جاڭا حابارلار

گۋ حاييىڭ حالىق ءۇشىن قىزمەت وتەۋ باستى ماقساتىن ءامالياتتا ايگىلەپ، مەيىرى ارقىلى الەۋمەتتىك يگىلىك جولىن اشتى

    كەلۋ قاينارى: شينجياڭ حالىق راديو ىستانسياسى    2018-08-27 10:39:38  

ساۋان راديو ستانسياسىنىڭ تىلشىلەرى جياۋ زۋچيڭ، فىڭ لەيدەردىڭ حابارى : ساۋان اۋدانى سانداۋحىزى قالاشىعى قۇلجا جولى الەۋمەتتىك اۋماعىنىڭ تۇرعىنى، «گۋ حاييىڭ مەيىر باعىشتاۋ ورنىنىڭ» جاۋاپتىسى گۋ حاييىڭ 14 جىل بويى الەۋمەتتىك يگىلىك ىسىنە بار ىنتاسىمەن اتسالىسىپ، قاشان دا اق نيەت، ادال كوڭىلىمەن حالىق ءۇشىن قىزمەت وتەۋ باستى ماقساتىن ءامالياتتا ايگىلەپ، مەيىرى ارقىلى الەۋمەتتىك يگىلىك جولىن اشتى. 
     « ءبىزدىڭ بۇگىن تۇستەن بۇرىنعى مىندەتىمىز تاۋلى رايونداعى 5 مەكتەپتەگى وقۋشىلاردىڭ فۋتبول كيىمىن ۇزىن جەڭ، شولاق جەڭ، اياق كيىم، بايباق، جىلىنشىكتى قورعاعىش سياقتىلاردى تۇرگە ايىرىپ، قوراپتاپ، 9- ايدا وقۋ باستالۋدان بۇرىن مەكتەپتەرگە جەتكىزىپ بەرىپ، فۋتبول كومانداسىن تەز ارادا قۇرۋعا كومەتەسۋ».     جەكسەنبى كۇنى تاڭەرتەڭ، مەملەكەت بويىنشا ەڭ سۇيىكتى ەرىكتى، ساۋدان اۋداندىق لەي فىڭنان ۇيرەنۋ ەرىكتىلەر قوعامىنىڭ جاۋاپتىسى گۋ حاييىڭ ەرىكتىلەرمەن بىرگە  جىلۋعا جينالعان   وقۋشىلاردىڭ فۋتبول كيىمدەرىن تۇرگە ايىرىپ قوراپتاپ، تاۋلى رايونداعى مەكتەپتەرگە اپارماق بولدى.   2004 -جىلى، وتباسى ايەلى گۋ حاييىڭ كيىم- كەشەكتەرىن رەتتەگەندە، كيمەيتىن ءبىر توپ كيىمىن ماڭىنداعى قاجەت ەتكەن ادامدارعا ۇسىنادى. وسىدان باستاپ، ول الەۋمەتتىك يگىلىك جولىنا تۇسەدى، ءارى مەيىر باعىشتاۋ ورنىن قۇرادى.    
 2015- جىلى، جەرگىلىكتى ورىنداعى كىشكەنتاي ۇيعۇر قىزى رۋفيان اق قان اۋرۋىنا شالدىققاندا، گۋ حاييىڭ 5 مىڭ يۋان جىلۋ اتايدى، سونىمەن بىرگە ۇيىرمەنى باستاپ قوعامنان 30 مىڭ يۋان مەيىر باعىشتاۋ سوماسىن جينايدى. 14 جىلدان بەرى، گۋ حاييىڭنىڭ ءوزى  جالعىز ەرىكتى تۇردە جيىنى 4 مىڭ 400 ميلليلەتر قان بەرەدى، ال ول قۇرعان ۇيىرمە جيىنى 13 مىڭنان ارتىق مەيىر باعىشتاۋ بۇيىمىن، 3 ميلليون يۋاننان ارتىق مەيىر باعىشتاۋ قارجىسىن جىلۋعا اتاپ، كەدەي وقۋشىلارعا، بەستە قامتاماسىزداندىرىلاتىن قارتتارعا، ەرەكشە بۇقارالىق توپقا مىڭ ادام رەتتەن ارتىق كومەكتەستى. ونىڭ ىقپال كورسەتىپ، جەتەكشىلىك ەتۋىندە، مەيىر باعىشتاۋ ۇيىرمەسىنىڭ مۇشەسى 300 ادامنان استى. ەرىكتى جاڭ لى: «ول كومەككە ءزارۋ  جاندارعا قول ۇشىن بەرگەندە ادال نيەت ، شىنايى سۇيىسپەنشىلىگىن ارناپ مامىلە جاسايدى، بۇل ماعان دا ەرەكشە اسەر ەتتى، ونىڭ ىقپالىندا مەن دە ەرىكتى قىزمەت وتەۋگە قاتىناستىم»، ــ دەدى.   2016 - جىلى گۋ حاييىڭ «مەملەكەت بويىنشا ەڭ سۇيىكتى ەرىكتى» بولىپ باعالاندى، سول جىلى تاعى «اۆتونوميالى رايوننىڭ ۇلتتار ىنتىماعى العاباسارلىعى جاعىنداعى تاڭداۋلى كوممۋنيست» دەگەن اتاققا يە بولدى. پارتيا 19- قۇرىلتايى اشىلعاننان كەيىن، گۋ حاييىڭ ۇيىرمەنىڭ قىزمەت نىساناسىن كەدەيلىكتەن قۇتىلدىرۋدان قامال الۋعا تۇراقتاندىردى، ول:« پارتيا 19- قۇرىلتايىندا كەدەيلىكتەن قۇتىلدىرۋدان قامال الۋ شايقاسىندا باتىل جەڭىسكە جەتۋ ۇندەۋى العا قويىلدى، پارتيا مۇشەسى، ءارى ەرىكتىلەر ۇيىرمەسىنىڭ جاۋاپتىسى بولعان مەن كەدەيلەردى سۇيەمەلدەپ، قيىنشىلىعى بارلارعا كومەكتەسۋ سالاسىندا قولىمنان كەلگەنىن ىستەسەم دەيمىن»، ــ دەدى. 


بەرىپ كەت ورامالىڭدى

دوستار

الىستاعى اق ەركە