جاڭا حابارلار

 قىزمەت اترەتى  ناقتىلى جاعدايعا قاراي شارا قولدانىپ، ەڭبەككۇشتەردى باسقا سالادا كاسىپتەندىرىپ، كاسىپتى دامىتۋعا كۇش سالىپ، قىستاق ديحاندارىنىڭ كىرىسىن ارتتىردى

    كەلۋ قاينارى: شينجياڭ حالىق راديو ىستانسياسى    2018-08-21 13:19:38  

  ستانسيامىزدىڭ ءتىلشىسى سۇن ۋيدىڭ حابارى :اقتاۋ اۋدانى پىلال اۋىلى پىلال قىستاعى ەرەكشە كەدەي قىستاق. اۆتونوميالى رايوندىق ءتارتىپ تەكسەرۋ، باقىلاۋ-تەكسەرۋ كوميتەتىنىڭ «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى وسى قىستاققا تۇسكەننەن بەرى، ناقتىلى جاعدايعا قاراي شارا قولدانىپ، ەڭبەككۇشتەردى باسقا سالادا كاسىپتەندىرىپ، كاسىپتى دامىتۋعا كۇش سالىپ، قىستاق ديحاندارىنىڭ كىرىسىن ارتتىردى.    قىستاق ديحاندارىن سول جەردىڭ وزىندە، جاقىن ماڭنان كاسىپتەندىرۋ ءۇشىن، قىستاققا تۇسكەن قىزمەت اترەتى قىزىلسۋ قىرعىز اۆتونوميالى وبلىسىنداعى  شۋاڭ-ليان-چۋاڭ كيىم-كەشەك شەكتى سەرىكتەستىگىن پىلال قىستاعىنا كەلىپ ىرگە تەبۋگە ۇسىنىس ەتتى، قازىر 120 دان ارتىق ەڭبەككۇش وسىندا كاسىپتەندى. كەزەكتە، جۇمىسشىلار ءبىر توپ تاپسىرىستى ازىرلەۋمەن قاربالاستانىپ جاتىر. قىستاق ديحانى پاتيگۇل قۇربان ءار كۇنى بالاسىن فابريكاداعى بالالاردى قاراۋ ورتالىعىنىڭ تەگىن قاراۋىنا بەرىپ، ءوزى الاڭسىز قىزمەت ىستەيدى. ول: «ەڭبەكاقى الامىن، وتە قۋانىشتامىن، قىزمەتتى بۇرىنعىدان دا قۇلشىنا ىستەيمىن. بالامدى قارايتىن ادام بار، الاڭسىزبىن، بۇرىنعى ءبىر جىلدا تاباتىن كىرىستى، قازىر ەكى دە ءۇش ايدا تابا الاتىن بولدىق»،-دەدى.    قىستاققا تۇسكەن قىزمەت اترەتى تاعى ەرەكشەلىگى بار قىستاق ديحاندارىن شاعىن اسحانا، شەبەرحانا، ديحاندار شاتتىعى تاعامجايى سياقتىلاردى اشىپ، كىرىستى ارتتىرۋدىڭ جولىن كەڭەيتۋگە شابىتتاندىردى. قىستاق ديحانى ءيمىت ابدىكەرىم شەبەر اسپاز، بۇرىننان اسحانا اشۋدى ويلاسقانىمەن، ءبىراق ساۋدا جولىن تابا الماعان ەدى. قىزمەت  اترەتى ونىڭ بۇل ويىن بىلگەننەن كەيىن، وعان كومەكتەسىپ دۇكەن قاراسترىپ، 50 مىڭ يۋان ءوسىمدى قارىز اقشاعا ءوتىنىش بەرۋدەن سىرت، تاعى بازار باقىلاۋ- باسقارۋ تاراۋىمەن اقىلداسىپ، تيجارات كۋالىگى، ازىق-تۇلىك تيجارات رۇحسات كۋالىگى سياقتىلاردى ءبىتىرىپ، قىستاقتاعى 6 كەدەي  ديحاندى اسحانادا جۇمىس ىستەۋگە تانىستىردى. اسحانانىڭ ورىنى جاقسى، تاماقتىڭ اقىسى ارزان  ءارى ءدامدى بولعاندىقتان، تيجارات باستاعان ەكى ايدىڭ وزىندە، ءيمىت ابدىكەرىم 40 مىڭ يۋانعا جۋىق كىرىس كىرگىزدى. ول: «جۇمىسشىلار ەڭ جوعارى بولعاندا، ايىنا 5 مىڭ يۋان، ەڭ تومەن بولعاندا ءبىر  مىڭ 700 يۋان ەڭبەكاقى الادى، اسحانا شاعىن بولعانىمەن، ءبىراق ءار كۇنگى ساۋدامىز جوعارى بولعاندا 5 مىڭ يۋان، تومەن بولعاندا 3 مىڭ 500دە 4 مىڭ يۋان بولادى»،-دەدى.   سونىمەن بىرگە، قىستاققا تۇسكەن قىزمەت اترەتى كەدەيلەردى سۇيەمەلدەۋ نىسان قارجىسىنا بەلسەنە قول جەتكىزىپ، قىستاق بازارىن كەڭەيتىپ اشىپ، كوللەكتيۆ پايدالانىلاتىن جەردى قايتادان جوبالاپ، 300 ساۋدا ورنىن باسەكەلەستىرىپ جالعا بەردى، ساۋدا ورنىنىڭ جال اقىسىنىڭ ءبىر ءبولىمىن قىستاقتىڭ كوللەكتيۆ شارۋاشىلىعىنا ەنگىزسە، تاعى ءبىر ءبولىمىن كەدەي وتباسىنا جىل سوڭىندا سيلىق اقشا رەتىندە تاراتتى. اۆتونوميالى رايوندىق ءتارتىپ تەكسەرۋ، باقىلاۋ-تەكسەرۋ كوميتەتىنىڭ پىلال قىستاعىنا تۇسكەن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ باستىعى، قىستاقتىڭ ءبىرىنشى شۋجيى جوۋ فىڭ بىلاي دەدى: «باستى ءتۇيىن ـــ كاسىپورىندى دامىتىپ، ەڭبەككۇشتى باسقا سالادا كاسىپتەندىرىپ، شاعىن دۇكەن، شاعىن بازار، شاعىن فابريكا اشۋ جاعىنا كۇش سالۋدان سىرت، تاعى وسى نىساندى تياناقتاندىرۋعا قۇلشىندىق، كەدەيلەردى سۇيەمەلدەيتىن 14 نىسان ساناققا الىندى، بۇلار بىرتىندەپ تياناقتاندىرىلۋدا. »


بەرىپ كەت ورامالىڭدى

دوستار

الىستاعى اق ەركە