جاڭا حابارلار

 قىزمەت اترەتى قىستاقتىڭ ناقتى جاعدايىمەن بىرلەستىرىپ، شاعىن  فابريكانى دامىتىپ، قىستاق تۇرعىندارىن ءۇيىنىڭ جانىندا كاسىپتەنۋگە باستاپ، قىستاق تۇرعىندارىن كىرىستى ارتتىرىپ، اۋقاتتانۋعا جەتەكتەدى

    كەلۋ قاينارى: شينجياڭ حالىق راديو ىستانسياسى    2018-08-28 10:42:35  

 ستانسيامىزدىڭ ءتىلشىسى سۇن ۋيدىڭ حابارى  :ياركەن اۋدانىنىڭ ىشقۇل اۋىلى قىشىلاق  قىستاعى ەرەكشە كەدەي قىستاق، اۆتونوميالى رايوندىق ەكونوميكا جانە ينفورماتسيالاندىرۋ كوميتەتى، شينجياڭ جەڭىل ونەركاسىپ كاسىپتىك تەحنيكالىق شۋەيۋانى، ياركەن اۋداندىق بازاردى باقىلاۋ - باسقارۋ مەكەمەسىنىڭ «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» بويىنشا قىستاقتا تۇراتىن بىرىككەن قىزمەت اترەتى قىستاقتىڭ ناقتى جاعدايىمەن بىرلەستىرىپ، شاعىن  فابريكانى دامىتىپ، قىستاق تۇرعىندارىن ءۇيىنىڭ جانىندا كاسىپتەنۋگە باستاپ، قىستاق تۇرعىندارىن كىرىستى ارتتىرىپ، اۋقاتتانۋعا جەتەكتەدى.    قازىر قىشىلاق قىستاعى 67 جىلىجاي سالدى، بۇرىن قىستاق تۇرعىندارى ءوزى كوكونىس ەگىپ باپتايتىن، تەحنيكاسى كەمەلدەنبەۋ، باپتاۋى  ۇيلەسىمدى بولماۋ سياقتى سەبەپتەردەن قىستاق تۇرعىندارىنىڭ كىرىسى وتە تومەندەپ، ىلگەرىندى- كەيىندى 24  جىلىجاي  كەرەكسىز قالعان . بيىل قىستاقتا تۇراتىن قىزمەت اترەتى شاڭحايدىڭ شينجياڭعا كومەكتەسەتىن كاسىپورنى- شاڭحاي حى-پۋ قارجىلاندىرۋ سەرىكتەستىگىن ۇسىنىس ەتىپ، جىلىجايدى ءبىر تۇتاس باسقاردى، قىستاق تۇرعىندارىنىڭ كىرىسى كورنەكتى ارتتى. قىستاق تۇرعىنى امەت مامەت ءوزىنىڭ جىلىجايىن سەرىكتەستىكتىڭ جالعا بەرىپ باسقارتقاننان كەيىن، ءوزى سەرىكتەستىكتىڭ جۇمسشىسىنا اينالىپ، اي سايىن ءبىر مىڭ 800 يۋان تۇراقتى ەڭبەكاقى الىپ وتىردى. ول :«مەن جىلىجايدى 2 مىڭ يۋانمەن سەرىكتەستىككە جالعا بەردىم، سەرىكتەستىك  مامانداردى ءبىزدىڭ ەگىنشىلىكتى باسقارۋىمىزعا  جەتەكشىلىك ەتۋگە ۇيىمداستىردى،   كوكونىستەردى سەرىكتەستىك ءبىر تۇتاس جيناپ الادى، كوكونىستىڭ ويداعىداي ەگىلمەۋى نەمەسە ساتىلماي قالۋى سياقتى ماسەلەلەردەن ەندىگارى الاڭدامايتىن بولدىق، سونداي- اق مەن ءوز جەرىمدە كاسىپتەنىپ، ءار جىلى 20 مىڭ يۋاننان ارتىق ەڭبەكاقى الامىن. بۇدان كەيىن قىزمەتتى جاقسى ىستەپ، تەحنيكانى جاقسى ۇيرەنىپ، ءتىپتى دە كوپ كىرىس تابۋعا تىرىسامىن»،- دەدى.     قىشىلاق قىستاعىندا جالپى ارحيپ تۇرعىزىلىپ، كارتىشكا تاراتىلعان كەدەي وتباسىنان 172 وتباسى بار، ولار تۇتاس قىستاق جان سانىنىڭ تەڭ جارتىسىن يەلەيدى، ادام باسىنا تۋرا كەلەتىن ەگىستىك جەر ماردىمسىز ، بۇل قىستاق تۇرعىندارىنىڭ كىرىستى ارتتىرىپ، اۋقاتتانۋىنا تۇساۋ بولدى. بۇل جونىندە قىستاقتا تۇراتىن قىزمەت اترەتى شاعىن فابريكانى دامىتۋ ارقىلى  ىلگەرىندى- كەيىندى 170 كەدەي قىستاق تۇرعىنىن كاسىپتەندىردى. تەحنيكا ۇيرەنۋگە قاتىناسقان قىستاق تۇرعىنى گۇلنياز مامەت جىل سوڭىنان بۇرىن، قىستاقتا جاڭادان سالىنعان كيىم- كەشەك فابريكاسىنا بارىپ، قىزمەت ىستەيدى. ول :« وسى ارادا ءۇش اي تاربيەلەنىپ، تىگىنشىلىك تەحنيكاسىن ۇيرەندىم، كيىم- كەشەك فبريكاسى  دا سالىندى، تەحنيكانى تولىق يگەرگەننەن كەيىن زاۆوتقا بارىپ، قىزمەت ىستەيمىن. بۇل مەنىڭ تۇڭعىش قىزمەتىم، ءسوزسىز، جاقسى ىستەيمىن»،- دەدى.    قازىر قىشلاق قىستاعى  بىرتىندەپ كوكونىس ەگۋ، اعاش ماتەريالدارىن وڭدەۋ، كيىم- كەشەك مانەرلەۋ كاسىپورىندارى سياقتىلاردىڭ قاتىستى قۇرىلعىلارىن كەمەلدەندىرىپ،  ولاردىڭ دامۋ ورتاسىن جاپپاي جاقسارتىپ، وسى ارقىلى  اناعۇرلىم كوپ قىستاق تۇرعىنىن ۇيىنەن شىعىپ، تولىق كاسىپتەنۋگە جەتەكتەدى. اۆتونوميالى رايوندىق ەكونوميكا جانە ينفورماتسيالاندىرۋ كوميتەتى، شينجياڭ جەڭىل ونەركاسىپ كاسىپتىك تەحنيكالىق شۇەيۋانى، ياركەن اۋداندىق بازار  باقىلاۋ- باسقارۋ مەكەمەسىنىڭ « حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» بويىنشا قىستاقتا تۇراتىن بىرىككەن قىزمەت اترەتىنىڭ باستىعى پىڭ جي:« جاقىن ماڭنان، ءوز جەرىندە كاسىپتەنۋدە باستىسى شاعىن فابريكا سىندى تەكشەگە سۇيەنەمىز، بۇرىنعى ءبىر قىستاقتا ءبىر شاعىن  فابريكا قۇرۋ ۇلگىسىن وزگەرتەمىز، مۇنداعى وزىندىك قۇن بۇرىنعىدان دا تومەن بولادى، سونىمەن بىرگە  اينالىم جاعىنا جاڭالىق جاساپ، شاعىن فابريكا قۇرىلۋدان بۇرىن جۇمىسشىلاردى تاربيەلەۋگە ۇيىمداستىرامىز»،- دەدى.


بەرىپ كەت ورامالىڭدى

دوستار

الىستاعى اق ەركە