جاڭا حابارلار

قىستاق تۇرعىندارىن عىلمي جولمەن بايۋعا باستادى

    كەلۋ قاينارى: شينجياڭ گازەتى    2018-08-19 22:38:58  

− شينجياڭ اۋىل شارۋاشىلىق داشۋەسىنىڭ اۋات اۋدانى بەسارىق قالاشىعى سوكمان قىستاعىندا تۇراتىن قىزمەت اترەتىنىڭ  بۇرىنعى ورىنباسار باستىعى سايپيدەن ابىلا تۋرالى
ءتىلشىمىز جاۋ شييا 

 
اۋات اۋدانى بەسارىق قالاشىعى سوكمان قىستاعىندا، سايپيدەن ابىلا تۋرالى ءسوز بولعاندا، قىستاق تۇرعىندارى ونى جاقىن تارتىپ «سيىرشى دوكتور» دەيدى ەكەن. شينجياڭ اۋىل شارۋاشىلىق داشۋەسىنىڭ ءبىلىم تولىقتىرۋ شۋەيۋانى پارتيا باس ياچەيكاسىنىڭ شۋجيى رەتىندە، 2016 - جىلدان باستاپ سايپيدەن ابىلا سوكمان قىستاعىندا تۇردى، سونداي - اق «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ ورىنباسار باستىعى بولدى. قىستاقتا تۇرعان كەزىندە، ول عىلمي ادىسپەن قىستاق تۇرعىندارىن بايۋ جولىنا باستاپ، قىستاق تۇرعىندارىنا كومەكتەسىپ، ءار وتباسى كىرىسىنىڭ ارتۋىن ورتا ەسەپپەن 10 مىڭ يۋاننان اسىردى.  

 بۇقارالىق قىزمەتتى شىنايى، ناقتى، ويداعىداي ىستەدى 

 «بەتپە - بەت جۇرەك توعىستىرعاندا عانا، بۇقارالىق قىزمەتتى شىنايى، ناقتى، ويداعىداي ىستەۋگە بولادى». سايپيدەن قىزمەت ەستەلىگىنە وسىنداي ءبىر اۋىز ءسوز جازىلىپتى.   جانۋارلار مەديتسيناسى ماماندىعىنىڭ دوكتورى رەتىندە، قىستاقتا تۇرۋدان بۇرىن سايپيدەن تيانشاننىڭ تۇستىگى مەن تەرىستىگىن ارالاپ، عىلىم - تەحنيكامەن ساۋاتتاندىرۋ قىزمەتىن ورىستەتتى، سوندىقتان ول نەگىزگى ساتى بۇقاراسىنىڭ قاجەتىن اناعۇرلىم قانىق بىلەدى. «ماماندىق جاعىنداعى ارتىقشىلىعىمدى ساۋلەلەندىرىپ، ەگىنشى - مالشىلاردىڭ ءوندىرىس - تۇرمىسىنداعى ەڭ قيىن، ەڭ كوكەي تەستى، ناقتى ماسەلەلەردى شەشەمىن». قىستاقتا تۇرعاننان بەرى، سايپيدەن قىزۋ ىنتا جانە شىن نيەتىمەن قىستاق تۇرعىندارىنىڭ قارسى الۋىنا جانە سەنىمىنە بولەندى.   بيىل جىل باسىندا، ماقتادان مول ءونىم العان قىستاق تۇرعىندارى ءاسىلى تابىس قۋانىشىنىڭ راقاتىن كورۋگە ءتيىس ەدى، ءبىراق قىستاقتىڭ ازەز مۇسا قاتارلى 4 تۇرعىنى قامىعىڭقى جۇزبەن سايپيدەندى ىزدەپ كەلىپ: سايپيدەن اعا، بىزگە كومەكتەسىڭىزشى، 500 مىڭ يۋان سۋعا كەتەيىن دەپ تۇر! - دەيدى. ءاسىلى 2017 - جىلدىڭ سوڭىندا ماقتا ساتىپ الۋ كەزىندە، ازەز قاتارلى 4 ادام جاساسقان ماقتا ساتۋ كەلىسىمىندە شيكىلىك بولىپ، ولاردىڭ ماقتا ساتقان 500 مىڭ يۋان اقشاسى قولدارىنا تيمەي ءجۇر ەكەن.  

 سايپيدەن دەرەۋ ماقتا ساتىپ الاتىن زاۆودقا بارىپ، جاعداي ۇعىسادى، سونداي - اق جاۋاپتى ادامىمەن سويلەسىپ، ناتيجەسىز ورالادى. وسىدان كەيىنگى بىرنەشە كۇندە، سايپيدەن ءار كۇنى كەلىسىم - شارتتى زەرتتەپ، زاڭدىق ماتەريالداردى وقىدى، سايكەستىرىپ بەرۋگە قاتىستى تاراۋلاردى ىزدەدى ءارى زاۆودتىڭ قوجايىنىن نەشە رەت ىزدەپ بارىپ، ساياسات ءتۇسىندىرىپ، زاڭ سويلەدى، ناتيجەسىندە ماقتا ساتقان اقشالارى ازەز قاتارلى 4 ادامنىڭ قولىنا ءتيدى.  

 قىستاقتاعى كورشىلەردىڭ قارىم - قاتىناسىن جاراستىردى، مامانداردى قىستاق تۇرعىندارىنا ءبيدايدى، جاڭعاقتى كۇندەلىكتى باپتاۋ بىلىمدەرىن تۇسىندىرۋگە ۇسىنىس ەتتى، قىستاق تۇرعىندارىنىڭ مال ىندەتىنەن ساقتانۋ جانە ونى ەمدەۋ جۇمىستارىنا ءوزى جەتەكشىلىك ەتتى... قاي جەر قاجەت ەتسە، سايپيدەن سول جەردەن تابىلدى.   كوشپەلى مال شيپاگەرلىك پۋنكتى بۇقارانى ۋايىمنان ارىلتىپ، حالىق تۇرمىسىنا تيىمدىلىك جاسادى  

 اۋات اۋدانى بەسارىق قالاشىعىندا، «بۇقارانى ۋايىمنان ارىلتۋ، حالىق تۇرمىسىنا تيىمدىلىك جاساۋ» مال شيپاگەرلىگىنەن كوشپەلى قىزمەت كورسەتۋ پۋنكتى قىستاق تۇرعىندارىنىڭ جابال قارسى الۋىنا بولەندى. بۇل سايپيدەن مەن قىزمەت اترەتى مۇشەلەرىنىڭ جەرگىلىكتى قىستاق تۇرعىندارىنىڭ ءوندىرىس تەحنيكا - شەبەرلىگىن ءوسىرۋ ءۇشىن جۇرگىزگەن، عىلىم - تەحنيكا ارقىلى كەدەيلەردى سۇيەمەلدەۋدە جاڭالىق اشۋ تاسىلدەرىنىڭ ءبىرى ەدى.   2016 - جىلى سايپيدەننىڭ ۇسىنىسىمەن، قىزمەت اترەتى 60 مىڭ يۋاننان استام اقشاعا ءدارى - دارمەك، مەديتسينالىق اسپاپتار جانە ءبىر كوشپەلى قىزمەت كورسەتۋ ماشيناسىن الىپ، «بۇقارانى ۋايىمنان ارىلتۋ، حالىق تۇرمىسىنا تيىمدىلىك جاساۋ» مال شيپاگەرلىگىنەن كوشپەلى قىزمەت كورسەتۋ پۋنكتىن قۇردى. قىستاق تۇرعىندارىنا كەز كەلگەن ۋاقىتتا قىزمەت كورسەتۋ ءۇشىن، سايپيدەن ءوزىنىڭ حابارلاسۋ ءتاسىلىن كوشپەلى قىزمەت كورسەتۋ ماشيناسىنا جازىپ قويدى.  

 ءبىر جولى، قىستاق تۇرعىنى احىمەتجان ابىلانىڭ باققان كەپتەرلەرى ىندەتكە شالدىعادى. ءۇيىر - ءۇيىر كەپتەرلەردىڭ مويىندارى سالبىراپ قالعانىن كورىپ، احىمەتجاننىڭ جۇرەگى اۋىرىپ، ابىرجىپ، سايپيدەنگە تەلەفون سوعادى. انە - مىنە دەگەنشە، سايپيدەن كوشپەلى قىزمەت كورسەتۋ ماشيناسىمەن جەتىپ كەلەدى. رەتسەپ جازىپ، ءدارى دايىنداپ، ەمدەۋ جوباسىن رەتتەيدى... ءۇرتىس بىرنەشە كۇن سايپيدەن كەپتەرلەردىڭ قاسىنان شىقپايدى. اقىرىندا، كەپتەرلەردىڭ ىندەتىنىڭ بەتى قايتىپ، احىمەتجاننىڭ كوڭىلى ورنىعىپ: سايپيدەننىڭ ارقاسىندا مەن 100 مىڭ يۋانعا جۋىق شىعىننان امان قالدىم، -دەيدى.   قىستاقتا تۇرعاننان بەرى، سايپيدەن مەن ونىڭ مال شيپاگەرلىگىنەن كوشپەلى قىزمەت كورسەتۋ پۋنكتى جەرگىلىكتى جۇرتشىلىق ءۇشىن مال تۇلىكتەرىن، ءۇي قۇستارىن كوبەيتۋ، ىندەتتەن ساقتانۋ جانە ونى ەمدەۋ بويىنشا 1000 رەتتەن استام تەگىن قىزمەت كورسەتىپ، عىلىم - تەحنيكا جونىندە 100 رەتتەن استام لەكسيا ورىستەتتى. كوشپەلى قىزمەت كورسەتۋ ماشيناسى بەسارىق قالاشىعىنداعى 27 قىستاقتى تۇگەل ارالاپ، بۇقارانى ءبىر ميلليون 400 مىڭ يۋاننان اساتىن تىكەلەي ەكونوميكالىق شىعىننان اراشالاپ قالدى، سونىمەن بىرگە جەرگىلىكتى ورىنعا 8 ەگىنشى تەحنيك تاربيەلەپ بەردى.   جەردى اينالىمعا سالىپ، ەگىنشىلەر كىرىسىنىڭ ارتۋىن جەبەدى 

 سوكمان قىستاعىنىڭ ادامى كوپ، جەرى از ءارى ءبىرشاما بىتىراڭقى. قىستاق تۇرعىندارىنىڭ كىرىسىن ارتتىرىپ، بايۋىنا كومەكتەسۋ ءۇشىن، بيىل جىل باسىندا، قىستاق پارتيا ياچەيكاسى قىستاق تۇرعىندارىن جەردى اينالىمعا سالۋ جونىندە اتتانىسقا كەلتىرىپ، اۋات اۋدانىنداعى بەلگىلى ءبىر وسى زامانعى اۋىل شارۋاشىلىق شەكتى سەرىكتەستىگى جەرگە شوعىرلى باسقارۋ جۇرگىزەتىن، جىل سوڭىندا سەرىكتەستىك ءار مۋىنا 600 يۋان بويىنشا ەگىنشىلەرگە كوتەرمەگە الۋ اقىسىن بەرەتىن بولدى.  

 العاشىندا كوپتەگەن قىستاق تۇرعىنى بۇنى تۇسىنبەي: «جەردەن ايرىلساق، ءبىز قايدا بارامىز؟» دەستى. سايپيدەن مەن قىزمەت اترەتىنىڭ مۇشەلەرى ءۇي - ۇيگە كىرىپ، قىستاق تۇرعىندارىنا ساياسات سويلەپ، مۇنىڭ پايداسىن ەسەپتەپ بەردى.  

 «بىلتىر ءسىزدىڭ وتباسىڭىز 20 مۋدان 15 مىڭ يۋان تابىس تاۋىپتى، جەردى اينالىمعا سالساڭىز، تابىسىڭىز 12 مىڭ يۋان بولادى، قىستاق سىزدەردى سىرتقا شىعىپ جۇمىس ىستەۋگە ۇيىمداستىرسا، تاعى از دەگەندە 10 مىڭ يۋان تاباسىز، وسىلاي ەسەپتەسەڭىز، ءبىر جىلدا تابىسىڭىز كەمىندە 20 مىڭ يۋان بولماي ما، بۇدان پايدا تاپپاساڭىز، زيان شەكپەيسىز». سايپيدەن جەردى اينالىمعا سالۋدىڭ ەسەبىن قىستاق تۇرعىندارىنا جالىقپاي ءتۇسىندىردى، اياققا جۇققان بالشىق، جۇرەكتەن شىققان شىن نيەت قىستاق تۇرعىندارىن اسەرلەندىرىپ، جەردى اينالىمعا سالعان قىستاق تۇرعىندارى بارعان سايىن كوبەيىپ، ەڭبەككۇش ازات ەتىلىپ، 100گە جۋىق ادامنىڭ جۇمىسقا ورنالاسۋ ارمانى جۇزەگە استى.  

 بيىل 4 - ايدا قىزمەت قاجەتىمەن، سايپيدەن اۋات اۋدانى بەسارىق قالاشىعى داريابويى قىستاعى قىزمەت اترەتىنىڭ باستىعى بولدى، بۇگىنگى تاڭدا، ول قىستاقتا تۇرعان 2 جىلدىق تاجىريبەسىن وسى قىستاققا اكەلدى. «بيىل ءبىز بۇرىنعى جەتىستىكتەردى بەكەمدەپ، ونان ارى جوعارىلاتىپ، كەدەيلىكتەن قۇتىلىپ، بايۋ جولىنا تۇسۋدە ەشكىمدى قاتاردان قالدىرماۋعا كۇش سالامىز»، - دەيدى بۇدان كەيىنگى قىزمەت تۋرالى ءسوز قوزعاعان سايپيدەننىڭ كۇش - قۋاتى تاسىپ. 


بەرىپ كەت ورامالىڭدى

دوستار

الىستاعى اق ەركە