جاڭا حابارلار

 ءالىمجان ءمامىتىمىن توراپ ارقىلى گۋمانىڭ جاس ورىگىن ىشكەرىدەگى كوپتەگەن ولكە، اۆتونوميالى رايونعا، قالاعا دەيىن ساتتى

    كەلۋ قاينارى: شينجياڭ حالىق راديو ىستانسياسى    2018-08-28 10:51:41  

ستانسيامىزدىڭ ءتىلشىسى سۇن ۋيدىڭ حابارىن : گۋما اۋدانى باشىلاڭگەر اۋىلى سازام قىستاعىنىڭ تۇرعىنى ءالىمجان ءمامىتىمىن توراپ ارقىلى گۋمانىڭ جاس ورىگىن ىشكەرىدەگى كوپتەگەن ولكە، اۆتونوميالى رايونعا، قالاعا دەيىن ساتتى، بۇل گۋما ورىگىنىڭ تانىمالىلىعىن ارتتىرىپ قالماستان، جەرگىلىكتى ورىنداعى تۇرعىنداردىڭ كىرىسىن جوعارلاتىپ، كەدەيلىكتەن قۇتىلۋعا باستادى.:
      2013- جىلى، ەندى عانا داشۋە بىتىرگەن ءالىمجان ءمامىتىمىن اۋىلىنا قايتىپ كاسىپ كوزىن اشادى، اۋىلىنداعى جوعارى سورتتى ورىكتىڭ ءتۇسىمى ەرەكشە مول بولعانىمەن، ساتىلىم جولىنىڭ ويداعىداي ەمەس ەكەنىن بىلگەن ءالىمجان ءمامىتىمىن جەرگىلىكتى ورىندا وندىرىلگەن ورىكتى ارقاۋ ەتىپ، ساتۋ جولىن قاراستىرۋ بەكىمىنە كەلەدى. ول ءوزى قارجى توپتاپ، قسىتاقتان جەمىس كەپتىرۋ ءۇيىن سالادى، بۇل قىستاقتىڭ جاس ورىگىن كەپتىرۋ ماسەلەسىن شەشىپ قالماستان، ءىشنارا قىستاق تۇرعىندارىن ىرگەدەن كاسىپتەنۋگە جەبەدى. ىلە-شالا، ءالىمجان ءمامىتىمىن ەلەكتروندى ساۋدا تەكشەسىنەن ارناۋلى ورىك ساتۋ دۇكەنىن اشۋمەن بىرگە، ءۇنحات دوستىق شەڭبەرى ارقىلى توراپتا ساتۋ قيمىلىن ورىستەتتى. ءونىمنىڭ ساپاسىن ۇزبەي جوعارىلاتىپ، قىزمەت وتەۋ دەڭگەيىن جوعارىلاتىپ قالماستان، ءالىمجان ءمامىتىمىن جاس ورىك پەن كەپتىرىلگەن ورىكتى ىشكەرىدەگى كوپتەگەن ولكە، اۆتونوميالى رايون، قالاعا دەيىن ساتتى، ول بىلاي دەدى:« 3 ستۋدەنت ءبىر قوسىن بولىپ، عالامتوردان ءۇتىمدى پايدالانىپ، ورىك ساتتىق، وتە ءوتىمدى بولدى. ورىكتەن مول ءونىم الىسىمەن قاريدارلار دەرەۋ تاپسىرىس بەرەدى، جىلدامدىعى وتە تەز، عالامتور كاسىبى ءبىزدىڭ بۇكىل ەلمەن تەڭ دامۋىمىزعا مۇمكىندىك جاسادى. »
 كاسىپتىڭ ۇزدىكسىز دامىپ، كەڭەيۋىنە وراي، 2015- جىلى، ءالىمجان ءمامىتىمىن ۇرىمجىدەن سازام ساۋدا شەكتى سەرىكتەستىگىن قۇرىپ، شينجياڭنىڭ ايگىلى، ەرەكشە اۋىل شارۋاشىلىق قوسىمشا ونىمدەرىن ارناۋلى ساتتى. 2016- جىلى ءالىمجان ءمامىتىمىننىڭ سەرىكتەستىگى ساتاتىن ورىكتىڭ ءبىر ەرەكشە سورتى 7-كەزەكتى شينجياڭ اۋىل شارۋاشىلىق ونىمدەرى بەيجيڭ ساۋدا كەڭەسى ونىمدەرىنىڭ التىن سيلىعىن الدى، بۇل كوپتەگەن كاسىپورىندى ءالىمجان ءمامىتىمىندى ىزدەپ كەلىپ، ساۋدا جاعىندا سەلبەسۋدى اقىلداسۋعا باۋرادى. قازىر، ءالىمجان ءمامىتىمىننىڭ ويعا العان ەڭ ماڭىزدى جۇمىسى اناعۇرلىم كوپ تۇرعىندى تابيعي، ورگانيكالى اۋىل شارۋاشىلىق ونىمدەرىن ەگۋگە جەتەكشىلىك ەتىپ، شينجياڭنىڭ قىرۋار ايگىلى، ەرەكشە اۋىل شارۋاشىلىق ونىمدەرىن اناعۇرلىم كەڭ بازارعا جالپىلاستىرۋ بولىپ وتىر. ول بىلاي دەدى: «كەلەر جىلى، ولشەمدەندىرۋ ءتاسىلىن قولدانىپ، ورىك باقشالارىن تۇگەل ءوزىم كوتەرمەگە الىپ، ءوزىم باسقارامىن، باستى نىسانام ـ ونى ولشەمدەندىرۋ، كولەمدەندىرۋ بولماق. » 

 

 



بەرىپ كەت ورامالىڭدى

دوستار

الىستاعى اق ەركە