جاڭا حابارلار

 جەمسارى اۋدانىنداعى  مۇقيتحان شوقان ۇلىنىڭ  تەحنيكالىق ونەرگە تاربيەلەۋ كۋرسىنە قاتىناسقاننان كەيىن  دەربەس كاسىپ كوزىن اشىپ، ەڭبەكشىل قوس قولىمەن باقىتتى تۇرمىسقا كەنەلگەن اڭگىمەسى بەرىلەدى

    كەلۋ قاينارى: شينجياڭ حالىق راديو ىستانسياسى    2018-08-19 20:23:02  

 جەمسارى اۋداندىق راديو ستانسياسىنىڭ ءتىلشىسى فۋ جينشيانىڭ حابارى :جەمسارى اۋدانى شيندي اۋىلىنىڭ  شينديگۋ قىستاعىنداعى مۇقيتحان شوقان ۇلى  تەحنيكالىق ونەرگە تاربيەلەۋ كۋرسىندە تاربيەلەنگەننەن كەيىن  دەربەس كاسىپ كوزىن اشىپ، ەڭبەكشىل قوس قولىمەن باقىتتى تۇرمىسقا كەنەلدى.  :
   مۇقيتحان شوقان ۇلى بيىل 30 جاستا، كىشكەنتايىنان تاۋ قويناۋىندا ەسەيىپ-ەرجەتكەن ول تاۋدان الىستاپ، اسقاق ارمان قۋىپ،  تاعدىرىن وزگەرتۋگە بەكيدى.  ول ءۇرىمجى سياقتى جەرلەردەگى اسحانالاردا جۇمىس ىستەيدى ،جۇمىسقا مۇقيات ءارى ەلپەك بولىپ قالماستان، ۇيرەنۋگە دە جانى قۇشتار ەدى، جۇمىس ىستەگەن بىرنەشە جىلدا، ول اسحانا ءتيجاراتىن، باسقارۋ ءادىسىن بىرتىندەپ يگەرىپ، ءبىر كۇنى ءوزىم دە اسحانا اشسام دەگەن تاماشا ويىن دا جوسپارلايدى. مۇقيتحان شوقان ۇلى: ەگەر، سىرتقا شىعىپ جۇمىس ىستەمەگەن، ىزدەنبەگەن بولسام، قازىر تاۋدا قوي، سيىر باعىپ ءجۇرۋشى ەدىم، ونىڭ ۇستىنە جىگەر-قايراتىم تاسىپ تۇرعان شاعىمدا، مال  سوڭىندا جۇرە بەرمەي جۇمىس تاۋىپ ىستەپ تابىس تابۋ بەكىمىنە كەلدىم،-دەدى.
  ەكى جىلدىڭ الدىندا،  مۇقيتحان  اۋىلىنا قايتقاننان كەيىن، اۋىلىندا تەحنيكالىق ونەر كۋرسى اشىلعانىن ەستىپ، ءوزى ۇناتاتىن اسپازىلىق كاسىبىن تاڭداپ كاسىپ كوزىن اشۋعا دايىندالادى. 2017- جىلى، جەمسارى اۋدانىنىڭ وڭتۇستىگىندەگى تاۋلى ءوڭىر تاس جولى جاسالىپ، اۆتوكولىك قاتىناپ، كەلىپ ساياحاتتاپ كوڭىل كوتەرىپ قايتاتىندار بارعان سايىن مولايادى، ول كاسىپ كوزىن اشۋ ورايىن مىقتى يگەرىپ، جۇبايىنىڭ قولداۋىندا قايناعان بازاردىڭ قاق ورتاسىنان 100 شارشى مەتردەن ارتىق كەلەتىن ءبىر اۋىزدى دۇكەندى جالعا الىپ قازاقى ءدامدى تاعامدار اسحاناسىن اشادى. ول تىلشىگە:  بۇرىن ۇرىمجىدە جۇمىس سىتەگەنىمدە جىلىنا 20 مىڭ يۋاننان ارتىق تابىس تاباتىنمىن، قازىر، قايتىپ كەلىپ اسحانا اشىپ، جىلىنا 150 مىڭ يۋانداي كىرىس كىرگىزىپ وتىرمىن،-دەدى.
  مۇقيتحاننىڭ اسحاناسىنىڭ ماڭىندا تاعى ۇلكەندى-كىشىلى 10 نەشە اسحانا بار، الايدا، ونىڭ اسحاناسى تۇسكى، كەشكى، تاڭعى استاردىڭ ءبارىن شىعارادى، ارلى-بەرلى  وتكەن جولاۋشىلار، جۇك اۆتوكولىگىن جۇرگىزۋشىلەر وسى اسحانانىڭ تاماعىن ۇناتىپ جەيدى،  قاريدار امان تىلشىگە: جۇك اۆتوكولىگىن جۇرگىزگەندە وسى جەردەن وتەمىز، اسحانادا وزگەشە ءدامدى تاعامدار شىعارىلادى، بۇل جەردىڭ تاماعى ءوز ءۇيىڭنىڭ تاماعى سياقتى وتە ءدامدى.  بۇل جىگىت قايتىپ كەلىپ وسى جەردە كاسىپ كوزىن اشىپ وتىر، ونى نەگە قولداماسقا،-دەدى. 
   قازىر،  ەرلى-زايىپتى ەكەۋى جونىنەن، قازىرگى جاستىق شاقتارى ەڭبەك ىستەپ تابىس تاباتىن كەزدەرى، كاسىپ كوزىن اشۋ بارىسىندا باقىتتى تۇرمىستىڭ دۇرىس باعدارىن تاپتى. مۇقيتحان شوقان ۇلى: باس شۋجي شي جينپيڭ، باقىتتى تۇرمىس  ــ قاجىرلى  كۇرەستەن كەلەدى،-دەگەن بولاتىن، قازىر، ءالى جاسپىن، الدا جالعاستى تىنباي تالپىنىپ، اسحانانىڭ كولەمىن كەڭەيتىپ، كىرىسىمىزدى مولايتىپ، تۇرمىسىمىزدى بۇرىنعىدان دا جاقسارتۋعا بار كۇشىمدى سالامىن،-دەدى.

 

 


 


بەرىپ كەت ورامالىڭدى

دوستار

الىستاعى اق ەركە