جاڭا حابارلار

يىن جيانجۇن ءىس جۇزىندىك ارەكەتى ارقىلى جاسىل تاۋ، ءمولدىر سۋدى قورعادى

    كەلۋ قاينارى: شينجياڭ حالىق راديو ىستانسياسى    2018-08-21 11:58:06  

  سانجى تەلەۆيزياسىنىڭ ءتىلشىسى ليۋ حۋانىڭ حابارى:شينجياڭ شينچىن قورشاعان ورتانى قورعاۋ عىلىم- تەحنيكا شەكتى جارنا سەرىكتەستىنىڭ باس جوراسى يىن جيانجۇن 30 جىلدان بەرى قورشاعان ورتانى قورعايتىن جاڭاشا ءۇي قۇرىلىسى ماتەريالدارىن زەرتتەپ وندىرۋگە، جاساۋعا ارناۋلى ءمان بەرىپ، ءىس جۇزىندىك ارەكەتى ارقىلى جاسىل تاۋ، ءمولدىر سۋدى قورعادى. يىن جيانجۇن بىلاي دەدى: «باس شۋجي شي جينپيڭ ›دارەتحانا رەفورماسىن‹ العا قويدى، قورشاعان ورتانى قورعاۋ ۇلگىسىندەگى كاسىپورىن تۇرعىسىنان ءبىز، ساپا وتكەلەگىن مىقتى يگەرىپ، ›ازيا - ەۆروپا  كورمەسىندە‹ جاڭا ونىمدەرىمىزدى، جاڭاشا ۇلگىدەگى ماتەريالدارىمىزدى كورسەتەمىز....»     ءتىلشى يىن جيانجۇنمەن كەزدەسكەندە، ول سەرىكتەستىڭتىڭ جاڭادان زەتتەپ وندىرگەن قورشاعان ورتانى قورعايتىن الەۋمەتتىك دارەتحاناسىن تەكسەرىپ جاتقان بولاتىن، وسى الەۋمەتتىك دارەتحانا PVC تاقتايشا ماتەريالدارىنان جاسالعان، قوسىمشا تۇيىق دايراق كولشىگى بار، دايراقتى اشىتىپ ءبىر ءجايلى ەتۋ ارقىلى  ونى ەگىس داقىلدارىن ەگۋگە قاجەتتى تىڭايتقىشقا پايدالانۋعا بولادى، بۇل جاڭا ءونىم 6- كەزەكتى جۇڭگو - ازيا- ەۆروپا كورمەسىنە قويىلادى. 53 جاستاعى يىن جيانجۇن گانسۋ ولكەسىنىڭ گاۋتاي اۋدانىندا دۇنيەگە كەلگەن، ورتا مەكتەپتە وقىپ جۇرگەن كەزىندە، باسقالاردان PVC ماتەريالىن جاساۋدى ۇيرەنگەن، تەحنيكا ۇيرەنۋدەن سىرت، ول تاعى جاسامپازدىق اشۋعا اۋەستەندى، ءۇي توبەسىندەگى قاردى اۆتوماتتى تازالاۋ ماشيناسىن تاپقىرلاۋ ءۇشىن، ول ءبىر اپتا بويى ەشكىممەن كەزدەسپەي، ءۇي توبەسىنە بىرەسە شىعىپ، بىرەسە ءتۇسىپ، ءساتتى بولعانعا دەيىن سان رەت ولشەپ، تاجىريبە جاسايدى. 2001- جىلى، يىن جيانجۇن تاپقىرلىعىن شينجياڭعا اكەلىپ، دامۋ ورايىن ىزدەدى. ول بىلاي دەدى: « سەلبەسەتىن ساۋدا ورنىن ىزدەگىم كەلدى، شينجياڭداعى ۇلكەندى- كىشىلى كاسىپورىنداردى تۇگەل ارالاسام دا، ءونىمى بولمادى، سوڭىندا دوسىمنىڭ تانىستىرۋى ارقىلى تيان-يە سەرىكتەستىگىنە باردىم. جارناسى بازارعا سالىنعان وسىنشاما ءىرى سەرىكتەستىكتىڭ مەنىمەن سەلبەسە قويۋى  مۇمكىن ەمەس دەپ ويلادىم، ەڭ سوڭىندا، بارىپ سىناپ كورۋ بەكىمىنە كەلدىم، اڭگىمەمىزدىڭ ونىمدىلىگى نەداۋىر جاقسى بولدى، سەرىكتەستىك جابدىق، زاۆود ورنىمەن قامدادى، ءبىز ءبىلىم مەنشىگى ۇقىعىن العان ءونىمىمىز ارقىلى العاشقى كىرىسكە دە يە بولدىق». وسى رەتكى جەتكەن تابىستىڭ ارقاسىندا يىن جيانجۇن قورشاعان ورتانى قورعاۋ ۇلگىسىندەگى ماتەريالداردى زەرتتەپ ءوندىرۋ، جاڭالىق اشۋ جولىمەن جۇرۋگە بەكىندى، ول بىلاي دەدى: « تەلەۆيزور كورىپ، راديو تىڭداۋ ارقىلى مەملەكەتتىڭ قورشاعان ورتانى قورعاۋ ونىمدەرىنە ءمان بەرگەنىن  ءارى ›اعاشتىڭ ورنىن سۋلياۋمەن باستىرۋ‹ ءتاسىلى العا قويىلعانىن بىلدىك، ءبىزدىڭ وسى ءونىمدى ءوندىرۋىمىز تاعى مەملەكەتتىڭ ساياساتىمەن ۇيلەستى. زەرتتەپ ءوندىرۋ بارىسىندا جاساعان اليۋمين- سۋلياۋ قوسپا ماتەريالىمىزدى   جوعارى مەكتەپتەرمەن جانە ورتا تەحنيكوم مەكتەپتەرمەن سەلبەسىپ، وسى ءونىمدى كەمەلدەندىردىك، وسىنىڭ ناتيجەسىندە، ءونىمنىڭ ساپاسىنا دا كەپىلدىك ەتتىك».   يىن جيانجۇننىڭ قورشاعان ورتانى قورعاۋ ۇلگىسىندەگى PVC ءۇي قۇرىلىسى ماتەريالى بولعان اليۋمين- سۋلياۋ قوسپا ماتەريالى ءوتىمدى بولدى، 2013- جىلى، ول سانجى قالاسى سانگۇڭ قالاشىعى تۋگۇڭ قىستاعىندا شينجياڭ شينچىن قورشاعان ورتانى قورعاۋ عىلىم- تەحنيكا شەكتى جارنا سەرىكتەستىگىن قۇردى. قازىر، سەرىكتەستىك باتىس سولتۇستىك رايونداعى سۋلياۋ حيميا ونەركاسىپ ءۇي قۇرىلىسى ماتەريالدارىن وندىرەتىن ەڭ ءىرى كاسىپورىنداردىڭ بىرىنە اينالىپ، ءونىمىنىڭ جىلدىق ساتىلىم قۇنى 40 ميلليون يۋانعا جەتتى. ول زەرتتەپ وندىرگەن، ءوتىنىش ەتكەن پاتەنت 13 كە جەتىپ، بارلىعى وندىرىسكە پايدالانىلدى. يىن جيانجۇن بىلاي دەدى: «باس شۋجي شي جينپيڭ › باقىت قاجىرلى كۇرەستەن كەلەدى‹ دەگەن بولاتىن، مەن بۇدان ەرەكشە اسەر الدىم! مەن مەملەكەتىمىزدىڭ دامىعان تاماشا ءداۋىر ورايىن مىقتى يگەرىپ، قورشاعان ورتانى قورعاۋ ءىسىن جالعاستى ويداعىداي ىستەيمىن».      


بەرىپ كەت ورامالىڭدى

دوستار

الىستاعى اق ەركە