جاڭا حابارلار

كەرىم ءسالي قاراپايىم قىزمەت ورنىندا تاباندىلىقپەن  قىزمەت ىستەدى

    كەلۋ قاينارى: شينجياڭ حالىق راديو ىستانسياسى    2018-08-19 20:14:21  

 قۇمىل راديو ستانسياسىنىڭ تىلشىلەرى جاڭ يالان مەن گو زى-يدىڭ حابارى :جۇڭگو پوچتا توبى سەرىكتەستىگى  قۇمىل  بولىمشە سەرىكتەستىگىنىڭ پوچتا جولدامالارىن جەتكىزۋشىسى كەرىم ءسالي قاراپايىم قىزمەت ورنىندا تاباندىلىقپەن  قىزمەت ىستەگەن 31 جىلدا ەشقانداي اعاتتىق جىبەرمەي، ۇستىنەن بىردە-ءبىر رەت ارىز-شاعىم تۇسپەدى.      ـــ ۇستاز سالەمەتسىز بە! مىناۋ ءسىزدىڭ پوچتا جولداماڭىز.     ـــ راحمەت كەرىم، سەن قىزمەتتى  وتە جاقسى ىستەيسىڭ.    

   ءار كۇنى قىزمەتكە شىعا سالىپ، كەم ءسوزدى كەرىم ءسالي قىزمەت كيىمىن اۋىستىرىپ، ۇلكەندى-كىشىلى كوشەلەردى ارالاپ، پوچتا جولدامالارىن تەز ارادا يەسىنە تابىستايدى. وسى قىزمەتپەن العاش اينالىسقاندا، تاڭ اتقاننان كەش باتقانعا دەيىن، كۇنى بويى قاربالاستاسا دا، نەبارى 20 پوچتا جولداماسىن ارەڭ يەسىنە تابىستايتىن. ول: «العاشىندا قاتتى قينالدىم، تاڭعى ساعات 5 تەن باستاپ ىسكە كىرىسىپ، قاس قارايعاندا، مىندەتتى ارەڭ ورىندايتىنمىن. 20 كۇن دەگەندە قىزمەتكە بىرتىندەپ جاتىلدىم، تاڭەرتەڭ ساعات 11 گە دەيىن پوچتا جولدامالارىن تۇگەل يەسىنە تابىس ەتەمىن،-دەدى.»  قازىر كەرىم ءسالي ءار كۇنى 300 دەن ارتىق حات پەن سالەم-ساۋقىت  جەتكىزەدى. قارتتاردىڭ، ءال-اۋقاتى تومەندەردىڭ، ناۋقاستاردىڭ، مۇگەدەكتەردىڭ   پوچتا جولدامالارىن  ۇيىنە دەيىن  جەتكىزىپ بەرەدى. قاريدار ۋاڭ يۇي: «كەرىم ۇستاز پوچتا جولدامالارىن جەتكىزۋ قىزمەتىن باستان-اياق مۇقيات ىستەپ كەلەدى، بارلىعىمىز جاقسى كورەمىز، جازدا ىستىق بولسادا سالەم-ساۋقىتىمىزدى اكەلىپ بەرەدى،  پوچتا جولدامالارىن جەتكىزۋدە ەجەلدەن ەشقانداي كەيىس ءبىلدىرىپ كورگەن جوق، وسى قىزمەتپەن اينالىسقانىنا نەشە ون جىل بولدى، پوزيتسياسى ەجەلدەن جاقسى،-دەدى.»   پوچتا جولدامالارىن جەتكىزۋ قىزمەتىن ويداعىداي ىستەۋدەن سىرت، ول تاعى شاكىرت تاربيەلەدى. شاكىرتى كەرىم يساق بىلاي دەدى: «ول قىزمەتتى وتە مۇقيات ىستەيدى، داپتەرىنە جازىپ ماعان ءبىر -بىردەن كورسەتىپ وتىرادى، قايسى مەكەمەنىڭ قاي جەردە ەكەنىن، قايسى قۇجاتتى قايدا اپارۋ كەرەكتىگىن تاپتىشتەپ ايتىپ وتىرادى. ۇستازىمنان جاقسى ۇيرەنىپ، پوچتا جولدامالارىن ۇزدىك جەتكىزۋشى بولامىن .» 31 جىلدان بەرى، كەرىم ءسالي جيىنى 2 ميلليون 100 مىڭنان ارتىق گازەت-جۋرنال، حات-شەك،سالەم-ساۋقىت جەتكىزدى، وسى بارىستا ەشقانداي اعاتتىق تۋدىرمادى. سونىمەن بىرگە، ول تاعى اتى-ءجونى، مەكەن-ءجايى انىق بولماعان 200 دەن ارتىق حات-شەكتى امالىن تاۋىپ، يەسىنە تابىس ەتتى. 2013-جىلى 9-ايدا، ول مەملەكەتتىك «ەڭ سۇيىكتى پوچتاشى » كانديداتىنا كورسەتىلدى، 2016-جىلى 6-ايدا، قۇمىل قالاسى وعان «ۇلتتار ىنتىماعى العاباسارلىعىنداعى وزات جەكە» داڭقتى اتاعىن بەردى.   ول كوممۋنيستىك پارتيا مۇشەسى تۇرعىسىنان، اۋەلگى ماقساتتى ۇمىتپادى. كەرىم ءسالي بىلاي دەدى: «پوچتا جولدامالارىن جەتكىزۋ قىزمەتىمەن اينالىسقان 31 جىلدا، وسى قىزمەتكە تەرەڭ سۇيسپەنشىلىك ورناتتىم. مەن كوممۋنيستىك پارتيا مۇشەسىمىن، بۇل مەنىڭ قىزمەتىمنىڭ قوزعاۋشى كۇشى، قىزمەت ورنىمدا  قىزمەتىمدى اقساتپاي ويداعىداي ىستەيمىن».


بەرىپ كەت ورامالىڭدى

دوستار

الىستاعى اق ەركە