جاڭا حابارلار

 سانجى وبلىسى جاڭالىق اشۋ ارقىلى دامۋدى جەبەۋ ستراتەگياسىن ىشكەرىلەي اتقارىپ، ەكونوميكانىڭ جوعارى ساپالى دامۋىن ىلگەرىلەتتى 
 

    كەلۋ قاينارى: شينجياڭ حالىق راديو ىستانسياسى    2018-08-20 11:46:24  

   سانجى راديو ستانسياسىنىڭ ءتىلشىسى جيە ۋيجياننىڭ حابارى:سوڭعى جىلداردان بەرى، سانجى وبلىسى جاڭالىق اشۋ ارقىلى دامۋدى جەبەۋ ستراتەگياسىن ىشكەرىلەي اتقارىپ، عىلىم-تەحنيكادان جاڭالىق اشۋ قابىلەتى مەن امبەباپ باسەكەلىك قۋاتىن بارىنشا ارتتىرىپ، عىلىم-تەحنيكاعا سۇيەنىپ، ەكونوميكانىڭ دامۋ فورماسىن وزگەرتىپ، كاسىپ قۇرىلىمىن ساپالاندىرىپ، ەكونوميكانىڭ جوعارى ساپالى دامۋىن ىلگەرىلەتتى. :
 شىعىس جۇڭعار ەكونوميكا-تەحنيكا اشۋ رايونىنا جايقاسقان مەملەكەتتىك ەلەكتر تورابىنىڭ وڭ- تەرىس مىڭ 100 كيلو ۆولتتىق سانجى كەرنەۋ اۋستىرۋ پۋنكيتى ـــ شينجياڭنىڭ سانجى وبىلىسىنان ءانحۇيدىڭ گۋچۋان قالاشىعىنا دەيىنگى ەرەكشە جوعارى كەرنەۋلى تۇراقتى ەلەكتر جەتكىزۋ ينجەنەرياسىنىڭ باستالۋ ءتۇيىنى. 6-ايدىڭ 27-كۇنىنەن بەرى،  كەرنەۋ اۋستىرۋ پۋنكيتى نەگىزگى جابدىق ـــ تۇراقتى ەلەكتر جەتكىزۋ كەرنەۋ اۋستىرۋ جابدىعىن ورنالاستىرۋ قىزمەتىن باستادى، 10-ايدىڭ سوڭىندا، تۇراقتى ەلەكتر جەتكىزۋ، كەرنەۋ اۋستىرۋ جابدىعىنان 14ءى شىعىس جۇڭعار ويپاتىنا تۇگەل ورنالاستىرىلىپ بولادى دەپ مەجەلەندى. وسى كەرنەۋ اۋستىرۋ جابدىعى تۇگەل ەرەكشە ترانسفورماتور شەكتى جارنا سەرىكتەستىگىنەن شىققان، ءاربىر جابدىقتىڭ يقۋات ساندى مالىمەتى مەملەكەتتىك ولشەمنەن جوعارى. دۇنيە جۇزىلىك دەڭگەيدەگى كەرنەۋ اۋستىرۋ جابدىعىن وندىرەتىن زاۆود رەتىندە، ەرەكشە ترانسفورماتور شەكتى سەرىكتەستىگى جىل  سايىن ساتىلىم كىرىسىنىڭ 3 تە %5 ءىن تەحنيكادان جاڭالىق اشۋعا جۇمساپ، ەنگىزۋ، ەنگىزگەندى قابىلداپ، يگەرۋگە، قايتا جاڭالىق اشۋعا، ونان ەرەكشە جوعارى كەرنەۋ اۋستىرۋ تۇراقتى ەلەكتر جەتكىزۋ ءونىمىن زەرتتەپ جاساۋدى ءتۇيىن ەتكەن دەربەس جاڭالىق اشۋ جۇيەسىن، ونان ارعى شەتەلگە تەحنيكا شىعارۋ ولشەمىنە دەيىنگى تۇبەگەيلى وزگەرىستى جۇزەگە اسىردى. ەرەكشە ترانسفورماتور شەكتى جارنا سەرىكتەستىگى پارتكومنىڭ شۋجيى، باس جوراسى جاڭ شين بىلاي دەدى: «ەلەكتر الىستان كەلەدى، ەلەكترلەنۋ تۇتاس ەلىمىزدەن دۇنيە ءجۇزى ەنەرگيا ينتەرنەت تورابىنا قوسىلادى، وسىلايشا، عىلىم-تەحنيكانىڭ قۇزار شىڭدارىن ءبىر- بىرلەپ باعىنىرۋعا بولادى. ۇزدىكسىز جاڭالىق اشىپ دامىعاندا عانا كاسىپورىنىمىز ۇزبەي العا باسادى.» 
     مالىدەگى شاعىن زاۆودتان حالىقارالىق باسەكەلىك قۋاتقا يە عىلىم-تەحنيكا ارقىلى العا باساتىن وسىزامانعى كاسىپورىن توبىنا اينالعان ەرەكشە ترانسفورماتور شەكتى سەرىكتەستىگى ـــ سانجى وبلىسىنىڭ جاڭالىق اشۋ ارقىلى دامۋدى جەبەۋ ستراتەگياسىن ىشكەرىلەي اتقارۋىنىڭ شاعىن كارتيناسى. سوڭعى جىلداردان بەرى، سانجى وبلىسىنداعى جاساۋ كاسىبى تۇراقتى مۇلىككە جيىنى 256 ميلليارد 450 ميلليون يۋان قارجى قوستى، بۇل ونەركاسىپتىڭ تۇراقتى مۇلىككە قوسقان جالپى قارجىسىنىڭ %65 نەن ارتىعىن، رايونىمىز جاساۋ كاسىبىنىڭ تۇراقتى مۇلىككە قوسقان قارجىسىنىڭ تورتتەن بىرىنە جۋىعىن ۇستادى. 2016-جىلعا دەيىن، سانجى وبلىسى اۆتونوميالى رايوننىڭ عىلىم-تەحنيكادان جاڭالىق اشۋعا جەتەكشىلىك ەتۋ جوسپارى نىسانىنان 789 ءىن ەنگىزىپ، مەملەكەت دارەجەلى كاسىپورىننىڭ تەحنيكا ورتالىعىنان 4 ءىن، اۆتونوميالى رايون دارەجەلى كاسىپورىننىڭ تەحنيكا ورتالىعىنان 50 ءىن قۇردى، ستراتەگيالىق سيپات الاتىن، جاڭادان كوركەيگەن كاسىپ اشقان 66 كاسىپورىن مەملەكەتتىڭ جانە اۆتونوميالى رايوننىڭ تەحنيكادان جاڭالىق اشۋ قارجىسىنىڭ قولداۋىنا يە بولدى. 
   شينجياڭ جۇڭ-تاي حيميا فۋكاڭ ەنەرگيا شەكتى سەرىكتەستىگىنىڭ PVC اعاش شايىرىن وندىرەتىن زەردەلى  زاۆودتى ــــ 2017-جىلعى مەملەكەتتىك ونەركاسىپ جانە ينفورماتسيالاندىرۋ مينيسترلىگىنىڭ زەردەلى جاساۋ سىناق ءتۇيىنى ۇلگى نىسانى.  بۇل ارادا ءونىمدى جوبالاۋ، ءوندىرۋ، ەنەرگيانى مەڭگەرۋ، ۇستىندە مەڭگەرىپ باسقارۋ سياقتىلاردىڭ بارلىعى اۆتوماتتانعان. سەرىكتەستىكتىڭ ۇستىندە قوراپتاۋ سەحىندا، از عانا قىزمەتكەر جۇمىس ىستەيدى، قىزمەتتىڭ باسىم كوبىن ماشينالى جابدىق ىستەيدى. سەرىكتەستىكتىڭ ينجەنەرى ياڭ ياڭ، زەردەلى قاسيەتكە يە وزگەرىس ءبىر تۇتاس شوعىرلى باسقارىپ مەڭگەرۋ مەن ۇستىندە اۆتوماتتى باسقارۋدى جۇزەگە اسىرىپ، ونىمدەردىڭ وزىندىك قۇنىن %15 اينالاسىندا تومەندەتىپ، ءونىمنىڭ تولىمدىلىق دەڭگەيىن %100 كە جەتكىزگەنىن تانىستىرىپ، بىلاي دەدى: «اۆتوماتتى مەڭگەرىپ، مەحانيكالىق جابدىق پايدالانعاندا، ءبىر لەنيادان از دەگەندە ءۇش ادامدى ازايتۋعا بولادى، مىنە بۇل زەردەلى جابدىقتى پايدالانۋدىڭ كورنەكتى ونىمدىلىگى.» 
    قازىر، عىلىم-تەحنيكانى سۇيەنىش ەتكەن كاسىپتىڭ دامۋ قۋاتىنىڭ بارىنشا ارتۋىنا بايلانىستى، سانجى وبلىسىندا وزىق جابدىق جاساۋدى، جاڭا ەنەرگيانى، اۋىل شارۋاشىلىق ونىمدەرىن مانەرلەۋدى تىرەك ەتكەن جاساۋ كاسىبىنىڭ دامۋ جاڭا جاعدايى قالىپتاستى. سونىمەن بىرگە، سانجى وبلىسى ءداستۇرلى كاسىپكە تەحنيكالىق وزگەرىس ەنگىزۋ اياق الىسىن بارىنشا ىلگەرىلەتكەندىكتەن، ءداستۇرلى كاسىپتىڭ ونىمدەرى ورتا-جوعارى دارەجەلى دامۋعا بەتالدى؛ ستراتەگيالىق سيپات الاتىن، جاڭادان كوركەيگەن كاسىپتى دامىتۋ ارقىلى  كاسىپ قۇرىلىمى ساپالاندى؛ كاسىپورىننىڭ تەحنيكالىق جاڭالىق اشۋ جۇيەسى قۇرىلىسىن قولداپ، كاسىپورىن دامۋىنىڭ ىشكى قوزعاۋشى كۇشى نىعايدى. بيىل سانجى وبلىسى تاعى «تىڭ دامۋ كوزقاراسىنا تاباندى بولىپ، كاسىپتىڭ جوعارى ساپالى دامۋىن ىلگەرىلەتۋدى اتقارۋ پىكىرىن» جانە سايكەستى تۇلعالىق ساياساتتى جاريالاپ، ەلەكتر جەتكىزۋ-كەرنەۋ اۋستىرۋدى جانە قۇرىلىس ماشينا جابدىقتارىن جاساۋدى نىعايتىپ، جاساۋ كاسىبىنىڭ اۆتوماتتانۋ، يكەمدەنۋ، شوعىرلانۋ دەڭگەيىن اناعۇرلىم جوعارلاتتى. سانجى وبلىسىتىق ەكونوميكا جانە ينفورماتسيالاندىرۋ كوميتەتىنىڭ باس ەكونوميسى ۋي جۇڭحۋا بىلاي دەدى: «ءبىرسپىرا جاڭا كوزقاراستىڭ تياناقتانۋىنا بايلانىستى، سانجى وبلىسىنىڭ ەكونوميكاسىنىڭ دامۋ فورماسى جوعارى قارقىنمەن ارتۋدان جوعارى ساپالى دامۋعا وزگەرىپ، دامۋدىڭ قوزعاۋشى كۇشى بايلىققا سۇيەنىپ قارجى قوسۋدان، جاڭالىق اشۋدى جەبەۋگە وزگەرىپ، كاسىپتەگى جۇمىس ءبولىسى ورتا-تومەن دارەجەلى قۇن جاراتۋدان ورتا-جوعارى دارەجەلى قۇن جاراتۋعا قاراي دامىدى. »


بەرىپ كەت ورامالىڭدى

دوستار

الىستاعى اق ەركە