ كەلگەن سەنىمى. 

 شيپاگەرلىك ءمورالى، شيپاگەرلىك ونەرى القاۋعا يە بولدى  6 - ايدىڭ سوڭىندا، 58 جاستاعى راحمان اداق اقىرى ورنىنان تۇردى، ول بۇعان قاباعات قۋاندى. 

 راحمان يۇڭنيڭ قالاشىعى ماليانتان قىستاعىنىڭ تۇرعىنى. 2008 - جىلى ونىڭ ەكى اياعىنىڭ بۋىنى كەنەتتەن اۋىرىپ، ارادا كوپ وتپەي ەكى اياعىن باسا الماي قالدى. 

 راحمان بىلاي دەدى: «10 جىل بولدى، مەن ءار كۇنى ۇيدە توسەك تارتىپ جاتتىم. ءدارى ءىشتىم، ينە شانشىتتىم، كەيبىر ۇلكەن شيپاحانالارعا دا باردىم، اقشانى دا از شاشپادىم، ايتسە دە اۋرۋىمنىڭ بەتى بەرى قارامادى».  راحمان جۇمىستان قالدى، ونىڭ ۇستىنە ايەلىنىڭ دەنساۋلىعى دا جاقسى بولماعاندىقتان، بۇل وتباسىنىڭ تۇرمىسى ناشارلاپ، قىستاقتاعى ارحيۆ تۇرعىزىلىپ، كارتچكا بەرىلگەن كەدەي وتباسىنا اينالدى. راحمان وتباسى اۋداندىق حالىق شيپاحاناسى اتقارعان ەمدەۋ ارقىلى كەدەيلەردى دالمە - ءدال سۇيەمەلدەۋ نىسانى بويىنشا، تۇگەلدەي تەگىن ەمدەلۋدەن يگىلىكتەنۋ ورايىنا يە بولاتىندىقتارىن مۇلدە ويلاماعان ەدى.  6 - ايدىڭ 19 - كۇنى حى چۇڭجۇن راحماننىڭ جاسى، دەنساۋلىق جاعدايى سياقتى جاعدايلاردى تولىق ويلاسقاننان كەيىن، ونىڭ تىزە بۋىنىنىڭ بەتىن اۋىستىرۋ وپەراتسياسىن جاسادى. ءبىر اپتادان كەيىن، راحمان توسەكتەن ءتۇسىپ، ءجۇرۋدى دەمەيتىن اسپاپتىڭ كومەگىندە اقىرىن - اقىرىن جۇرە باستادى. راحماننىڭ ايەلى ءورىحان مامەت كوزىنە جاس الىپ: «پارتيانىڭ ابزال ساياساتىنا، حى شيپاگەرگە راقىمەت، كۇيەۋىم ورنىنان قايتا تۇردى»، - دەپ قايتا - قايتا العىس ايتتى. 

 شيپاگەر بولعاننان بەرى حى چۇڭجۇن 500گە تارتا سۇيەك وپەراتسياسىن جاسادى. كوپتەگەن ناۋقاس ونى: شيپاگەرلىك ءمورالى جوعارى، شيپاگەرلىك ونەرى ۇستەم؛ ناۋقاستاردى تۋىسىنداي كورەدى، - دەپ القايدى.  ۇزدىكسىز ۇيرەنىپ، شيپاگەرلىك ونەرىن ءوسىردى  حى چۇڭجۇن بىلاي دەدى: شيپاگەر بولۋ، پارتيا مۇشەسى بولۋ رەتىندە، كاسىپتىك قابىلەتىم، ءسوزسىز، كۇشتى بولعاندا عانا، توڭىرەگىمدەگى شيپاگەرلەرگە باستاماشىلدىق ەتىپ، كەرەمەت ناتيجەگە قول جەتكىزىپ، ونەگەلىك، باستاماشىلدىق رولىمدى ساۋلەلەندىرە الامىن. 

 ىسىلعان شيپاگەرلىك ونەر قاجىماي - تالماي ۇيرەنۋدىڭ ناتيجەسى. حى چۇڭجۇننىڭ جۇمىس ۇستەلىندە كوپتەگەن قالىڭ مەديتسينالىق كىتاپ بار. سۇيەك اۋرۋلارى ءبولىمى كاسىبىمەن شۇعىلدانعان 20 نەشە جىلدان بەرى، ول بۇرىن - سوڭدى شىحىزى داشۋەسى مەديتسينا شۋەيۋانىنىڭ قاراستىلىعىنداعى ءبىرىنشى شيپاحانادا، سىچۋان داشۋەسى حۋاشي شيپاحاناسىنىڭ قاراستىلىعىنداعى ءبىرىنشى شيپاحانادا، بەيجيڭ داشۋەسىنىڭ ءۇشىنشى حالىق شيپاحاسىندا ءبىلىم اسىردى، سونىمەن قاتار ەلىمىزدەگى سۇيەك اۋرۋلارى تۇرىندەگى عىلمي زەرتتەۋ جينالىستارىنا نەشە مارتە قاتىناسىپ، سۇيەك اۋرۋلارى كاسىبىنە قاتىستى ەڭ وزىق جاعدايدى دەر كەزىندە ۇعىسىپ تۇردى. 

 حى چۇڭجۇن نازاريالىق ءبىلىمدى امالياتپەن ۇشتاستىرىپ، ىلگەرىندى - كەيىندى جارتىلاي جاساندى ۇرشىق بۋىنىن سالۋ، بەل ومىرتقاسى ارالىق تاباقشاسىنىڭ تومپايىپ شىققان جەرىندەگى سۇيەك مايى وزەگىن الىپ تاستاۋ، تولىق جاساندى ۇرشىق بۋىنىن سالۋ، تىزە بۋىنىنىڭ سىرتقى بەتىن اۋىستىرۋ سياقتى وپەراتسيالاردى جاساپ، ءاربىر ناۋقاستى دەن قويا ەمدەپ، ءار رەتكى وپەراتسيانى قايتا - قايتا قورىتىندىلاپ، مول كلينيكالىق تاجىريبە توپتادى. 

  نەگىزگى ساتىدا تابانداپ تۇرىپ، بۇقاراعا قىزمەت كورسەتتى 

 حى چۇڭجۇننىڭ ۇلى حى حاۋراننىڭ ەسىندە قالۋىنشا، اكەسى ءار رەت شۇعىل ەمدەۋ تەلەفونى كەلگەن سايىن، شيپاحاناعا دەرەۋ كەتەدى؛ اكەسىنىڭ ەڭ ۇلكەن تابىس سەزىمى ناۋقاستاردىڭ اۋرۋدان ايىعۋى. حى حاۋران بىلاي دەدى: اكەم ءتىپتى دە كوپ بۇقاراعا قىزمەت كورسەتۋ ءۇشىن، نەگىزگى ساتىدا تاباندىلىقپەن تۇرۋ تالعامىن جاسادى. وسى جىلدارى اكەمنىڭ ۇلكەن قالالاردى، ۇلكەن شيپاحانالاردى تاڭداۋىنا تالاي رەت وراي بولدى، الايدا ول نەگىزگى ساتىداعى بۇقارانىڭ وزىنە ءتىپتى دە مۇقتاج ەكەندىگىن ابدەن بىلەدى.

  يانجي حۇيزۋ اۆتونوميالى اۋداندىق حالىق شيپاحاناسى پارتكومىنىڭ شۋجيى، شيپاحانانىڭ ورىنباسار باستىعى شي حىڭجۇڭ بىلاي دەدى: حى چۇڭجۇن جاساعان كوپتەگەن وپەراتسيا شينجياڭنىڭ ىشىندە الدىڭعى ورەدە تۇرادى، بۇقارا ەسىك الدىندا - اق ءونىمدى ەمدەلەتىن بولدى.

  حى چۇڭجۇن ىلگەرىندى - كەيىندى اۆتونوميالى رايوننىڭ «كورنەكتى ۇلەس قوسقان مامانى»، «تاڭداۋلى كوممۋنيستىك پارتيا مۇشەسى» سياقتى داڭقتى اتاقتارعا يە بولعان.  حى چۇڭجۇن بىلاي دەدى: «جاڭا داۋىردەگى نەگىزگى ساتىداعى جاقسى سۇيەك اۋرۋلارى شيپاگەرى بولىپ، نەگىزگى ساتىداعى اناعۇرلىم كوپ بۇقارانىڭ اقاۋسىزدىعى ءۇشىن جان اشىرلىقپەن قىزمەت كورسەتىپ، پارتيانىڭ ەمدەۋدە حالىققا تيىمدىلىك جاساۋ ساياساتىن تەرەڭ تامىر تارتقىزىپ، پارتيانىڭ مەيىرىن بۇقارانىڭ جۇرەگىنە جەتكىزەمىن».


بەرىپ كەت ورامالىڭدى

دوستار

الىستاعى اق ەركە