جاڭا حابارلار

 روزا گۇلىن ەگۋ كاسىبىن كۇش سالا دامىتىپ، قىستاق تۇرعىندارىن كىرىستى ارتتىرۋعا جەبەدى

    كەلۋ قاينارى: شينجياڭ حالىق راديو ىستانسياسى    2018-08-29 11:08:06  

 ستانسيامىزدىڭ ءتىلشىسى ياڭ جانچياۋدىڭ حابارى :شىنحۋا توبى شينجياڭ ەنەرگيا شەكتى جاۋاپكەرلىك سەرىكتەستىگىنىڭ كەريا اۋدانى ارال اۋىلى بەشتوعىراق قىستاعىندا تۇرعان «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى جەرگىلىكتى ورىننىڭ مول كۇن نۇرى بايلىعى ابىزالدىلىعىنان ۇتىمدى پايدالانىپ، روزا گۇلىن ەگۋ كاسىبىن كۇش سالا دامىتىپ، قىستاق تۇرعىندارىن كىرىستى ارتتىرۋعا جەبەدى.    قازىر، روزا گۇلىن ءۇزۋ مەزگىلى ءوتىپ كەتسەدە، بەشتوعىراق قىستاعىندا روزا گۇلىنىڭ جۇپار ءيىسى اڭقىپ تۇر. تۇرعىن ءامينا جالەل وتباسىنىڭ روزا گۇلى توسابى دۇكەنىندە، 70 تەمىر شەلەكتەگى روزا گۇلى توسابىنان ادامدى ەرىكسىز وزىنە باۋرايتىن جۇپار ءيىس اڭقيدى. ءامينا جالەل تىلشىگە بىلاي دەدى: «وسى روزا گۇلى توسابىنىڭ شيكزاتى تۇگەلدەي بيىل قىستاعىمىزدا ەگىلگەن. بيىل 4 توننا روزا گۇلىن ساتىپ الىپ، 10 توننا روزا گۇلى توسابىن جاسادىق، 6 تونناسىن ساتتىم، قالعانىنا تۇگەل تاپسىرىس بەرىلدى.  ەسەپتەپ كورسەم،  جالپى كىرىسىم 300 مىڭ يۋاننان اسادى ەكەن.»   ارال اۋىلى روزا گۇلىن ەگۋ داستۇرىنە يە. شىنحۋا توبى شينجياڭ ەنەرگيا شەكتى جاۋاپكەرلىك سەرىكتەستىگىنىڭ كەريا اۋدانى ارال اۋىلى بەشتوعىراق قسىتاعىندا تۇرعان « حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى 2017- جىلى قىستاققا تۇسكەننەن كەيىن، جوعارى مەكتەپتەردەگى ماماندارمەن سەلبەسىپ، روزا گۇلىنىڭ سورتىن ساپالاندىردى ءارى ماماندار مەن پروفەسسورلاردى اتىز باسىنا بارىپ، تۇرعىندارعا جەتەكشىلىك ەتۋگە ۇسىنس ەتىپ، كوپشىلىكتىڭ روزا گۇلى كاسىبىن كولەمدەندىرىپ ەگۋ سەنىمىن بەكەمدەدى. مامانداردىڭ جەتەكشىلىگىندە، قىستاق تۇرعىنى پاتيگۇل ۋاق وتباسى 4 مۋ جەردەگى روزا گۇلىنەن مول ءونىم الدى، ول تىلشىگە: «مامانداردىڭ جەتەكشىلىگىندە، روزا گۇلىنىڭ ءوسىپ-ءونۋى، ساپاسى جاقسى بولدى، ءوسۋ مولشەرى %95 تەن استى، بيىل 40 مىڭ يۋاننىڭ روزا گۇلى ساتىلدى. قازىر تۇرمىسىمىز بارعان سايىن جاقسارۋدا»،-دەدى.   قىستاقتا تۇرعان قىزمەت اترەتىنىڭ باستاماشىلىعىندا، بەشتوعىراق قسىتاعىندا روزا گۇلى ەگىلگەن اۋماق 15 مىڭ مۋعا جەتىپ، ەلىمىزدەگى روزا گۇلىن كولەمدەندىرىپ ەگەتىن ماڭىزدى بازاعا  اينالدى. قىزمەت اترەتىنىڭ باستىعى لي حايچاۋ بىلاي دەدى: «سەلبەسكەن  ورىندارىمەن بىرلەسىپ، كاسىپ تىزبەگىن كەڭەيتۋ قىزمەتىن تىڭعىلىقتى ىستەپ، ونى بەشتوعىراق قىستاعىن ‹قازىر كەدەيلىكتەن قۇتىلدىرىپ، كەلەشەكتە اۋقاتتاندىراتىن› شىن مانىندەگى اسىل قازىناعا اينالدىرامىز. 


بەرىپ كەت ورامالىڭدى

دوستار

الىستاعى اق ەركە