جاڭا حابارلار

 قۇمىل بايلىق شوعىرلانعان ابزالدىلىعى مەن ەرەكشە وڭىرلىك ابزالدىلىققا سۇيەنىپ، كاسىپ قۇرىلىمىن بەلسەنە ساپالاندىرىپ، قۇمىلدىڭ جاڭاشا امبەباب ەنەرگيا بازاسى قۇرىلىسىن ۇزبەي ىلگەرىلەتتى

    كەلۋ قاينارى: شينجياڭ حالىق راديو ىستانسياسى    2018-08-23 17:19:47  

 

قۇمىل راديو ستانسياسىنىڭ ءتىلشىسى دۋ شينيىڭنىڭ حابارى: سوڭعى جىلداردان بەرى، قۇمىل بايلىق شوعىرلانعان ابزالدىلىعى مەن ەرەكشە وڭىرلىك ابزالدىلىققا سۇيەنىپ، كاسىپ قۇرىلىمىن بەلسەنە ساپالاندىرىپ، قۇمىلدىڭ جاڭاشا امبەباب ەنەرگيا بازاسى قۇرىلىسىن ۇزبەي ىلگەرىلەتتى.  قۇمىل راديو ستانسياسىنىڭ ءتىلشىسى دۋ شينيىڭنىڭ حابارى:    بىرنەشە كۇننەن بەرى، شينجياڭ كەرنەۋ اۋستىرۋ، ەلەكتر جەتكىزۋ شەكتى سەرىكتەستىگىنىڭ 750 كيلوۆولتتىق تۇرپان-قۇمىل ەلەكتر لەنياسىن وزگەرتىپ جالعاۋ نىسانى مۇنارا ورناتۋدىڭ، ەلەكتر لەنياسىن جاتقىزۋدىڭ شەشۋشى كەزەڭىنە ءوتتى، وسى ەلەكتر لەنياسى شينجياڭداعى تۇڭعىش 750 كيلوۆولتتىق ينجەنەريانىڭ تور قوندىرعىسى قۇرىلىمى، قۇمىل قالاسى ەۋىرعۇل رايونى شيشان اۋىلىنان تىكەلەي تارتىلعان وڭ-تەرىس 800 كيلوۆولتتىق ەلەكتر اۋستىرۋ پونكتى شينجياڭنىڭ شىعىسىنداعى ءىرى اينالمالى ەلەكتر تورابىن قالىپتاستىرىپ، ەلەكتر تورابىنىڭ حاۋىپسىز، سەنىمدى توكپەن قامداۋ جانە سىرتقا ەلەكتر جەتكىزۋ نەگىزىن بەكەمدەدى. نىساننىڭ جاۋاپتىسى مەملەكەتتىك ەلەكتر توبى قۇمىل ەلەكترمەن قامداۋ سەرىكتەستىگىنىڭ ورىنباسار باس مەڭگەرۋشىسى فىڭ شياۋپيڭ تىلشىگە، 1986-جىلى قۇمىل توك تاراتۋ ستانسياسىنا كەلىپ قىزمەت ىستەگەن 32 جىلدان بەرى، اۆتونوميالى رايون دارەجەلى  كوپتەگەن ءتۇيىندى ەلەكتر ەنەرگياسى ينجەنەريا قۇرىلىس نىسانىنا قاتىناسقانىن جانە وعان كۋا بولعانىن ايتا كەلىپ، بىلاي دەدى: 12-بەسجىلدىق پلاننان 13-بەسجىلدىق پلانعا دەيىنگى مەزگىلدە، شينجياڭ ەلەكتر تورابى قارىشتاپ دامىپ، بۇرىنعى 220 كيلوۆولتتىق نەگىزگى ەلەكتر تورابى  750 كيلوۆولتتىق نەگىزگى ەلەكتر تورابى  تور قوندىرعىسى قۇرىلىمىنا وزگەرىپ، رايونىمىزدى ەلەكترمەن قامدايتىن 3 اينالمالى ەلەكتر تورابى مەن سىرتقا ەلەكتر تاسىمالدايتىن 3 ەلەكتر لەنياسىن نەگىز ەتكەن تور قۇرىلىمىن قالىپتاستىردى. سىرتقا ەلەكتر جەتكىزۋ ارناسى قۇرىلىسى ارقىلى، شينجياڭنىڭ تازا ەنەرگياسى ەلىمىزدىڭ جەر-جەرىنە جەتكىزىلدى. 
  قۇمىل ـــ جەل ەنەرگيا بايلىعى شوعىرلانعان ءوڭىر، ەلىمىز بويىنشا جوبالانعان 7 ءىرى جەل ءوتىنىڭ، رايونىمىز بويىنشا جوبالاعان 9 ءىرى جەل ءوتىنىڭ قۇمىلدا ۇشەۋى بار، جەل ەنەرگيا بايلىعىن تەحنيكالىق اشۋ مولشەرى تۇتاس رايونىمىزدىڭ مولشەرمەن %62.9  ءىن  يەلەيدى. قۇمىل تاعى ەلىمىزدەگى كۇن نۇرى ەنەرگيا بايلىعى ابزالدىلىعىنا يە وڭىرلەردىڭ ءبىرى. وسى ابزالدىلىقتارعا سۇيەنىپ، قۇمىل «جەل ينەرگياسى،كۇن نۇرى، وت كۇشى» ابزالدىلىعىن ارقاۋ ەتىپ، كوپ نەگىزدى قامداۋ جۇيەسىن بەلسەنە قۇردى. 2017-جىلعا دەيىن، قۇمىلداعى جەل كۇشىنەن پايدالانىپ توك تاراتۋ اگراگاتىنىڭ سيىمدىلىعى 10 ميلليون 980 مىڭ كيلوۆوتقا، كۇن نۇرىنان پايدالانىپ توك تاراتۋ اگراگاتتارىنىڭ سيىمدىلىعى ءبىر ميلليون 810 مىڭ  كيلوۆوتقا جەتتى، قازىرگە دەيىن،  قۇمىل جەل كۇشىنەن پايدالانىپ توك تاراتۋ اگراگاتتارىنىڭ سيىمدىلىعىن 10 ميلليون  كيلوۆوتقا، كۇن نۇرىنان پايدالانىپ توك تاراتۋ اگراگاتتارىنىڭ سيىمدىلىعىن ءبىر ميلليون  كيلوۆوتقا جەتكىزۋ نىساناسىن ءساتتى جۇزەگە اسىردى. «12-بەسجىلدىق» پلان كەزىندە، مەملەكەتتىك ەلەكتر تورابىنىڭ قۇمىلداعى توكپەن قامداۋ سەرىكتەستىگى شينجياڭنىڭ ەلەكترىن سىرتقا جەتكىزۋدەگى نەگىزگى كۇش رەتىندە، 750 كيلوۆولتتىق نەگىزگى ەلەكتر تورابى مەن تۇلعالىق ينجەنەريا قۇرىلىسى اياق الىسىن ىلگەرىلەتىپ، رايونىمىزدىڭ ەلەكترىن سىرتقا جەتكىزۋدەگى ءۇش ءىرى ارنانى ءساتتى اشتى. 2014-جىلى 1-ايدىڭ 27-كۇنى قۇمىلدىڭ وڭتۇستىگىنەن جىڭجوۋعا دەيىنگى وڭ-تەرىس 800 كيلوۆولتتىق ەرەكشە جوعارى كەرنەۋلى تۇراقتى ەلەكتر جەتكىزۋ ينجەنەرياسى ىسكە قوسىلىپ، 2 مىڭ 192 شاقىرىمدىق ەلەكتر جەتكىزۋ لەنياسى شينجياڭ، گانسۋ، نيڭشيا، شانشي، سانشي، حىنان سىندى 6 ولكە، رايوندى باسىپ ءوتىپ، سىرتقا ەلەكتر جەتكىزەتىن ءۇش ءىرى ارنا جەكە-جەكە تۇراقسىز اسقان جوعارى كەرنەۋلى ەلەكتر جەتكىزۋ جانە تۇراقتى اسقان جوعارى كەرنەۋلى ەلەكتر جەتكىزۋ لەنياسى ارقىلى ءبىر ۋاقىتتا سىرتقا ەلەكتر  جەتكىزىپ، قۇمىلدىڭ شىعىس وڭتۇستىگى، نوم، ءسانتاڭحۋ جەل كۇشىنەن پايدالانىپ توك جەتكىزۋ ەلەكتر ستانسياسى، شىچىڭزى كابەل كاسىپ باقشاسى جانە دانانحۋ وت-ەلەكتر ستانسياسىنىڭ «جەل، كۇن نۇرى، جارىق» سىندى جاڭا ەنەرگيانى قوزعاۋشى كۇش ەتكەن سىرتقا ەلەكتر جەتكىزۋ ناتيجەسى كورنەكتى بولىپ، سىرتقا ەلەكتر جەتكىزۋدەگى تازا ەنەرگيادان پايدالانىپ ەلەكتر جەتكىزۋ مولشەرىنىڭ يەلەيتىن سالىستىرماسى %38 كە تايادى. 
   قازىر، جيىنى ءبىر ميلليارد 600 ميلليون يۋان قارجى قوسىلعان شينجياڭداعى تۇڭعىش كۇن نۇرىنان پايدالانىپ ەلەكتر تاراتۋ ۇلگى نىسان ـــ قۇمىلداعى ەرىگەن تۇز مۇنارا ۇلگىسىندەگى 50 مىڭ كيلوۋاتتىق كۇن نۇرىنان پايدالانىپ ەلەكتر جەتكىزۋ ينجەنەرياسى قاۋىرت سالىنۋدا، بيىل 12-ايدا وندىرىسكە قوسىلىپ توك تاراتادى دەپ جوسپارلانىپ وتىر. نىسان بىتكەننەن كەيىن، جىل سايىن 190 ميلليون كيلوۆات-ساعات تازا  ەلەكتر ەنەرگياسىمەن قامدايدى دەپ مەجەلەنۋدە. مەملەكەتتىك ەلەكتر تورابى قۇمىل ەلەكترمەن قامداۋ سەرىكتەستىگى  دامۋدى جوبالاۋ ءبولىمىنىڭ مەڭگەرۋشىسى سۇڭ لي-ۋي بىلاي دەدى: الدا مەملەكەتتىڭ جاسىل- تازا ەنەرگيانى دامىتۋ ستراتەگياسىن بەلسەنە دايەكتىلەندىرىپ، تياناقتاندىرىپ، جاڭا ەنەرگيا جانە ەلەكتر تورابىن تۇتاستىرۋ قىزمەتىنەن ۇزبەي قىزمەت ەتىپ، ەلەكتر تورابىنا قارجى قوسۋ تەبىنىن ۇزدىكسىز ارتتىرامىز.
 


بەرىپ كەت ورامالىڭدى

دوستار

الىستاعى اق ەركە